এক সংক্ষিপ্ত ভ্ৰমণ সূচীৰে প্ৰধানমন্ত্ৰী নৰেন্দ্ৰ মোদীয়ে নেপাল ভ্ৰমণ কৰিছে৷ এই ভ্ৰমণকালত প্ৰধানমন্ত্ৰী মোদীয়ে নেপালৰ প্ৰধানমন্ত্ৰী শ্বেৰ বাহাদুৰ দেউবাৰ সৈতে দ্বিপাক্ষিক আলোচনাত মিলিত হ’ব। দুই দেশৰ মাজত হ’ব ৭ খন গুৰুত্বপূৰ্ণ চুক্তি। প্ৰধানমন্ত্ৰী নৰেন্দ্ৰ মোদীৰ এই ভ্ৰমণ কূটনৈতিক দৃষ্টিকোণৰ পৰা এই ভ্ৰমণ অতি গুৰুত্বপূৰ্ণ বুলি বিবেচিত হৈছে। কিন্তু কিয়?
বুদ্ধ পূৰ্ণিমা উপলক্ষে এদিনীয়া ভ্ৰমণসূচীৰে চুবুৰীয়া ৰাষ্ট্ৰ নেপালৰ লুম্বিনীত উপস্থিত হৈছে প্ৰধানমন্ত্ৰী নৰেন্দ্ৰ মোডী। প্ৰধানমন্ত্ৰীয়ে ইয়াৰ লুম্বানীৰ মায়াদেৱী মন্দিৰত প্ৰাৰ্থনা আগবঢ়োৱাৰ লগতে পবিত্ৰ পুষ্কৰ্ণী পুখুৰী আৰু অশোক স্তম্ভ প্ৰদক্ষিণ কৰে। ভাৰতৰ সহায়ত নিৰ্মাণ হৈ থকা বৌদ্ধ সাংস্কৃতিক কেন্দ্ৰৰ ভূমি-পূজনতো অংশগ্ৰহণ কৰে প্ৰধানমন্ত্ৰী মোদীয়ে।
উল্লেখ্য যে ২০১৪ চনত প্ৰধানমন্ত্ৰী হোৱাৰ পিছত এয়া হৈছে প্ৰধানমন্ত্ৰী মোদীৰ পঞ্চম নেপাল ভ্ৰমণ। একে সময়তে নেপালৰ প্ৰধানমন্ত্ৰী শ্বেৰ বাহাদুৰ দেউবাই দুবাৰকৈ ভাৰত ভ্ৰমণ কৰিছে। ২০১৭ চন আৰু শেহতীয়াকৈ ২০২২ চনত তেওঁ ভাৰত ভ্ৰমণ কৰিছিল।
লগতে পঢ়ক ড্ৰামা কুইন ৰাখীৰ নতুন প্ৰেমিক! প্ৰেমিকৰ সৈতে ভিডিঅ’ শ্বেয়াৰ কৰি কি ক’লে ৰাখীয়ে?
এই ভ্ৰমণত প্ৰধানমন্ত্ৰী নৰেন্দ্ৰ মোদীয়ে নেপালৰ প্ৰধানমন্ত্ৰী দেউবাৰ সৈতে জলবিদ্যুৎ, উন্নয়ন আৰু যোগাযোগ আদি বিষয়ত আলোচনা কৰিব। দ্বিপাক্ষিক বৈঠকৰ পিছত দুয়োখন দেশৰ মাজত সাংস্কৃতিক আৰু শিক্ষাৰ ক্ষেত্ৰত সহযোগিতাৰ বিষয়ত কিছু চুক্তি স্বাক্ষৰিত হ’ব।
প্ৰধানমন্ত্ৰী মোদীয়ে লুম্বানী মঠত ভাৰত আন্তৰ্জাতিক বৌদ্ধ সংস্কৃতি আৰু ঐতিহ্য কেন্দ্ৰৰ আধাৰশিলা স্থাপন কৰিব। ইয়াৰ উপৰিও প্ৰধানমন্ত্ৰী মোদীয়ে বুদ্ধ জয়ন্তী উদযাপনতো অংশগ্ৰহণ কৰিব। তেওঁ লগতে বৌদ্ধ পণ্ডিত, বৌদ্ধ সন্ন্যাসীৰ লগতে নেপাল আৰু ভাৰতৰ জনসাধাৰণক সম্বোধন কৰিব।
লগতে পঢ়ক লকডাউনৰ মাজতো উত্তৰ কোৰিয়াত ক’ৰনাৰ গণ সংক্ৰমণ
মূলতঃ দুটা ৰাজনৈতিক দলে নেপালত আধিপত্য বিস্তাৰ কৰিছে। প্ৰথমটো কমিউনিষ্ট পাৰ্টি আৰু দ্বিতীয় নেপালী কংগ্ৰেছ। বৰ্তমান নেপালী কংগ্ৰেছ পাৰ্টিৰ নেপালত চৰকাৰ চলি আছে। ২০২১ চনৰ ১৩ জুলাইত শ্বেৰ বাহাদুৰ দেউবা দেশখনৰ পুনৰ প্ৰধানমন্ত্ৰী হয়। ইয়াৰ পূৰ্বে ২০১৮ চনৰ পৰা ২০২১ চনলৈ নেপালৰ কমিউনিষ্ট পাৰ্টিৰ কে পি শৰ্মা অলি প্ৰধানমন্ত্ৰী আছিল। কে পি শৰ্মাৰ কাৰ্যকালত ভাৰত-নেপাল সম্পৰ্ক যথেষ্ট শীতল হৈ পৰিছিল।
বৈদেশিক পৰিক্ৰমা বিশেষজ্ঞ অধ্যাপক ডঃ প্ৰদীপ সোমবংশীয়ে কৈছে, ‘‘শৰ্মা কমিউনিষ্ট মতাদৰ্শৰ আছিল আৰু তেওঁ চীনৰ দ্বাৰা প্ৰভাৱন্বিত আছিল। সেই সময়ত পোনপটীয়াকৈ প্ৰধানমন্ত্ৰীৰ পৰা নেপালৰ ৰাষ্ট্ৰপতি কাৰ্যালয়লৈকে চীনা ৰাষ্ট্ৰদূতৰ হস্তক্ষেপ আছিল। ইয়াৰ বাবেই ভাৰত আৰু নেপালৰ মাজত বহু বিবাদ আৰম্ভ হয়। দুয়োখন দেশতে সৃষ্টি হৈছিল উত্তেজনা।’’
সোমবংশীৰ মতে নেপাল আৰু চীনৰ মাজত ক্ৰমাৎ বৃদ্ধি পোৱা ঘনিষ্ঠতাত ভাৰত প্ৰভাৱিত হ’ব। নেপালৰ ওপৰত অধিক প্ৰভাৱ পেলাই চীনে নিজৰ ভূমি ভাৰতৰ বিৰুদ্ধে ব্যৱহাৰ কৰিব পাৰিব। এইটোৱেই হ’ব আটাইতকৈ বিপদজনক পৰিস্থিতি। এনে অৱস্থাত ভাৰতে নেপালৰ সৈতে সম্পৰ্ক সঠিকভাৱে ৰাখিব লাগিব, আনহাতে নেপালেও চীনৰ সৈতে সাৱধান হোৱাটো প্ৰয়োজন। আৰু প্ৰধানমন্ত্ৰী মোদীৰ এই নেপাল ভ্ৰমণে নেপালৰ ওপৰত থকা চীনৰ প্ৰভাৱ যথেষ্ট হ্ৰাস কৰি ভাৰতৰ প্ৰভাৱ বৃদ্ধি কৰিব৷
লগতে পঢ়ক ভয়াতুৰ আমেৰিকাই এইবাৰ পিছ লৈছে ভাৰতৰ
প্ৰতিৰক্ষা বিশেষজ্ঞ ডাঃ মহেশ কৰন্দীকাৰেও এই নীতিকেই বিশ্বাস কৰি কয় যে, ‘‘দেউবা প্ৰধানমন্ত্ৰী হোৱাৰ পাছৰে পৰা ভাৰত-নেপাল সম্পৰ্কত উন্নতি হৈছে৷ শ্ৰীলংকাৰ পৰিস্থিতিৰ পৰা নেপালে শিকিব লাগে। যদি কোনো প্ৰকাৰে নেপাল চীনৰ ওপৰত নিৰ্ভৰশীল হৈ পৰে, তেন্তে অনাগত সময়ত ইয়াৰ অৱস্থা অতি বেয়া হৈ পৰিব। ভাৰত আৰু নেপালৰ মাজত সুসম্পৰ্ক দুয়োটাৰে বাবে প্ৰয়োজনীয়।’’
বৈদেশিক পৰিক্ৰমা বিশেষজ্ঞ আদিত্য পেটেলৰ মতে শ্ৰীলংকাই চীনৰ ওপৰত অত্যধিক নিৰ্ভৰ হোৱাৰ ফলতে দেশখনত দুভিক্ষৰ আৰম্ভ হৈছে৷ চীনে শ্ৰীলংকাক ঋণ মাফ কৰা নাছিল, সুতত কোনো ধৰণৰ ৰেহাই দিয়া নাছিল, কিন্তু শ্ৰীলংকাই ভাৰতৰ সমৰ্থন লাভ কৰিছিল। এই কঠিন পৰিস্থিতিত ভাৰতে কেৱল শ্ৰীলংকাক আৰ্থিকভাৱে সহায় কৰাই নহয়, খাদ্য, তেল আৰু অন্যান্য প্ৰয়োজনীয় সম্পদৰ যোগান ধৰিছে। ইয়াৰ বাবেই দুয়োখন দেশৰ মাজৰ সম্পৰ্ক শক্তিশালী হৈ অহাৰ বিপৰীতে শ্ৰীলংকা আৰু চীনৰ মাজৰ দূৰত্ব বাঢ়িছে।
লগতে পঢ়ক আধাৰৰ কাৰ্ডেৰে ভোটাৰ আইডিৰ সংযোগ; বাধ্যতামূলক হ’ব নে নহয়?
আদিত্যই কয় যে কেৱল শ্ৰীলংকা আৰু নেপালেই নহয়, যোৱা কেইবছৰমানৰ পৰা চীনে ভূটান, ম্যানমাৰ, মালদ্বীপতো ভাৰতৰ সম্পৰ্ক বিনষ্ট কৰিবলৈ চেষ্টা কৰিছিল। অৱশ্যে এই সকলোবোৰ সময়মতে ভাৰতে চম্ভালি ল’লে। কৰ’নাৰ সময়ত ভাৰতে ভূটানক যথেষ্ট সহায় আগবঢ়াইছিল।
একেদৰে ম্যানমাৰৰ ৰাজনৈতিক পৰিস্থিতিও বেয়া আছিল। সেনাই তাত ক্ষমতা দখল কৰিছিল। ইয়াৰ পিছত সমগ্ৰ বিশ্বই ম্যানমাৰলৈ সাহায্য প্ৰেৰণ কৰা বন্ধ কৰি দিলে। ভাৰতে ম্যানমাৰ সেনাৰ এই কাৰ্যক গৰিহণা দিছিল, কিন্তু নিশ্চিতভাৱে তাত থকা জনসাধাৰণক সহায় কৰি থাকিল।
এইসমূহ দিশৰ পৰাই এইবাৰ প্ৰধানমন্ত্ৰী নৰেন্দ্ৰ মোদীৰ নেপাল ভ্ৰমণ অতি গুৰুত্বপূৰ্ণ বুলি পৰিগণিত হৈছে৷ অৰ্থাৎ এই ভ্ৰমণে ভাৰতৰ আৰু চীনৰ কূটনৈতিক যুঁজত ভাৰতে কেবা যোজনো আগুৱাই যোৱা বুলি বিশেষজ্ঞসকলে মন্তব্য কৰিছে৷ অৰ্থাৎ দক্ষিণ পূৱ এছিয়াত ভাৰতৰ কদৰ বৃদ্ধিত ই যথেষ্ট যোগাত্মক প্ৰভাৱ পেলাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
