কলকাতা ধৰ্ষণ হত্যা গোচৰৰ অভিযুক্ত সঞ্জয় ৰয়ে পলিগ্ৰাফ পৰীক্ষাত কেইবাটাও স্বীকাৰোক্তি দিছে৷ এই স্বীকাৰোক্তিতেই প্ৰকাশ পাইছে এটা এটা অপৰাধ৷ কালি চিবিআইয়ে প্ৰেচিডেন্সি কাৰাগাৰত সঞ্জয় ৰয়ৰ ওপৰত লাই ডিটেক্টৰ টেষ্ট কৰিছিল। ৫-৭ ঘণ্টা ধৰি চলা এই পৰীক্ষাত সঞ্জয়ে বহু কথা স্বীকাৰ কৰে।
হিন্দুস্তান টাইমছৰ বাতৰি অনুসৰি সঞ্জয় ৰায়ে ৫টা স্বীকাৰোক্তি দিছে৷ একেবোৰ তথ্যই আৰক্ষীয়ে লোৱা বক্তব্য আৰু জেৰাতো পোহৰলৈ আহিছিল। পলিগ্ৰাফ টেষ্টৰ সময়ত সঞ্জয় ৰায় নাৰ্ভাছ হৈ ঘটনাৰ নিশা কি কি কৰিছিল সকলোবোৰ স্বীকাৰ কৰিছে৷
সঞ্জয় ৰয়ে দিয়া ৫ স্বীকাৰোক্তি
১/ পলিগ্ৰাফ টেষ্টৰ সময়ত সঞ্জয় ৰায়ে কেন্দ্ৰীয় তদন্তকাৰী সংস্থাক জনাই যে, ঘটনাৰ নিশা বন্ধুৰ সৈতে সুৰা সেৱন কৰিছিল সঞ্জয়ে৷
২/ সঞ্জয়ে প্ৰেমিকাক ভিডিঅ’ কল কৰি তাইৰ নগ্ন ফটো বিচাৰিছিল।
৩/ সঞ্জয় বন্ধুৰ সৈতে ৰেড লাইট এৰিয়া চেতলালৈ গৈছিল যদিও তাত তেওঁ যৌন সম্পৰ্ক স্থাপন কৰা নাছিল।
৪) ৰেড লাইট এলেকালৈ গৈ থাকোঁতে বাটত এগৰাকী মহিলাক নিৰ্যাতন চলাইছিল।
৫/ ৰেড লাইটৰ এলেকাৰ পৰা গৈ চিকিৎসালয়লৈ গৈছিল। ৰাতিপুৱা ৪ বজাত তেওঁ চেমিনাৰ হলৰ ওচৰৰ কৰিডৰত আছিল।
সঞ্জয় ৰয়ে চিবিআইৰ পলিগ্ৰাফ পৰীক্ষাত জনাইছে যে, চিকিৎসকগৰাকীক ধৰ্ষণ কৰি হত্যা কৰাৰ পিছত সঞ্জয় ৰায় বন্ধু আৰক্ষী বিষয়াৰ ঘৰলৈ গৈছিল। অৱশ্যে সঞ্জয় ৰায়ে পলিগ্ৰাফ পৰীক্ষাত কিছুমান প্ৰশ্নৰ বিভ্ৰান্তিকৰ উত্তৰ দিছে। তেওঁ তদন্তকাৰী বিষয়াক বিপথে পৰিচালিত কৰিছে।
আদালতত নিজকে নিৰ্দোষী বুলি ঘোষণা কৰিছিল সঞ্জয়ে
৯ আগষ্টত আৰ জি কাৰ মেডিকেল কলেজ এণ্ড হস্পিতালৰ এগৰাকী প্ৰশিক্ষাৰ্থী চিকিৎসকক ধৰ্ষণ কৰি হত্যা কৰা হৈছিল। তৃতীয় মহলাৰ চেমিনাৰ হলত পৰি থকা তেওঁৰ মৃতদেহটো অতি বেয়া অৱস্থাত উদ্ধাৰ হৈছিল। অপৰাধস্থলীত পোৱা প্ৰমাণৰ ভিত্তিত কলকাতা আৰক্ষীয়ে গ্ৰেপ্তাৰ কৰিছিল সঞ্জয় ৰয়ক। প্ৰথমে তেওঁ নিজৰ অপৰাধ স্বীকাৰ কৰিছিল যদিও পাছলৈ অস্বীকাৰ কৰিছিল৷
কলিকতা উচ্চ ন্যায়ালয়ে গোচৰৰ তদন্ত চিবিআইক অৰ্পণ কৰি সঞ্জয় ৰায়ৰ পলিগ্ৰাফ টেষ্টৰ বাবে আদালতৰ পৰা অনুমতি বিচাৰিছিল। অনুমতি পোৱাৰ পিছত প্ৰথমে সঞ্জয় ৰায়ে পৰীক্ষাত সন্মতি নিদিলে। ইফালে আদালতত হাজিৰ হোৱাৰ সময়ত ন্যায়াধীশৰ সন্মুখত কান্দি কান্দি কান্দি নিজকে নিৰ্দোষী ঘোষণাও কৰিছিল। ইয়াৰ পিছত তেওঁ পৰীক্ষাৰ বাবে সন্মতি দিছিল।
কাৰিকৰী বিজুতিৰ বাবে ২৪ আগষ্ট শনিবাৰে পলিগ্ৰাফ টেষ্ট কৰিব পৰা নগ’ল যদিও দেওবাৰে প্ৰেচিডেন্সি জেলত সঞ্জয়ৰ পলিগ্ৰাফ টেষ্ট সম্পন্ন কৰা হয়, য’ত সঞ্জয়ে স্বীকাৰ কৰি লৈছে এই কাণ্ড৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
