সততে চৰকাৰক তুষ্টি কৰি বিতৰ্কৰ সৃষ্টি কৰি ফুৰা বলিউদৰ অভিনেত্ৰী কংগণা ৰাণাৱটৰ ছবিয়ে বক্স অফিচত এইবাৰ ভালকৈয়ে মুখথেকেচা খাইছে৷
যোৱা ২০ মে’ত মুক্তিলাভ কৰা কংগণাৰ অভিনীত ছবি ধাকড়-এ বক্স অফিচত চূড়ান্তভাৱে উপেক্ষিত হৈছে৷ নৱাগত ৰজনীশ ঘাইৰ পৰিচালিত ১০০ কোটি টকীয়া বাজেটৰ ছবিখনে প্ৰথম দিনা মাত্ৰ ১.২ কোটি, দ্বিতীয় দিনা ১.০৫ কোটি, তৃতীয় দিনা ৯৮ লাখ আৰু চতুৰ্থ তথা সোমবাৰে মাত্ৰ ৩০ লাখ টকাহে সংগ্ৰহ কৰিবলৈ সক্ষম হৈছে৷
১০০ কোটি বাজেটৰ এই ছবিখনে চতুৰ্থটো দিনৰ মাত্ৰ ৩০ লাখ টকাৰ সংগ্ৰহ পিছতে বহুতো ছবিগৃহই প্ৰদৰ্শন বন্ধ কৰি অন্য ছবি প্ৰদৰ্শন কৰিবলৈ আৰম্ভ কৰা বুলিও প্ৰকাশ পাইছে৷
লগতে পঢ়ক সঁচাকৈ বিষ্ণু পুৰাণৰ ভৱিষ্যদ্বাণী সত্য প্ৰমাণিত হৈছে নেকি? কিয় হৈছে মহাপ্ৰলয়?
ইফালে কংগণাৰ এই ছবিখনে ছবিগৃহত মুখথেকেচা খোৱাত উল্লসিত হৈ পৰা দেখা গৈছে বিগত সময়ত কংগণাই চোকা ভাষাৰে আক্ৰমণ কৰা লোকসকলে৷
আনহাতে সদায়ে সৰৱ হৈ থকা কংগণাই নিজৰ ছবিখন চুপাৰ-ডুপাৰ ফ্ল’প হোৱাত নিশ্চুপ হৈ থকা পৰিলক্ষিত হৈছে৷ উল্লেখ্য যে কংগণাই ছবিখনৰ জোৰদাৰ প্ৰচাৰৰ কৰিছিল৷
লগতে পঢ়ক যৌনতা আৰু টোপনি : যৌনতাৰ লগত টোপনিৰ সম্পৰ্ক কি? গৱেষণাই কি কয়?
সততে চৰকাৰ আৰু চৰকাৰী নীতি বিৰোধীসকলক দেশদ্ৰোহী বুলি আক্ৰমণ কৰি অহা কংগণাৰ ছবিখনে তেওঁৰ তথাকথিত দেশভক্ত অনুৰাগীসকলেও উপেক্ষা কৰাৰ পিছতে সামাজিক মাধ্যমত বিভিন্নজনে ট্ৰল কৰা দেখা গৈছে৷ বলিউদৰ কিছুসংখ্যক চেলিব্ৰেটিয়েও কংগণাক ট্ৰল কৰি পৰিলক্ষিত হৈছে৷
একাংশই কংগণাই চৰকাৰক তুষ্টি কৰি ফিল্মফেয়াৰ বঁটা, পদ্মশ্ৰী সন্মান, ৱাই কেটেগৰীৰ নিৰাপত্তা আদি লাভ কৰা কথাবোৰো কংগণাক পুনৰ উলিয়াই আক্ৰমণ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
