অসম লাইভ২৪ঃ বিশ্বকৰ্মা পূজা উপলক্ষ্যে প্ৰধানমন্ত্ৰী মোদীয়ে ১৭ তাৰিখেই দিল্লীৰ দ্বাৰকাৰ পৰা ‘পি এম বিশ্বকৰ্মা’ নামৰ নতুন প্ৰকল্প আৰম্ভ কৰিছে৷ ইয়াৰোপৰি প্ৰধানমন্ত্ৰী মোদীয়ে আৰম্ভ কৰা পি এম বিশ্বকৰ্মাৰ ল’গ, টেগলাইন আৰু পৰ্টেলো আৰম্ভ কৰিছে৷ এই প্ৰকল্পৰ প্রধান লক্ষ্য হৈছে যিসকল ব্যক্তিয়ে যন্ত্ৰপাতিৰ সৈতে প্ৰতিদিনে জড়িত হৈ থাকে এইসকল লোকক সহায় কৰা৷ পি এম বিশ্বকৰ্মা আঁচনিৰ অধীনত কোন কোন শ্ৰমিক থাকিব সেই তথ্যও দাঙি ধৰিছে প্রধানমন্ত্ৰীৰ বিশেষ সূত্ৰই৷
পি এম বিশ্বকৰ্মা আঁচনিৰ অন্তৰ্ভূক্ত হ’ব কাঠমিস্ত্ৰি, নৌকা প্ৰস্তুতকাৰী, অস্ত্ৰ প্ৰস্তুতকাৰী, কমাৰ, হেমাৰ আৰু টুলকিট মেকাৰ, তলা প্ৰস্তুতকাৰী, সোণাৰী, কুমাৰ, ভাস্কৰশিল্প, শিল ভঙা শ্ৰমিক, মুচি, ৰাজমিস্ত্ৰি, ঝাড়ু মৰা শ্ৰমিক, খেলনা নিৰ্মাতা, নাপিত, মালা প্ৰস্তুতকাৰী, ধূপ নিৰ্মাণকাৰী শ্ৰমিক, দৰ্জি আৰু মাছৰ জাল তৈয়াৰ কৰা শ্ৰমিকসকলকো সামৰি ল’ব এই আঁচনিৰ অধীনত৷ প্রধানমন্ত্ৰী মোদীয়ে জনসমাবেশত ভাষণ প্ৰসংগত উল্লেখ কৰিছে যে এইবাৰৰ বিশ্বকৰ্মা পূজা শিল্পীসকলৰ প্ৰতি উৎসৰ্গিত৷
প্রধানমন্ত্ৰীয়ে লগতে কয় যে পি এম বিশ্বকৰ্মা আঁচনিয়ে লক্ষাধিক শ্ৰমিক তথা শিল্পীয়ে বহুকেইটা সুবিধা লাভ কৰিব৷ এই আঁচনিৰ নামত ১৩,০০০ কোটি টকা ব্যয় কৰিব চৰকাৰে৷ এই আঁচনিৰ অধীনত বায়োমেট্ৰিক ভিত্তিত পি এম বিশ্বকৰ্মা পৰ্টেল ব্যৱহাৰ কৰিব পাৰিব৷ বিনামূল্যে বিশ্বকৰ্মা পৰ্টেলত আপুনি পঞ্জীয়ন কৰিব পাৰিব৷ বিশ্বকৰ্মা প্ৰমাণপত্ৰ আৰু আই ডি কাৰ্ডৰ মাধ্যমেৰে আৱেদন কৰিব পাৰিব৷ মৌলিক আৰু উন্নত প্ৰশিক্ষণৰ দ্বাৰা দক্ষতা পৰীক্ষা কৰা হ’ব৷ এই আঁচনিৰ অন্তৰ্ভূক্ত লোকক ১৫০০০ টকাৰ টুলকিট ইনছেনটিভ, ৫ শতাংশ সুদৰ হাৰত ১ লাখ টকা আৰু ২ লাখ টকা পৰ্যন্ত ঋণ লাভ কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
