যি আশংকা কৰা হৈছে সেয়া সঁচা প্ৰমাণিত হৈছে৷ ইৰান যুদ্ধৰ জোৰত বিশ্বজুৰি যি ভয়াৱহ মন্দা আহিছে সেয়া স্পষ্ট কৰি দিলে প্ৰধানমন্ত্ৰী নৰেন্দ্ৰ মোদীয়ে৷ ইৰান, ইজৰায়েল আৰু আমেৰিকাৰ যুদ্ধৰ প্ৰভাৱক লৈ ক’বলৈ গৈ কৰ’নাৰ সেই কঠিন অৱস্থাৰ প্ৰসংগও টানি আনিলে প্ৰধানমন্ত্ৰীয়ে৷
আজি অৰ্থাৎ সোমবাৰে লোকসভাত ইৰান যুদ্ধৰ বাবে ভাৰতত পৰিব পৰা প্ৰভাৱক বিস্তাৰিত ভাৱে জনাইছে প্ৰধানমন্ত্ৰী মোদীয়ে৷ ভাৰতৰ অৱস্থান সম্পৰ্কে মোদীয়ে কৈছে, কূটনীতিক লৈ আমাৰ অৱস্থান স্পষ্ট৷ ভাৰত, পশ্চিম এছিয়াৰ সকলো দেশকেই ফোন কৰি যুদ্ধ ৰখোৱাৰ কথা কৈছে৷ এই যুদ্ধত কাৰোবাৰ জীৱনলৈ সংকট, মানৱতাৰ পক্ষে নহয়৷ ভাৰতৰ চেষ্টা হৈছে শান্তিপূৰ্ণ সমাধান৷ কূটনীতিয়েই এই সমস্যাৰ একমাত্ৰ সমাধান৷
আসন্ন সংকটৰ আভাস স্পষ্ট কৰিলে মোদীয়ে
ইয়াৰপাছতেই যুদ্ধৰ আসন্ন প্ৰভাৱক লৈ দেশবাসীক সতৰ্ক থকা আৰু শান্ত থকাৰ বাৰ্তা দিলে মোদীয়ে৷ কৈছে, ‘এই যুদ্ধৰ জোৰত দুনিয়াত যি কঠিন পৰিস্থিতি তৈয়াৰ হৈছে তাৰ প্ৰভাৱ দীৰ্ঘ সময় ধৰি জাৰি থকাৰ আশংকা আছে৷ এই অৱস্থাত আমি সাজু থাকিব লাগিব৷ আমি একজোট হৈ থাকিব লাগিব৷ এই প্ৰসংগত ক’বলৈ গৈ কৰ’নাৰ কঠিন পৰিস্থিতিৰ কথাও তুলি ধৰিছে তেওঁ৷
মোদীয়ে কয়, ‘আমি কৰ’নাৰ সময়তো একগোট হৈ এই ধৰণৰ চেলেঞ্জৰ মোকাবিলা কৰিছো৷ আকৌ সেই তেনে ধরণেই তৈয়াৰ থকাৰ সময় আৰু আৱশ্যিকতা আহিছে৷ ধৈৰ্য্য ধৰি শান্ত মনেৰে সকলো চেলেঞ্জৰ মোকাবিলা আমি কৰিবই লাগিব৷ এয়াই আমাৰ সক্তি৷ আমি বহু সাৱধান আৰু সতৰ্ক হৈয়ো থাকিব লাগিব৷ এই ধৰণৰ পৰিস্থিতিৰ অসাধু লোকে মুনাফা উঠাব পাৰে৷ সেয়ে সতৰ্ক থাকক৷ আমি দেশৰ সকলো ৰাজ্যৰ ওচৰত আবেদন কৰিছো৷ এই ধৰণৰ পৰিস্থিতিত কলা বজাৰ এক্টিভ হৈ যায়৷
ভাৰতৰ হাতত বৰ্তমানো আছে ৫৩ লাখ মেট্ৰিক টন পেট্ৰোলিয়াম
কেন্দ্ৰই বাৰে বাৰে আশ্বাস দিছে, এল পি জিক লৈ দেশত কোনো সংকট নাই৷ পৰ্যাপ্ত ৰন্ধন গেছ আছে৷ তাৰপিছতো বাণিজ্যিক গেছৰ সংকট কিয় তৈয়াৰ হৈছে৷ ইয়াৰ মূল কাৰণ ক’লাবজাৰ৷ ইতিমধ্যেই ক’লাবজাৰ ৰখাবলৈ প্ৰশাসনে চেষ্টা অব্যাহত ৰাখিছে৷ তথাপিও কৃত্ৰিমভাৱে তৈয়াৰ কৰা এই সমস্যাই সকলোকে সংকটত পেলাইছে৷ মোদীয়ে জনাইছে যে দেশত বৰ্তমানো ৫৩ লাখ মেট্ৰিক টন পেট্ৰোলিয়াম মজুত আছে৷ ইয়াৰোপৰি ভাৰতে ৪১ খন দেশৰ পৰা ইন্ধন আমদানি কৰি আছে৷ ফলত এক বা একাধিক উৎসত সমস্যা হলেও বিকল্প ব্যৱস্থা আছে৷ তাৰ মাধ্যমেৰে সৰবৰাহ স্বাভাৱিক ৰখা সম্ভৱ৷ যি অঞ্চলত এই সংঘাত চলিছে সেই অঞ্চল বিশ্ব বাণিজ্যৰ এক গুৰুত্বপূৰ্ণ ৰুট৷ বিশেষকৈ আমাৰ অপৰিশোধিত তেল বা ক্ৰুইড অইল আৰু গেছ সেই পথেৰেই আহে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
