অত্যধিক সু*ৰাপান কৰি বিভিন্ন ঘটনা সংঘটিত কৰা সু*ৰাপায়ীৰ কথা আপোনালোকে মাজে সময়ে নিশ্চয় শুনিছে। এনে ঘটনা সংঘটিত কৰি বহু লোকে নিজৰ প্ৰাণো হেৰুৱাইছে। এইবাৰ উত্তৰ প্ৰদেশৰ মহাৰাজাগঞ্জ জিলাত এক অতি আশ্চৰ্যজনক আৰু বিপজ্জনক ঘটনা সংঘটিত হৈছে। এজন সু*ৰাপায়ী লোকে মাটিত ‘ঠাণ্ডা বতাহ’ নাপাই কাষৰে এটা বৈদ্যুতিক খুঁটাত উঠি ১১ হাজাৰ ভল্টৰ হাই-টেন*শ্যন বিদ্যুৎ লাইনৰ ওপৰত গৈ শুই পৰে। ঘটনাটোৱে সমগ্ৰ অঞ্চলত তীব্ৰ চাঞ্চল্যৰ সৃষ্টি কৰে আৰু মুহূৰ্ততে শতাধিক লোক ঘটনাস্থলীত উপস্থিত হয়। প্ৰত্যক্ষদৰ্শীসকলৰ মতে, লোকজনে ইমানেই সুৰাপান কৰিছিল যে হেৰুৱাই পেলাইছিল হিতাহিত জ্ঞান। হঠাতে লোকজনে এটা বিদ্যুতৰ খুঁটাত উঠিবলৈ আৰম্ভ কৰে। প্ৰথমে উপস্থিত লোকসকলে বিষয়টো সাধাৰণ বুলি ভাবিছিল যদিও কিছু সময়ৰ পিছত সুৰাপায়ী লোকজনে খুঁটাৰ ওপৰত উঠি ১১,০০০ ভল্ট হাই-টেনশ্যন বিদ্যুৎ পৰিবাহী লাইনৰ দুডাল তাৰৰ ওপৰত শুই পৰাত সকলো আতংকিত হৈ পৰে।
কেনেকৈ প্ৰাণৰক্ষা পৰিল লোকজনৰ?
সৌভাগ্যক্ৰমে, সেই সময়ত উক্ত বিদ্যুৎ লাইনত বিদ্যুৎ যোগান বন্ধ আছিল। অন্যথা সামান্য স্পৰ্শতেই ব্যক্তিজনৰ মৃ*ত্যু নিশ্চিত আছিল। শক্তি বিভাগ আৰু আৰক্ষীয়ে ঘটনাটোক অতি গুৰুত্বসহকাৰে লৈ সমগ্ৰ এলেকাৰ বিদ্যুৎ যোগান বন্ধ ৰাখে যাতে কোনো দুৰ্ঘটনা নঘটে। ঘটনাটোৰ আটাইতকৈ নাটকীয় দিশটো আছিল যে ব্যক্তিজনে হাই-টেনশ্যন লাইনৰ ওপৰতে কেইবাঘণ্টা ধৰি আৰামকৈ শুই আছিল। তলত আৰক্ষী, বিদ্যুৎ বিভাগৰ বিষয়া আৰু স্থানীয় প্ৰশাসনৰ লোকসকলে একেলগে তেওঁক তললৈ নামিবলৈ অনুৰোধ কৰি আছিল। বহু সময় ধৰি বুজাই-পৰাই, অনুৰোধ কৰি আৰু সুৰক্ষাৰ আশ্বাস দিয়াতহে লোকজন তললৈ নামি আহে। প্ৰত্যক্ষদৰ্শীয়ে জনোৱা মতে, লোকজনে উত্তেজনাপূৰ্ণ সময়ছোৱাত কেতিয়াবা শুই, কেতিয়াবা বহি আৰু তলত উপস্থিত লোকসকলৰ সৈতে কথাও পাতিছিল। সু*ৰাৰ নিচা কিছু পৰিমাণে কমি অহাৰ পিছত তেওঁ পৰিস্থিতিৰ ভয়াবহতা উপলব্ধি কৰে। তাৰ পিছত আৰক্ষী আৰু বিদ্যুৎ বিভাগৰ কৰ্মচাৰীৰ সহায়ত সাৱধানে তললৈ নামি আহে। ঘটনাটোৰ ভিডিঅ’ সামাজিক মাধ্যমত দ্ৰুতগতিত ভাইৰেল হৈ পৰিছে। বহু লোকে ইয়াক অবিশ্বাস্য আৰু হাস্যকৰ বুলি মন্তব্য কৰিলেও, এই ধৰণৰ আচৰণ অত্যন্ত বিপজ্জনক যে আছিল তাত কোনো সন্দেহ নাই।সু*ৰাপানৰ ফলত সিদ্ধান্ত গ্ৰহণৰ ক্ষমতা হ্ৰাস পায় আৰু এনে বিপজ্জনক কাণ্ডৰ আশংকা বহুগুণে বৃদ্ধি পায়।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
