সোমবাৰে ৰাছিয়াই ইউক্ৰেইন আক্ৰমণৰ ১২ দিনত ভৰি দিলে৷ এই ১২ টা দিনত ৰাছিয়াই ইউক্ৰেইনৰ পৰা পোৱা প্ৰৱল প্ৰতিৰোধৰ বাবে এতিয়াও ৰাজধানী কীয়েভ সম্পূৰ্ণৰূপে দখল কৰিবলৈ সক্ষম হোৱা নাই৷
ইয়াৰ মাজতে এইবাৰ ৰাছিয়াই আৰু চাৰিখন চহৰত যুদ্ধবিৰতিৰ ঘোষণা কৰিছে৷ ৰাছিয়াৰ প্ৰতিৰক্ষা মন্ত্ৰালয়ে ঘোষণা কৰা অনুসৰি ইউক্ৰেইনৰ ৰাজধানী কীয়েভ, খাৰকিভ, মাৰিয়’পুল আৰু চুমিত যুদ্ধ বিৰতি ঘোষণা কৰিছে৷
ভাৰতীয় সময় অনুসৰি সোমবাৰে দুপৰীয়া ১২.৩০ বজাৰ পৰা উক্ত চাৰি চহৰত যুদ্ধবিৰতি আৰম্ভ হৈছে৷ চহৰকেইখনৰ সাধাৰণ নাগৰিকসকলক স্থানান্তৰ কৰিবলৈ মানৱীয়তাৰ খাতিৰত মানৱীয় ক’ৰিডৰ মুকলি কৰাৰ উদ্দেশ্যৰে এই যুদ্ধবিৰতি ঘোষণা কৰা বুলি ৰাছিয়াৰ প্ৰতিৰক্ষা মন্ত্ৰালয়ে ঘোষণা কৰিছে৷
লগতে পঢ়ক এইবাৰ নিজৰ দুৰ্ঘটনাক লৈ ‘কাচা বাদাম’ৰ গায়ক ভুৱন বাদ্যকাৰৰ নতুন গান
সংবাদ মাধ্যমত প্ৰকাশ পোৱা অনুসৰি ফ্ৰান্সৰ ৰাষ্ট্ৰপতি ইমানুৱেল মেক্ৰ’ণৰ ব্যক্তিগত অনুৰোধক সন্মান কৰিহে ৰাছিয়াই মানৱীয় কৰিড’ৰসমূহ স্থাপন কৰিছে৷
ইফালে ইউক্ৰেইনে ৰাছিয়াৰ এই যুদ্ধবিৰতিক নাটক বুলিহে আখ্যা দিছে৷ ইউক্ৰেইনৰ ৰাষ্ট্ৰপতি ভ’ল’দিমিৰ জেলেনস্কিয়ে দাবী কৰিছে ইয়াৰ পূৰ্বে মাৰিয়’পুল আৰু ভলন’ভাখা চহৰত যুদ্ধবিৰতি ঘোষণা কৰিও ৰাছিয়াই গোলাবৰ্ষণ তথা আক্ৰমণ অব্যাহত ৰাখিছিল৷ ৰাছিয়াই প্ৰতিবাৰেই যুদ্ধবিৰতি উলংঘা কৰি আহিছে বুলিও ৰাষ্ট্ৰপতি জেলেনস্কিয়ে দাবী কৰিছে৷
লগতে পঢ়ক গ্ৰেপ্তাৰ হ’ব অভিনেত্ৰী সোণাক্ষী সিনহা! সোণাক্ষীৰ বিৰুদ্ধে জামিনবিহীন গ্ৰেপ্তাৰী পাৰোৱানা জাৰি
সোমবাৰে ৰাছিয়াৰ ইউক্ৰেইন আক্ৰমণে ১২ দিন স্পৰ্শ কৰাৰ পূৰ্বে দেওবাৰেলৈকে যুদ্ধবিধ্বস্ত ইউক্ৰেইনত ২৬০ গৰাকী সাধাৰণ লোকৰ মৃ্ত্যু হৈছে৷ এই তথ্য সদৰী কৰি ৰাষ্ট্ৰসংঘই লগতে কয় যে ইউক্ৰেইনৰ পৰা অতি কমেও ১০ লাখ লোকে দেশ এৰি অন্য দেশলৈ পলায়ন কৰি শৰণাৰ্থী হৈছে৷
ইফালে ইয়াৰ মাজতে খাৰকিভৰ এটা পৰমাণু শক্তি কেন্দ্ৰত ৰাছিয়াই ক্ষেপণাস্ত্ৰ আৰু গ্ৰেণেণ্ড লাঞ্চাৰেৰে আক্ৰমণ অব্যাহত ৰখা বুলিও ইউক্ৰেইনে দাবী কৰিছে৷ যিকোনো মুহূৰ্তে উক্ত পৰমাণু কেন্দ্ৰটো বিস্ফোৰণ ঘটিব পাৰে আৰু বিস্ফোৰণ সংঘটিত হ’লে সমগ্ৰ ইউৰোপতে ইয়াৰ ভয়ংকৰ প্ৰভাৱ পৰিব বুলিও ইউক্ৰেইনে সদৰী কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
