ছানী লিয়ন এতিয়া বলিউদৰ এগৰাকী অতি তথা জনপ্ৰিয় ব্যস্ত তাৰকা৷ ইয়াৰ পূৰ্বে প’ৰ্ণ তাৰকা হিচাপে খ্যাতি আৰু কুখ্যাতি দুয়োটাই অৰ্জিলেও বলিউদত ভৰি থৈ যথেষ্ট সফলতা লাভ কৰিছে ছানী লিয়নে৷
কিন্তু বলিউদত সফলতা লাভ কৰিও মুকলিকৈ আক্ষেপ প্ৰকাশ কৰিছে অভিনেত্ৰীগৰাকীয়ে৷ সফলতাৰ শিখৰত উঠিলেও ছানী লিয়নে আক্ষেপ প্ৰকাশ কৰিছে যে ভাৰতীয় কিছুমান বিশেষ প্ৰতিষ্ঠানে তেওঁক বিজ্ঞাপন দিব নিবিচাৰে৷
ছানীক পূৰ্তে গৰ্ভনিৰোধক বিজ্ঞাপন দেখা গৈছিল৷ কিন্তু ইয়াৰ বাহিৰেও বিউটি মাৰ্কেটিঙৰ এখন পৰিচিত মুখ হ’ব খোজা ছানী লিয়নে এক সাক্ষাৎকাৰত কয় যে ভাৰতীয় বিশেষ কিছুমান প্ৰতিষ্ঠানে তেওঁক বিজ্ঞাপনৰ অংশীদাৰ কৰিব বিচৰা নাই৷
লগতে পঢ়ক চৰকাৰক তুষ্টি কৰি ফল ভুগিছে কংগণাই! চুপাৰ-চুপাৰ ফ্ল’প কংগণাৰ ছবি
ভাৰতত লাখ লাখ অনুৰাগী থকা ছানীয়ে লগতে কয় যে বিউটি মাৰ্কেটিঙৰ কোনো নামী দামী প্ৰতিষ্ঠানে এতিয়ালৈকে তেওঁৰ সৈতে যোগাযোগ কৰা নাই৷ ছানীৰ মতে ইয়াৰ বাবে প্ৰতিষ্ঠানসমূহৰহে ক্ষতি হ’ব, কিয়নো তেওঁৰ লাখ লাখ অনুৰাগীয়ে তেওঁক উক্ত প্ৰতিষ্ঠানসমূহৰ বিজ্ঞাপনত দেখা নাপালে প্ৰডাক্টসমূহ প্ৰতি অনাগ্ৰহ প্ৰকাশ কৰিব৷
ভাৰতীয় প্ৰতিষ্ঠানসমূহে ছানী লিয়নৰ প্ৰতি অনাগ্ৰহ হ’লেও অৱশ্যে তেওঁ আত্মবিশ্বাস হেৰুওৱা নাই৷ ‘‘মই নিজকে ব্ৰেণ্ড কৰিলো, কাৰণ মোক কোনেও লৈ যোৱা নাছিল। এতিয়া মোৰ নিজা ব্ৰেণ্ডৰ মেকআপ আৰু কাপোৰ আছে। সেইটোৱেই মই বিশ্বক দেখুৱাব বিচাৰো।’’ অতি আত্মবিশ্বাসেৰে ছানীয়ে কয়৷
উল্লেখ্য যে বলিউদত প্ৰৱেশ কৰিয়েই ছানীয়ে ইখনৰ পিছত সিখনকৈ বহু ছবিত অভিনয় কৰিছে৷ শেহতীয়াকৈ ‘অনামিকা’ নামৰ ৱেব ছিৰিজতো তেওঁক দেখা গৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
