চৰকাৰী কৰ্মচাৰীসকলে কাৰ্যালয়ৰ কৰ্তব্যৰত অৱস্থাত হাঁহি থাকিব লাগিব, নহ’লে তেওঁলোকে জৰিমনা ভৰিব অথবা চাকৰি ত্যাগ কৰিব লাগিব৷ এই নিৰ্দেশ জাৰি কৰিছে এখন দেশৰ এগৰাকী মেয়ৰে৷
সংবাদ মাধ্যমত প্ৰকাশিত খবৰ অনুসৰি ফিলিপাইনছৰ এগৰাকী মেয়ৰে এইদৰে এক নতুন নিৰ্দেশনা জাৰি কৰিছে৷ নিৰ্দেশনাটোত কোৱা হৈছে কাৰ্যায়লত হাঁহি থাকিব লাগিব নহ’লে জৰিমনা ভৰিব লাগিব৷ প্ৰয়োজন সাপেক্ষে চাকৰিও ত্যাগ কৰিব লাগিব৷
দেশখনৰ চৰকাৰে গ্ৰহণ কৰা সেৱা উন্নতি সাধন কাৰ্যসূচীৰ অধীনত মেয়ৰগৰাকীয়ে চৰকাৰী কৰ্মচাৰীসকললৈ এই নিৰ্দেশ জাৰি কৰা বুলি জানিব পৰা গৈছে৷
লগতে পঢ়ক উৰাজাহাজত ভ্ৰমণ কৰিব খোজে নেকি? মাত্ৰ ৯৯৯ টকাতে ভ্ৰমণৰ সুযোগ লওক…
কুইজন প্ৰদেশৰ মুলানী চহৰত শপত গ্ৰহণ কৰাৰ পিছতহে এৰিষ্ট’টল এৰিছ নামৰ মেয়ৰগৰাকীয়ে ‘স্মাইল পলিচি’ কাৰ্যকৰী কৰিছে। কাৰ্যবাহী আদেশত কোৱা হৈছে যে ‘শান্তি আৰু বন্ধুত্বপূৰ্ণ পৰিৱেশৰ মনোভাৱ দেখুৱাই জনসাধাৰণৰ সৎ সেৱা কৰা’ৰ বাবে এই নীতি গ্ৰহণ কৰা উচিত। স্থানীয় লোকসকলৰ অভিযোগৰ প্ৰতি সঁহাৰি জনাই এই ব্যৱস্থা গ্ৰহণ কৰা হৈছে৷ উল্লেখ্য তাৰ স্থানীয় লোকসকলৰ অধিকাংশই হৈছে তামোল খেতিয়ক আৰু মাছমৰীয়া।
ইফালে আগুইৰে অভিযোগ অনুসৰি কৰ আদায় দিবলৈ বা যিকোনো সহায়ৰ বাবে চৰকাৰী কৰ্মচাৰীক সাক্ষাৎ কৰিলেই তেওঁলোকক কৰ্মচাৰীসকলে অসৌজন্যমূলক আচৰণ কৰি আহিছে৷
অতি দুৰ্গম গাঁৱৰ পৰা টাউন হললৈ মানুহে ঘণ্টাৰ পিছত ঘণ্টা খোজকাঢ়ি গৈ চৰকাৰী বিষয়াক সাক্ষাৎ কৰিলেও বিষয়াসকলে তেওঁলোকক ৰূঢ় ব্যৱহাৰ কৰে আৰু ইয়াৰ ফলত সাধাৰণ লোকলক যথেষ্ট হতাশ হৈ পৰে।
লগতে পঢ়ক কাৰাৰুদ্ধ বৰ্ষাশ্ৰীৰ সম্পৰ্কে কি ক’লে মুখ্যমন্ত্ৰী হিমন্ত বিশ্ব শৰ্মাই?
উল্লেখ্য যে যোৱা ৯ মে’ৰ নিৰ্বাচনৰ পূৰ্বে এজন অকুপেচনেল থেৰাপিষ্ট হিচাপে কৰ্মৰত আগুইৰে কয় যে চৰকাৰী কর্মচাৰীৰ মনোভাৱ সলনি কৰাৰ প্রয়োজন আছে৷
প্ৰাক্তন ৰাষ্ট্ৰপতি ৰড্ৰিগো ডুটেৰ্টৰ প্ৰশাসনৰ এজন প্ৰাক্তন ন্যায় সচিবৰ পুত্ৰ আগুইৰে কয় যে আমাৰ বাবে ব্যৱসায়ৰ অনুকূল পৌৰসভা হোৱাৰ প্ৰয়োজন। যিসকল কৰ্মচাৰীয়ে এই নিৰ্দেশ মানি নচলে তেওঁলোকক ছমাহৰ দৰমহা জৰিমনা বিহা হ’ব পাৰে বা সেৱাৰ পৰা নিলম্বিত হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
