অসম লাইভ ২৪ঃ বিগত কিছুদিনত দেশত ক’ৰোনা ভাইৰাছৰ সংক্ৰমণ উদ্বেগজনকভাৱে বৃদ্ধি পাইছে। সমান্তৰালকৈ দেশত চলি আছে ভেকচিনেচন অভিযান। বৃহস্পতিবাৰে দেশৰ প্ৰধানমন্ত্ৰী নৰেন্দ্ৰ মোদীয়ে ল’লে কোভিড ভেকচিনৰ দ্বিতীয়টো ড’জ। দিল্লীৰ এইমচত ভেকচিন লোৱাৰ কথা টুইটাৰযোগে উল্লেখ কৰে প্ৰধানমন্ত্ৰীগৰাকীয়ে। পূৰ্বে ১ মাৰ্চত ক’ভাক্সিনৰ প্ৰথম ড’জ ভেকচিন গ্ৰহণ কৰিছিল মোদীয়ে। ভেকচিন লোৱাৰ পাছত মোদীয়ে টুইটযোগে সকলোকে ভেকচিন ল’বৰ বাবে আহ্বান জনায়। ভেকচিন ল’বৰ বাবে যোগ্য লোকসকলক cowin.gov.in ত নাম পঞ্জীয়ন কৰি ভেকচিন ল’বলৈ আহ্বান জনায়। ক’ৰোনাৰ ভয়াৱহ সংক্ৰমণত উদ্বিগ্ন প্ৰধানমন্ত্ৰী মোদীয়ে আজি বিয়লি ৬.৩০ বজাত ৰাজ্যসমূহৰ মুখ্যমন্ত্ৰীৰ সৈতেও এক আলোচনাত মিলিত হ’ব।
Got my second dose of the COVID-19 vaccine at AIIMS today.
Vaccination is among the few ways we have, to defeat the virus.
If you are eligible for the vaccine, get your shot soon. Register on https://t.co/hXdLpmaYSP. pic.twitter.com/XZzv6ULdan
— Narendra Modi (@narendramodi) April 8, 2021
উল্লেখ্য যে ইতিমধ্যে দেশত ৯ কোটিৰ অধিক লোকে ভেকচিন গ্ৰহণ কৰিছে। বিগত সপ্তাহত ভাৰতত ক’ৰোনা সংক্ৰমণৰ ঘটনা উদ্বেগজনকভাৱে বৃদ্ধি হোৱাৰ সময়তে প্ৰাথমিকতাৰ আধাৰত টীকাকৰণ চলি থকাৰ কথা উল্লেখ কৰে স্বাস্থ্য মন্ত্ৰালয়ে। ১ এপ্ৰিলৰ পৰা দেশত টীকাকৰণৰ তৃতীয় পৰ্যায় আৰম্ভ হৈছে। এই পৰ্যায়ত ৪৫ বছৰ আৰু তাতকৈ অধিক বয়সৰ লোকক ভেকচিন প্ৰদান কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
