আপোনাৰ মতে প্লাষ্টিকৰ বাল্টি এটাৰ দাম কিমান হ’ব পাৰে? আপুনি হয়তো ক’ব যে ১০০ টকাৰ পৰা ১৫০ টকাৰ ভিতৰত হ’ব! যদি অতি উন্নত মানৰ হয় অতি বেছি ৪০০ বা ৫০০ টকা হ’ব!
আপুনি আচৰিত হ’লেও আজি আমি আপোনাক এনে এটা বাল্টিৰ কথা ক’ম, যিটোৰ দাম শুনিলে আপোনাৰ চকু কপালত উঠিব৷ আপোনাৰ চকু কপালত উঠোৱা এই প্লাষ্টিকৰ বাল্টিটোৰ দাম কিমান জানেনে? ইয়াৰ দাম প্ৰায় ২৬ হাজাৰ টকা!
২৮ শতাংশ ৰেহাই দিয়াৰ পিছতো প্লাষ্টিকৰ বাল্টিটোৰ অনলাইনত খুচুৰা বিক্ৰীৰ দাম নিৰ্ধাৰণ কৰা হৈছে ২৫,৯৯৯ টকা৷ অনলাইন চাইটটোত বাল্টিটোৰ প্ৰকৃত খুচুৰা বিক্ৰীৰ মূল্য ৩৯,৯০০ টকা৷
লগতে পঢ়ক সমলিংগ বিবাহৰ অনুমতি প্ৰদান : উৎফুল্লিত সমকামীসকল!
বাল্টিটো ২৫,৯৯৯ টকাত বিক্ৰীৰ বাবে নিৰ্ধাৰণ কৰা এটা স্ক্ৰীণশ্বট কোনো লোকে লাভ কৰাৰ পিছতে পিছতে সামাজিক মাধ্যমত ই ভাইৰেল হৈ পৰিছে৷ সামাজিক মাধ্যমৰ ট্ৰেণ্ডত থকা এই প্লাষ্টিকৰ বাল্টিটোৰ সম্পৰ্কে নেটিজেনসকলে বিভিন্ন মন্তব্য কৰা দেখা গৈছে৷
অনলাইন কোম্পানীটোৰ বাকেট বিজ্ঞাপনটোত লিখা আছে, ‘‘প্লাষ্টিক বাকেট ফৰ হোম এণ্ড বাথৰুম চেট অৱ ১।’’ মাহেকীয়া কিস্তিৰ সুবিধাও আছে। মাহিলী কিস্তি হ’ব ১২২৪ টকা।
টুইটাৰ চাবস্ক্ৰাইবাৰ বিবেক ৰাজুৱে ফটোখন শ্বেয়াৰ কৰি কয় যে, ‘‘এখন অনলাইন ষ্ট’ৰত দেখিছিলো। কি কৰিম নাজানো! বিজ্ঞাপনটোত লিখা আছে, এই প্ৰডাক্টটো বৰ্তমান উপলব্ধ নহয়।’’
লগতে পঢ়ক কেৰেলাত চিকিৎসা বিজ্ঞানৰ ছাত্ৰীৰ আত্মহত্যা : স্বামীক জৰিমনাসহ ১০ বছৰৰ কাৰাদণ্ড
ইমান বেছি মূল্যৰ কাৰণ কি হ’ব পাৰে? তাকে লৈ এতিয়া সামাজিক মাধ্যমত চৰ্চা চলিছে৷ অৱশ্যে কাৰিকৰী ভুলৰ বাবেই এনে হোৱা বুলিও ধাৰণা কৰা হৈছে।
কেৱল বাল্টি নহয়, আন এটা শ্বপিং অনলাইন কোম্পানীয়ে দুটা প্লাষ্টিকৰ মগৰ দাম ১০ হাজাৰ টকা নিৰ্ধাৰণ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
