চৰকাৰৰ অধীনত ককবকাই থকা এয়াৰ ইণ্ডিয়াক টাটা গ্ৰুপে ক্ৰয় কৰাৰ পিছৰে পৰা বিমান সংস্থাটোৰ ভাগ্যৰ চকৰি ঘূৰিবলৈ আৰম্ভ কৰিছে৷ টাটাই এতিয়া এয়াৰ ইণ্ডিয়াৰ সামৰ্থ্য বৃদ্ধিৰ বাবে আৰু ৩০ খন নতুন যাত্ৰীবাহী বিমান সংযোগ কৰিব বিচাৰিছে৷
প্ৰকাশিত বাতৰি অনুসৰি এয়াৰ ইণ্ডিয়াই বৰ্তমানৰ ২৫ খন নেৰ’-ব’ডিৰ এয়াৰবাছ আৰু ৫ খন ৱাইড-ব’ডীৰ বয়িং এয়াৰবাছ সংযোজন কৰাৰ পৰিকল্পনা কৰিছে। ২০২২ চনৰ শেষৰ পৰা সেৱা আৰম্ভ হ’বলগীয়া ২৫ খন এয়াৰবাছ নেৰ’-বডি আৰু ৫ খন বয়িং ৱাইড-বডি এয়াৰবাছৰ বাবে এয়াৰ ইণ্ডিয়াই লেটাৰ অৱ ইনটেণ্টত স্বাক্ষৰ কৰিছে।
ইয়াৰ ফলত বিমান সংস্থাটোৰ বিমানৰ আৰু ২৫ শতাংশতকৈ অধিক বৃদ্ধি পাব। চলিত বৰ্ষৰ আৰম্ভণিতে টাটা গ্ৰুপে এয়াৰ ইণ্ডিয়াক অধিগ্ৰহণ কৰাৰ পিছত এই সংখ্যা বৃদ্ধি কৰিব। বৃদ্ধি পাবলগীয়া এয়াৰবাছসমূহৰ ভিতৰত আছে ২১ খন এয়াৰবাছ এ৩২০ নিয়ন, চাৰিখন এ৩২১ নিয়ন আৰু পাঁচখন বয়িং বি৭৭৭-২০০ এলআৰ।
লগতে পঢ়ক টি-২০ বিশ্বকাপৰ আৰম্ভণিৰ পূৰ্বেই বিতৰ্ক! ভাৰতীয় ক্ৰিকেট দলৰ অধিনায়ক সলনিৰ সিদ্ধান্ত…
ইফালে বিমান সংস্থাটোৰ মতে, ২০২২ চনৰ ডিচেম্বৰৰ পৰা ২০২৩ চনৰ মাৰ্চৰ ভিতৰত বি৭৭৭-২০০ এলআৰ বিমান সংস্থাটোত সংযোজন কৰা হ’ব যিবোৰ বিমান ভাৰতৰ চহৰসমূহৰ পৰা আমেৰিকালৈকে সেৱাৰ আগবঢ়াব।
মুম্বাইৰ পৰা ছান ফ্ৰান্সিস্কোৰ লগতে নিউয়ৰ্ক অঞ্চলৰ দুয়োটা আন্তঃৰাষ্ট্ৰীয় বিমানবন্দৰ ক্ৰমে নেৱাৰ্ক লিবাৰ্টি আৰু জন এফ কেনেডীলৈ উৰণ আৰম্ভ কৰা হ’ব৷ আনহাতে বেংগালুৰুৰ পৰা ছান ফ্ৰান্সিস্কোলৈ সপ্তাহত তিনিদিন এই বিমান সেৱা আগবঢ়োৱা হ’ব। এই বিমানসমূহৰ জৰিয়তে এয়াৰ ইণ্ডিয়াই প্ৰথমবাৰৰ বাবে প্ৰিমিয়াম ইকনমি বিমান সেৱা আগবঢ়াব।
লগতে পঢ়ক এটা কুকুৰৰ বাবেই দুই দেশৰ মাজত তয়াময়া যুদ্ধ! যুদ্ধৰ পৰিণাম কি হৈছিল?
নতুন বিমান সম্প্ৰসাৰণৰ সন্দৰ্ভত মন্তব্য কৰি এয়াৰ ইণ্ডিয়াৰ মুখ্য কাৰ্যবাহী বিষয়া তথা পৰিচালন সঞ্চালক কেম্পবেল উইলছনে কয় যে বহুদিনৰ পাছত এয়াৰ ইণ্ডিয়াই বিমান সম্প্ৰসাৰণ পুনৰ আৰম্ভ কৰি অতি সুখী। বৰ্তমানৰ বিমানৰ সৈতে সেৱালৈ ঘূৰাই অনা এই নতুন বিমানসমূহে অধিক ক্ষমতা আৰু সংযোগেৰে অধিক কাৰ্যকৰী, আৰু এক শক্তিশালী পদক্ষেপেৰে আগুৱাই নিব।
এয়াৰ ইণ্ডিয়াৰ সম্প্ৰসাৰণ আৰু নবীকৰণৰ ৰোমাঞ্চকৰ পৰিকল্পনা আছে বুলি কৈ তেওঁ লগতে কয় যে এই নতুন বিমানসমূহ মাত্ৰ আৰম্ভণিহে। এয়াৰ ইণ্ডিয়াত বৰ্তমান নেৰ’-বডিৰ ৭০ খন বিমান আছে৷ ইয়াৰে ৫৪ খন সেৱাত থকাৰ বাকী ১৬ খন বিমান ২০২৩ চনৰ পাছত পুনৰ সেৱা আৰম্ভ কৰিব। একেদৰে এয়াৰ ইণ্ডিয়াৰ ৱাইড-বডি বৰ্তমান ৪৩ খন বিমান আছে আৰু ইয়াৰে ৩৩ খন কাৰ্যক্ষম হৈ আছে। বাকী বিমানকেইখন ২০২৩ চনৰ আৰম্ভণিতে সেৱালৈ আহিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
