চীনে টাইৱান আক্ৰমণ কৰিব বুলি বিশ্ব সংবাদ মাধ্যমত চৰ্চা লাভ কৰিছে৷ আনকি আমেৰিকাও চীনে টাইৱান আক্ৰমণ কৰিব উদ্বিগ্ন হৈ থকা দেখা গৈছে৷ আমেৰিকাৰ সংসদৰ অধ্যক্ষ নেন্সি পেলোছিয়ে চীনে টাইৱান আক্ৰমণ কৰিব বুলি কেৱল শংকিত হোৱাই ক্ষুদ্ধ হোৱা বুলিও বাতৰি প্ৰকাশ কৰিছে৷
ইয়াৰ মাজতে চীনে টাইৱানক প্ৰত্যক্ষ যুদ্ধৰে আক্ৰমণ কৰাৰ বিপৰীতে অন্য পথ গ্ৰহণ কৰিব বুলিও বিশেষজ্ঞসকলে ধাৰণা কৰিছে৷ বিশেষকৈ চীনৰ কুটনীতি তথা কৌশল বুজি পোৱাসকলে বিশ্বাস কৰে যে চীনে এই মুহূৰ্তত টাইৱান আক্ৰমণ নকৰে৷ তেওঁলোকৰ মতে চীনে বৰ্তমান পৰিস্থিতি এখন যুদ্ধত প্ৰবৃত্ত হ’ব পৰাকৈ সাজু হোৱাটোও সহজ হৈ থকা নাই৷
তেনে চীনে কিয় টাইৱানৰ দিশে সামৰিক আগ্ৰাসন অব্যাহত ৰাখিছে? উক্ত বিশেষজ্ঞসকলে দাবী কৰে যে চীনে ‘আৰ্ট অৱ ৱাৰ’ৰ জৰিয়তে টাইৱানক জয় কৰাৰ চেষ্টা কৰিব৷ এতিয়া কি হ’ল এই ‘আৰ্ট অৱ ৱাৰ’?
লগতে পঢ়ক গেংষ্টাৰৰ ভাবুকি! মাৰণাস্ত্ৰৰ অনুজ্ঞাপত্ৰৰ পাছত চলমান খানৰ বুলেটপ্ৰুফ বাহন
আচলতে ‘আৰ্ট অৱ ৱাৰ’ হৈছে ছান ট্জুৰ এটা তত্ত্ব, যাক চীনা সামৰিক কৌশলবিদ আৰু চিন্তাবিদ বুলি কোৱা হয়। ৫০০ খ্ৰীষ্টপূৰ্বত তেওঁ একে নামৰ এখন কিতাপ লিখিছিল, য’ত তেওঁ কৈছে যে আমি শত্ৰুৰ সৈতে মোকাবিলা কৰিবলৈ ইমানখিনি প্ৰস্তুতি চলাব লাগে যে আমি যুদ্ধ নকৰিলেও হয়। ইয়াৰ অৰ্থ আছিল প্ৰতিপক্ষৰ ওপৰত এইদৰে হেঁচা প্ৰয়োগ কৰা উচিত বা এনেদৰে ঘেৰি ৰখা যে উচিত যে তেওঁলোক যাতে নিজকে বিচ্ছিন্ন অনুভৱ কৰি আত্মসমৰ্পণ কৰে৷
চীনৰ যুদ্ধ কৌশলত এই আৰ্ট অৱ ৱাৰৰ ছাপ সদায় দৃশ্যমান হৈ আহিছে। ডকলাম, লাডাখ আদি অঞ্চলত সীমান্ত বেদখল কৰি ভাৰতৰ সৈতে মাহৰ পিছত মাহ ধৰি উত্তেজনা বজাই ৰখা আৰু তাক চাপ সৃষ্টি কৰিবলৈ কৰা প্ৰচেষ্টাও তেনে এক কৌশলৰে অংশ।
ইয়াৰ বাহিৰেও চীনে দক্ষিণ চীন সাগৰতো একেই কৌশল গ্ৰহণ কৰি আহিছে। দক্ষিণ চীন সাগৰত জাপান, ভিয়েটনামকে ধৰি বহু দেশৰ ওপৰত সামৰিক আৰু কুটনৈতিক হেঁচা প্ৰয়োগ কৰি চাপত পেলাবলৈ চেষ্টা কৰি আহিছে।
লগতে পঢ়ক ২২ বছৰীয়া অতি সাহসী যুৱতী! তিনিবাৰ বিক্ৰী একাধিকবাৰ ধৰ্ষণৰ পিছতো কলেজ যোৱাৰ প্ৰস্তুতি
ইয়াৰ জৰিয়তে চীনে কেৱল চাপত ৰাখিবলৈ চেষ্টা কৰাই নহয়, এইদৰে চাপ সৃষ্টি কৰি সঠিক সময়লৈ অপেক্ষাও কৰে। ১৯৬২ চনত হঠাতে ভাৰতক আক্ৰমণ কৰি চীনে ইয়াৰ প্ৰমাণ দি থৈছে। চীনে তিব্বতৰ ওপৰতো এনে কৌশল প্ৰয়োগ কৰি তিব্বতীসকলৰ বিদ্ৰোহ দুৰ্বল কৰি পেলাইছিল।
চীন আৰু টাইৱানৰ সম্পৰ্ক বুজি পোৱা বিশেষজ্ঞসকলে কয় যে ড্ৰেগনে পুনৰ একেধৰণৰ কৌশল গ্ৰহণ কৰিব পাৰে। বৰ্তমান চীনে টাইৱানক আক্ৰমণ কৰিলে আমেৰিকাই চীনৰ ওপৰত অৰ্থনৈতিক নিষেধাজ্ঞা আৰোপ কৰিব পাৰে। সেইবাবেই চীনে হয়তো টাইৱান আৰু আমেৰিকা বিপক্ষে তেনে কৌশল প্ৰয়োগ কৰিহে থাকিব, কিন্তু আক্ৰমণ নকৰিব পাৰে।
লগতে পঢ়ক ‘বিধৱাৰ সাজ পিন্ধি কিমান দিন থাকিব, তাইক মই আকৌ বোৱাৰী কৰি ল’লো’
ইয়াৰ উপৰিও আমেৰিকাৰ সেনাৰ তুলনাত চীনো বহু পিছ পৰি আছে। এনে অৱস্থাত চীনে কেইটামান দশকলৈ দ্ৰুতগতিত নিজৰ অৰ্থনৈতিক আৰু সামৰিক শক্তি বৃদ্ধি কৰিব বুলি ধাৰণা কৰা হৈছে।
ইফালে চীনে ইউক্ৰেইন যুদ্ধৰ পৰাও বহু শিক্ষা আহৰণ কৰিছে আৰু ৰাছিয়াৰ দৰে টাইৱানত আবদ্ধ হৈ থাকিব নিবিচাৰে। এনে অৱস্থাত হেঁচা প্ৰয়োগ কৰি থকাৰ সময়তে চীনে নিজকে এনে অৱস্থাত ৰাখিব বিচাৰিছে যে আমেৰিকাই টাইৱানত হস্তক্ষেপ কৰি নিজৰ নিয়ন্ত্ৰণলৈ নিব পৰা অৱস্থাত নাই। এইটোৱেই হৈছে আৰ্ট অৱ ৱাৰৰ নীতি, য’ত ছান ট্জুৱে যুদ্ধত প্ৰৱেশ নকৰাকৈও যুদ্ধত জয়ী হোৱাৰ কথা কৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
