ৰাছিয়াই ইউক্ৰেইন আক্ৰমণ আৰম্ভ কৰাৰ সময়ত সকলো ৰাছিয়ান যুদ্ধ যানৰ সন্মুখনত লিখা ইংৰাজী বৰ্ণমালাৰ ‘Z’ লিখা দেখা গৈছিল৷ টেংক, হেলিকপ্টাৰ, সামৰিক অস্ত্ৰ বহনকাৰী বাহন আদিত জেড লিখা আছিল৷
ইয়াৰ পিছতে এই জেড আখৰকলৈ সমগ্ৰ বিশ্বতে ৰহস্যৰ সৃষ্টি হৈছিল৷ বিশ্বৰ সংবাদ মাধ্যমত এই বিষয়ে ব্যাপক চৰ্চাও লাভ কৰিছিল৷
কিন্তু ৰাছিয়াই ইউক্ৰেইন আক্ৰমণ কৰাৰ ষষ্ঠটো দিনৰ পৰা দেখা গৈছে ‘Z’ৰ লগতে ‘V’ ব্যৱহাৰো কৰা দেখা গৈছে৷ হঠাতে ‘Z’ৰ লগতে ‘V’ৰ আৰ্বিভাৱে পুনৰ সমগ্ৰ বিশ্বজুৰি ব্যাপক ৰহস্যৰ সৃষ্টি হৈছে৷
লগতে পঢ়ক ইউক্ৰেইনৰ ‘সপোন’ জ্বলিল : ‘ম্ৰিয়া’ক পুনৰ নিৰ্মাণ কৰিব যুদ্ধ বিধ্বস্ত ইউক্ৰেইনে
‘Z’ক সামৰিক বিশেষজ্ঞসকলে বিশেষ সাংকেতিক চিহ্ন বুলি অভিহিত কৰিছিল৷ তেওঁলোকৰ মতে ইয়াৰ দ্বাৰা আক্ৰমণৰ সময়ত একেটা দিশক বুজোৱা হৈছিল৷ আন একাংশই দাবী কৰিছিল যে ইউক্ৰেইনৰ ৰাজধানী কীয়েভত উপস্থিত হোৱাৰ পূৰ্বনিৰ্দিষ্ট পথৰ সংকেট আছিল৷
এতিয়া প্ৰশ্ন হৈছে এইবাৰ ‘V’এ কি সংকেট নিৰ্দেশ কৰিছে? অথবা ইয়াৰ ৰহস্য কি?
সামৰিক বিশেষজ্ঞসকলৰ মতে ‘V’ লিখা টেংক আৰু হেলিকপ্টাৰসমূহ ৰাছিয়াৰ নহয়৷ যুদ্ধ বিশেষজ্ঞসকলে এইবোৰ বেলাৰুছৰ বুলি দাবী কৰিছে৷ ৰাছিয়াৰ সৈতে বেলাৰুছেও ইউক্ৰেইন আক্ৰমণ কৰা বুলি ধাৰণা কৰা হৈছে৷
লগতে পঢ়ক দেশ মাতৃক ৰক্ষা কৰিবলৈ হাতত বন্দুক তুলি ল’লে ইউক্ৰেইনৰ সুন্দৰী যুৱতী সাংসদে
অৱশ্যে ইউক্ৰেইনক আক্ৰমণ কৰিলে বেলাৰুছে চৰম সংকটৰ সন্মুখীন হ’ব বুলি আমেৰিকাসহ পশ্চিমীয়া দেশসমূহে ইতিমধ্যে সকীয়নি প্ৰদান কৰিছে৷ কিন্তু ইয়াৰ মাজতে ‘V’ চিহ্নৰ টেংক আৰু হেলিকপ্টাৰসমূহ দৃশ্যমান হোৱাৰ পিছতে বিষয়টোৱে গভীৰ ৰহস্যৰ সৃষ্টি কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
