অসম লাইভ ২৪ঃ ৩৪ বছৰীয়া প্ৰতিভাৱান অভিনেতা সুশান্ত সিং ৰাজপুতৰ মৃত্যুক লৈ প্ৰতিদিনে ন ন তথ্য পোহৰলৈ আহিছে। কি চাপত পৰি সুশান্তে আত্মহত্যা কৰিছিল, তাৰ উত্তৰ বিচাৰিছে অভিনেতাজনৰ অনুৰাগীয়ে। সোমবাৰে মুম্বাই আৰক্ষী আয়ুক্ত পৰমবীৰ সিঙে সুশান্তৰ মৃত্যুৰ বিষয়ে এক চাঞ্চল্যকৰ তথ্য প্ৰকাশ কৰিছে। পৰমবীৰ সিঙে কৈছে যে ‘মৃত্যুৰ পূর্বে বাৰে বাৰে নিজৰ নাম গুগলত চার্ছ কৰিছিল সুশান্তে। যন্ত্ৰাহীনভাৱে কেনকৈ নিজক শেষ কৰিব পাৰি গুগলত চার্ছ কৰিছিল সুশান্তে। অভিনেতাজনৰ মৃত্যুক লৈ বিগত ডেৰমাহ ধৰি তদন্ত চলাই সোমবাৰে মুম্বাই আৰক্ষীয়ে এই চাঞ্চল্যকৰ তথ্য প্ৰকাশ কৰিছে। সুশান্ত বায়’পলাৰ ডিছঅ’র্ডাৰত ভুগিছিল বুলি দাবী কৰিছে মুম্বাই আৰক্ষীয়ে। তাৰ বাবে সুশান্তে ঔষধো গ্ৰহণ কৰি আহিছিল।’ ইয়াৰ লগতে মুম্বাই আৰক্ষীয়ে জনালে যে সুশান্তৰ মৃত্যুৰ আগদিনা ৰাতি অর্থাৎ ১৩ জুনত কোনো পার্টি নাছিল সুশান্তৰ বাসগৃহত। আৰক্ষীয়ে ইতিমধ্যে এজনৰ পাছত এজন পৰিচালক-প্ৰযোজকৰ ভাষ্য ৰেকর্ড কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
