অসম লাইভ ২৪ঃ বিভিন্ন যাত্ৰাত প্ৰধানমন্ত্ৰীয়ে ব্যৱহাৰ কৰা বিমান সলনি হ’ব। নতুন বিমান আহিব ভাৰতলৈ। অত্যাধুনিক কাৰুকাৰ্য খচিত বিমানেৰে যাতায়াত কৰিব প্ৰধানমন্ত্ৰীকে ধৰি VVIPসকলে। ইতিমধ্যে নতুন বিমানখনৰ ফটো আহিব পৰিছে সংবাদ মাধ্যমৰ হাতত। ব’য়িং ৭৭৭ বিমানখনৰ দায়িত্বত থাকিব ভাৰতীয় বায়ুসেনা। আমেৰিকাৰ ৰাষ্ট্ৰপতিৰ বিমানৰ দৰেই এইখন বিমান সুসজ্জিত হ’ব মিছাইল ডিফেন্স ছিষ্টেম আৰু ইলেক্ট্ৰনিক ৱাৰফেয়াৰৰ দৰে উন্নত প্ৰযুক্তিৰে। প্ৰধানমন্ত্ৰী, ৰাষ্ট্ৰপতি আৰু উপ-ৰাষ্ট্ৰপতিয়ে ব্যৱহাৰ কৰিব এই বিমানখন। ছেপ্টেম্বৰৰ ভিতৰত ভাৰত আহি পাবহি এই বিশেষ বিমানখন। মুঠ দুখন এনে বিমান ক্ৰয় কৰিব ভাৰতে। ২০১৮ চনত এই দুখন বিমানৰ বাবে আমেৰিকাৰ ব’য়িং কোম্পানীক অৰ্ডাৰ দিছিল ভাৰতে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
