বিশ্বজুৰি চাঞ্চল্যৰ সৃষ্টি কৰা কোন এই বিশেষ ব্যক্তি, যিয়ে কঢ়িয়াইছিল অলিম্পিক শিখা
‘আশাৰ শিখা’, “Flame of Hope”, অলিম্পিক শিখা কঢ়িয়াই বিশ্বজুৰি চাঞ্চল্যৰ সৃষ্টি কৰা এগৰাকী বিশেষ ব্যক্তি। শাৰিৰীক অক্ষমতাক কাষৰীয়া কৰি বহু লোকৰ মাজেৰে কঢ়িয়াই নিছে অলিম্পিক শিখা। সেই বিশেষভাৱে সক্ষম লোকগৰাকী হৈছে কেভিন পিয়েট।
এটা ভয়ংকৰ বাইক দুৰ্ঘটনাত পতিত হৈ খোজ কঢ়াৰ ক্ষমতা হেৰুৱাই পেলোৱা ফ্ৰান্সৰ প্ৰাক্তন টেনিছ খেলুৱৈ কেভিন পিয়েটে এইবাৰৰ অলিম্পিক শিখা লৈ গৌৰৱেৰে খোজ কাঢ়িছে। বিগত ১০ টা বছৰে ধৰি কেভিনে হুইল চেয়াৰত বহিয়ে জীৱন কটাই আছিল, সেই কেভিনে এক্স’স্কেলিটন ব্যৱহাৰ কৰি সগৌৰৱেৰে জনতাৰ মাজেৰে খোজ কাঢ়ি আগবাঢ়ি গৈছে।
https://x.com/BillieJeanKing/status/1816847430836523108
সেই সময়ৰে মৰ্মস্পৰ্শী ভিডিঅ’ বৰ্তমানে সামাজিক মাধ্যমত ভাইৰেল হৈ পৰিছে। যি ভিডিঅ’ দেখি বিশ্বৰ বিভিন্ন প্ৰান্তৰ বহু লোকে কেভিনৰ এই কাৰ্যক প্ৰশংসা কৰিছে। এক্স হেণ্ডেলত এই ভিডিঅ’ শ্বেয়াৰ কৰিছিল এজন ব্যৱহাৰকাৰীয়ে, যি ভিডিঅ’ই ৬৫ লাখতকৈ অধিক ভিউ লাভ কৰিছে লগতে প্ৰায় ২ লাখ লাইক পাইছে।
https://x.com/BillieJeanKing/status/1816847430836523108
ভিডিঅ’টোত এটা কেপচনো শ্বেয়াৰ কৰা হৈছে, “এটা দুৰ্ঘটনাৰ পিছৰ পৰা পেৰাপ্লেজিক কেভিন পিয়েটে আজি নিজৰ এক্স’স্কেলিটনেৰে অলিম্পিকৰ শিখা কঢ়িয়াই লৈ ইতিহাস ৰচনা কৰিলে!” এক্স’স্কেলিটনে কেভিন পিয়েটক আকৌ ভৰিৰ ওপৰত থিয় হৈ অলিম্পিকৰ টৰ্চ লৈ খোজ কাঢ়িবলৈ সহায় কৰিলে।
https://youtube.com/shorts/IR1Rk2V4MNM?feature=shared
https://youtube.com/shorts/IR1Rk2V4MNM?feature=shared
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
