চলিত বছৰৰ শেষৰ ফালে নিজৰ স্থান সলনি কৰিব ছায়া গ্ৰহ বা মায়াবী গ্ৰহ ৰাহুৱে৷ এই গোচৰ জ্যোতিষমতে অত্যন্ত গুৰুত্বপূৰ্ণ ঘটনা৷ বৰ্তমান ৰাহুৱে কুম্ভ ৰাশিত অৱস্থান কৰিছে৷ আগন্তুক ৫ ডিচেম্বৰ ২০২৬ৰ পুৱা ১০ বাজি ৩২ মিনিটত শনিৰ অধীন ৰাশি মকৰত প্ৰৱেশ কৰিব৷ ৰাহুৱে সৰ্বদা বক্ৰী গতিত চলাচল কৰে৷ সেয়ে কুম্ভৰ পৰা মকৰলৈ আহি প্ৰায় ১৮ মাহ সময় অৱস্থান কৰিব৷ এই সময়ত ৰাহু আৰু শনিৰ মাজত বিশেষ যোগ- ত্ৰি একাদশ যোগ, চতুৰ্থ দশম যোগ তৈয়াৰ হ’ব৷ জ্যোতিষমতে ইয়াৰ প্ৰভাৱ পৰিব প্ৰায় সকলো ৰাশিৰ জাতকৰ জীৱনত৷ ৰাজনৈতিক অস্থিৰতা, দুৰ্ঘটনা বা বৃহৎ পৰিবৰ্তনৰ সম্ভাৱনা আছে সমগ্ৰ বিশ্বত৷ এই গোচৰ কেইবাটাও ৰাশিৰ বাবে অত্যন্ত শুভ ফলদায়ক হ’ব৷ বিশেষকৈ সিংহ, তুলা, বৃশ্চিক আৰু মীন ৰাশিৰ জাতকে জীৱনত বৃহৎ সুবিধা পাব পাৰে৷ কি কি ঘটিব তেওঁলোকৰ জীৱনত?
সিংহ ৰাশি
সিংহ ৰাশিৰ ক্ষেত্ৰত ৰাহুৰ এই গোচৰ ষষ্ঠ ঘৰত হ’ব৷ ফলত দীৰ্ঘদিনৰ বাধা আৰু সমস্যা ধীৰে ধীৰে দূৰ হ’ব৷ যি কামেই চেষ্টা কৰিব তাতেই সাফল্য বঢ়াৰ সম্ভাৱনা আছে৷ কৰ্মক্ষেত্ৰত নিজৰ দক্ষতা প্ৰমাণ কৰাৰ সুযোগ পাব৷ বহুদিন ধৰি সম্পৰ্কৰ মাজত যি দূৰত্ব বা তিক্ততা তৈয়াৰ হৈছিল সেয়া কমি আহিব৷ পৰিয়ালৰ সদস্যসকলৰ সৈতে সম্পৰ্ক আৰু ভাল হ’ব৷ ইয়াৰোপৰি এই সময়ত একাধিক ভ্ৰমণৰ সুযোগ তৈয়াৰ হ’ব পাৰে৷
তুলা ৰাশি
তুলা ৰাশিৰ জাতকৰ বাবে ৰাহুৰ এই অৱস্থান হ’ব চতুৰ্থ ঘৰত৷ যাৰ প্ৰভাৱত আয়ৰ নতুন উৎস তৈয়াৰ হ’ব পাৰে৷ যদিও কিছু ক্ষেত্ৰত পৰিশ্ৰম আৰু সংগ্ৰাম বাঢ়িব, তথাপিও অৰ্থনৈতিক দিশত তুলনামূলকভাৱে শক্তিশালী থাকিব৷ বিশেষকৈ বিদেশত পঢ়াশুনা, চাকৰি বা স্থায়ীভাৱে বসবাসৰ পৰিকল্পনা থাকিলে সেয়া সফল হ’ব পাৰে৷ যিসকলে দীৰ্ঘদিন ধৰি বিদেশ যোৱাৰ সপোন দেখিছে তেওঁলোকৰ বাবে এই সময়ত ইতিবাচক খবৰ আহিব পাৰে৷
বৃশ্চিক ৰাশি
বৃশ্চিক ৰাশিৰ ক্ষেত্ৰত ৰাহুৰ গোচৰ হ’ব তৃতীয় ঘৰত৷ এই সময়ত আৰ্থিক লাভৰ একাধিক সুযোগ আহিব পাৰে৷ কৰ্মজীৱনত উন্নতিৰ পথ খুলিব৷ নতুন দায়িত্ব লাভৰ সম্ভাৱনা আছে৷ পুৰণি বিনিয়োগৰ পৰাও ভাল ৰিটাৰ্ণ পোৱা যাব পাৰে৷ আয়ৰ ওপৰিও খৰচো বাঢ়িব পাৰে৷ সঠিক পৰিকল্পনা কৰি চলিলে অৰ্থনৈতিক ভাৰসাম্য বজায় ৰখা সম্ভৱ হ’ব৷
মীন ৰাশি
মীন ৰাশিৰ বাবে ৰাহুৰ এই গোচৰ হ’ব একাদশ ঘৰত৷ বৰ্তমান শনিৰ চাৰে সাতিৰ প্ৰভাৱ চলিছে এই ৰাশিত৷ সেয়ে জীৱনত কিছু বেছি চাপ থাকিব পাৰে৷ এই সময়ত ৰৈ থকা কামে গতি লাভ কৰিব৷ মাটি, ঘৰ, বাহন কিনাৰ সুযোগ আহিব পাৰে৷ মানসিকভাৱত পূৰ্বৰ তুলনাত বহু বেছি স্বস্তি আৰু আনন্দ অনুভৱ কৰিব৷ খৰচ নকমে, সেয়ে আৰ্থিক বিষয়ত ভাৱিচিন্তি সিদ্ধান্ত ল’ব লাগিব৷ সতৰ্ক থকাটোও জৰুৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
