ত্ৰিপুৰাৰ বিদায়ী মুখ্যমন্ত্ৰী বিপ্লৱ কুমাৰ দেৱৰ পদত্যাগৰ পিছতে ৰাজ্যখনৰ নতুন মুখ্যমন্ত্ৰী কোন হ’ব তাকে লৈ ব্যাপক জল্পনা কল্পনা চলি থকাৰ সময়তে নতুন মুখ্যমন্ত্ৰী নাম ঘোষণা কৰিছে বিজেপিৰ দলীয় সূত্ৰই৷
ৰাজ্যখনৰ নতুন মুখ্যমন্ত্ৰী হিচাপে ত্ৰিপুৰাৰ ৰাজ্যিক বিজেপিৰ সভাপতি তথা ৰাজ্যসভাৰ সাংসদ ডঃ মাণিক সাহাক বিধায়নী দলে নিৰ্বাচিত কৰে৷
ইফালে কেন্দ্ৰীয় মন্ত্ৰী প্ৰতিমা ভৌমিক, শিক্ষামন্ত্ৰী ৰতন নাথ, আৰু অধ্যক্ষ ৰতন চক্ৰৱৰ্তীৰ নামো চিন্তা চৰ্চালৈ আহিছিল যদিও বিপ্লৱ দেৱৰ বাসগৃহত অনুষ্ঠিত বিজেপিৰ বিধায়নী দল বৈঠকত ডঃ মাণিক সাহাক মুখ্যমন্ত্ৰী হিচাপে বিজেপিৰ বিধায়কসকলে সমৰ্থন কৰে।
লগতে পঢ়ক হঠাতে ত্ৰিপুৰাৰ মুখ্যমন্ত্ৰীৰ পদত্যাগ, কিয় পদত্যাগ কৰিলে বিপ্লৱ কুমাৰ দেৱে?
বৈঠকত ত্ৰিপুৰাত থকা বিজেপিৰ জ্যেষ্ঠ নেতা ভূপেন্দৰ যাদৱ আৰু বিনোদ টাউডেক বিধায়িনী দলৰ নেতাগৰাকীৰ নিৰ্বাচনৰ বাবে পৰ্যবেক্ষক হিচাপে নিযুক্তি দিয়া হৈছিল।তেওঁলোকৰ উপৰি দলৰ ৰাজ্যিক ভাৰপ্ৰাপ্ত বিনোদ সোণকাৰেও এই বৈঠকত অংশ লয়।
ইয়াৰ পূৰ্বে বিপ্লৱ কুমাৰ দেৱে ৰাজ্যপাল সত্যদেউ নাৰায়ণ আৰ্য্যৰ হাতত পদত্যাগ পত্ৰ দাখিল কৰিছিল। পদত্যাগৰ পিছতে সংবাদ মাধ্যমৰ সৈতে সদ্যপ্ৰাক্তন মুখ্যমন্ত্ৰী বিপ্লৱ কুমাৰ দেৱে কয় যে দলটোৰ কিছু পৰিকল্পনা আছে আৰু তেওঁৰ পদত্যাগে নিশ্চিতভাৱে ই দলটোৰ বাবে ফলদায়ক হ’ব৷
২০২৩ চনৰ ৰাজ্যখনৰ বিধানসভাৰ নিৰ্বাচনৰ প্ৰতি লক্ষ্য ৰাখি বিজেপিৰ কেন্দ্ৰীয় নেতৃত্বই এই সিদ্ধান্ত লোৱা বুলি কোৱা হৈছে যাতে দলটোৱে পুনৰ জয়ী হৈ ৰাজ্যখনত ক্ষমতা দখল কৰিব পাৰে৷
লগতে পঢ়ক বাওঁপন্থী নেতা তথা শিক্ষকৰ কু-কৰ্ম! ৬০ ছাত্ৰীক যৌন নিৰ্যাতন কৰি হ’ল গ্ৰেপ্তাৰ
উল্লেখ্য যে ভাৰতীয় কমিউনিষ্ট পাৰ্টিৰ ২৫ বছৰীয়া শাসনৰ অন্ত পেলাই ২০১৮ চনত বিপ্লৱ কুমাৰ দেৱ ৰাজ্যখনৰ প্ৰথমজন বিজেপিৰ মুখ্যমন্ত্ৰী হিচাপে পৰিগণিত হয়।
তদুপৰি জানিব পৰা গৈছে যে ত্ৰিপুৰাৰ ৰাজ্যিক বিজেপিৰ নেতাসকলে দেৱৰ কৰ্মসূচী আৰু নীতিক লৈ সুখী নহয়৷ ইফালে বিগত আঠ মাহৰ পৰা প্ৰধানমন্ত্ৰী নৰেন্দ্ৰ মোদী আৰু গৃহমন্ত্ৰী অমিত শ্বাহক অবিৰতভাৱে বিজপি নেতাসকলে বিপ্লৱ কুমাৰ দেৱক বৰ্খাস্ত কৰিবলৈ অনুৰোধ কৰি অহাৰ ফলতে বিপ্লৱ কুমাৰ দেৱে পদত্যাগ কৰিবলৈ বাধ্য হৈ পৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
