শীঘ্ৰেই বজাৰত উপলব্ধ হ’ব কোভিড ভেকচিন কোভিশ্বিল্ড আৰু কোভাক্সিন৷ CDSCOই দুয়োবিধ ভেকচিনক বাণিজ্যিকভাৱে মুকলি কৰাৰ পৰিকল্পনা গ্ৰহণ কৰিছে৷ কেৱল DCGIৰ পূৰ্ণ সন্মতি লাভ কৰিলেই বজাৰত উপলব্ধ হ’ব কোভিশ্বিল্ড আৰু কোভাক্সিন৷ ছিৰাম ইনষ্টিটিউট অৱ ইণ্ডিয়া আৰু ভাৰত বায়’টেকে কোভিড ভেকচিনক বাণিজ্যিকভাৱে মুকলি কৰিবৰ বাবে CDSCOৰ অনুমতি বিচাৰি আৱেদন জনাইছিল৷ বিশেষজ্ঞ কমিটিৰ সন্মতি সাপেক্ষে বিভিন্ন চৰ্চ অনুসৰি CDSCOই অনুমতি প্ৰদান কৰিলে যদিও বৰ্তমানেও DCGIৰ সেউজ সংকেত লাভ কৰা নাই ফাৰ্মা কোম্পানী দুটাই৷ CDSCO ৰ চৰ্ত অনুসৰি কেৱল CoWin সৈতে পঞ্জীকৃত ক্লিনিকতহে উপলব্ধ হ’ব এই কোভিড ভেকচিন৷ ক্লিনিক বা হাস্পতালত টীকাকৰণৰ সময় তথা সবিশেষ তথ্য CoWin প’ৰ্টেলযোগে প্ৰকাশ কৰিব লাগিব কৰ্তৃপক্ষই৷ ভেকচিন কেৱল ক্লিনিক বা হাস্পতালৰ সৈতে সম্পৰ্কিত কেমিষ্টেহে বিক্ৰী কৰিব পাৰিব৷ চাবজেক্ট এক্সপাৰ্ট কমিতিৰ এই সিদ্ধান্তত কেৱল মোহৰ লগাব বাকী আছে DCGIয়ে৷ DCGIয়ে গ্ৰহণ কৰিব চূড়ান্ত সিদ্ধান্ত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
