আধাৰ কাৰ্ডৰ সৈতে ভোটাৰ আইডি সংযোগ কৰাৰ সন্দৰ্ভত কেন্দ্ৰীয় চৰকাৰে শীঘ্ৰেই নিয়ম আনিব পাৰে। এই সন্দৰ্ভত তথ্য প্ৰদান কৰি বিদায়ী মুখ্য নিৰ্বাচন আয়ুক্ত সুশীল চন্দ্ৰই কয় যে নিৰ্বাচনী তালিকা সম্পৰ্কীয় নিয়ম শীঘ্ৰেই জাৰি কৰা হ’ব। তেওঁ কয় যে ভোটাৰে আধাৰ তথ্য শ্বেয়াৰ কৰাটো বাধ্যতামূলক নহ’ব, কিন্তু যিসকলে শ্বেয়াৰ নকৰে তেওঁলোকে ইয়াৰ বৈধসন্মত কাৰণ দিব লাগিব।
উল্লেখ্য যে ১৪ মে’ শনিবাৰে অন্ত পৰিছে সুশীল চন্দ্ৰৰ কাৰ্যকাল। তেওঁৰ ঠাইত ৰাজীৱ কুমাৰক দেশৰ নতুন মুখ্য নিৰ্বাচন আয়ুক্ত হিচাপে নিযুক্তি দিয়া হৈছে। ভোটাৰ তালিকা আধাৰৰ সৈতে সংযোগ কৰাৰ সন্দৰ্ভত চৰকাৰে কেতিয়া নিয়ম জাৰি কৰিব বুলি প্ৰশ্ন কৰাত সুশীল চন্দ্ৰই কয় যে এই সন্দৰ্ভত প্ৰস্তাৱ প্ৰেৰণ কৰাৰ লগে লগে শীঘ্ৰেই অধিসূচনা জাৰি কৰা হ’ব।
লগতে পঢ়ক কোন হ’ল ত্ৰিপুৰাৰ নতুন মুখ্যমন্ত্ৰী?
‘‘আমি পৰিৱৰ্তন প্ৰ-পত্ৰও প্ৰেৰণ কৰিছো যিটো আইন মন্ত্ৰালয়ৰ ওচৰত আছে। মই ভাবো তেওঁলোকে সোনকালে অনুমোদন পাব।’’ বিদায়ী মুখ্য নিৰ্বাচনী আয়ুক্ত সুশীল চন্দ্ৰই কয়৷
তেওঁ লগতে কয় যে চলিত বৰ্ষৰ মাৰ্চ মাহত বিধানসভা নিৰ্বাচন অনুষ্ঠিত হোৱা পাঁচখন ৰাজ্যত টিকাকৰণ অভিযান তীব্ৰতৰ কৰাৰ ক্ষেত্ৰত নিৰ্বাচন আয়োগে উল্লেখযোগ্য ভূমিকা পালন কৰিছে। ভোটাৰ আৰু নিৰ্বাচনী কৰ্তব্যৰ সৈতে জড়িতসকলক যাতে কৰোণা ভাইৰাছৰ পৰা সুৰক্ষিত কৰি ৰখাৰ বাবে সেয়া কৰা হৈছিল।
সংবাদ সংস্থা পিটিআইৰ সৈতে হোৱা এক বাৰ্তালাপত চন্দ্ৰই তেওঁৰ কাৰ্যকালৰ দুটা ডাঙৰ কৃতিত্বৰ বিষয়ে উল্লেখ কৰে, য’ত ১৮ বছৰীয়া ভোটাৰক মনোনীত কৰাৰ বাবে এটা তাৰিখৰ পৰিৱৰ্তে এবছৰত চাৰিটা তাৰিখ অন্তৰ্ভুক্ত কৰা হয়৷
লগতে পঢ়ক শ্বেয়াৰ বজাৰত পতন আৰু দেশৰ ভৱিষ্যৎ
উল্লেখ্য যে ইয়াৰ পূৰ্বে ১ জানুৱাৰীত ১৮ বছৰত ভৰি দিয়াসকলকহে ভোটাৰ তালিকাত এই নাম অন্তভুৰ্ক্ত কৰা হৈছিল। ২ জানুৱাৰীত যদি কোনোবাই ১৮ বছৰ সম্পূৰ্ণ কৰে তেন্তে তেওঁ এবছৰ অপেক্ষা কৰিব লগা হৈছিল৷ এতিয়া এই নিয়ম বছৰত চাৰিবাৰকৈ সলনি কৰা হৈছে। ইয়াৰ উপৰিও তেওঁ কয় যে আধাৰ কাৰ্ডৰ সৈতে ভোটাৰ তালিকা সংযোগ কৰাটো এক গুৰুত্বপূৰ্ণ কাম।
আধাৰ তথ্য স্বেচ্ছাই দিব লাগিব যেতিয়া চন্দ্ৰক আধাৰ তথ্য শ্বেয়াৰ কৰাটো স্বেচ্ছামূলক হ’ব নে নহয় বুলি সোধাত তেওঁ কয়, ‘‘এয়া স্বেচ্ছামূলক হ’ব কিন্তু ভোটাৰে আধাৰ নম্বৰ নিদিয়াৰ পৰ্যাপ্ত কাৰণ দৰ্শাব দিব লাগিব৷’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
