দুৰ্গাপূজা এইবাৰ আগুৱাই আহিছে৷ আগন্তুক ২৯ ছেপ্টেম্বৰত দুৰ্গাপূজাৰ সপ্তমী৷ তাৰপূৰ্বে ২১ ছেপ্টেম্বৰত মহালয়া, দেৱীপক্ষৰ আৰম্ভণি৷ দুৰ্গাৰ আগমন আৰু প্ৰস্থানৰ বাহনক লৈ বহুকথা প্ৰচলিত আছে৷ দেৱী দুৰ্গা আৰু তেওঁৰ পুত্ৰ কন্যাৰ নিজস্ব বাহন থাকিলেও আগমন আৰু প্ৰস্থানৰ বাহনৰ কথা পৃথককৈ পঞ্জিকাত উল্লেখ কৰা থাকে৷ হিন্দুশাস্ত্ৰ অনুসৰি, দুৰ্গাৰ আগমন আৰু প্ৰস্থানৰ বাহন নিৰ্ধাৰণ কৰি মৰ্তলোকৰ বছৰতো কেনেকৈ যাব সেয়া চোৱা হয়৷ প্ৰতিবছৰে দুৰ্গাৰ আগমন আৰু প্ৰস্থান সাধাৰণতে একেই বাহনত নহয়৷ যদি কোনো বছৰত অহা যোৱাৰ বাহন একেই হয় তেতিয়া ই খুবেই অশুভ ইংগিত বহন কৰে৷ এই বছৰ দুৰ্গাৰ আগমন হব গজত আৰু প্ৰস্থান হব দোলাত৷ জানি থওক ইয়াৰ কি প্ৰভাৱ পৰিব?
দুৰ্গাৰ আগমন আৰু গমনৰ হিচাপ
পঞ্জিকা অনুসৰি পূজাৰ সপ্তমীত দেৱীৰ আগমন হয় আৰু গমন হয় দশমীত৷ এই দুই দিন সপ্তাহৰ কোন কোন বাৰে পৰিছে তাৰ ওপৰতেই নিৰ্ভৰ কৰে দেৱীয়ে কিহেৰে আগমন কৰি কিহেৰে গমন কৰিব৷ শাস্ত্ৰ অনুসৰি সপ্তমী দেওবাৰ বা সোমবাৰ হলে দেৱীৰ বাহন হয় গজ বা হাঁতী৷ সপ্তমী শনি বা মঙ্গলবাৰ হলে দেৱীৰ বাহন হয় ঘোঁৰা৷ সপ্তমী বৃহস্পতি বা শুকুৰবাৰ হলে দেৱীৰ বাহন হয় দোলা বা পাল্কী৷ সপ্তমী বুধবাৰ হলে দেৱীৰ বাহন হয় নৌকা৷ একেদৰে দশমী ৰবি বা সোমবাৰ হলে দেৱীৰ বাহন হয় গজ৷ দশমী শনি বা মঙ্গলবাৰ হলে দেৱীয়ে বিদায় লয় ঘোঁৰাত উঠি৷ দশমী বৃহস্পতি বা শুকুৰবাৰ হলে দেৱীৰ গমন হব দোলা বা পাল্কীত৷ আকৌ দশমী বুধবাৰ হলে নৌকাৰে কৈলাশলৈ উভতিব দেৱী৷
এইবছৰ দেৱীৰ আগমন কিহত?
এই বছৰ ২৯ ছেপ্টেম্বৰত সপ্তমী পৰিছে সোমবাৰে৷ সেয়ে দুৰ্গাৰ আগমন গজ অৰ্থাৎ হাঁতীত৷ শাস্ত্ৰমতে গজ দেৱীৰ উৎকৃষ্টতম বাহন৷ দেৱীৰ আগমন বা গমন হাঁতীত হলে মৰ্ত্যলোক ভৰি উঠিব সুখ-শান্তি-সমৃদ্ধিৰে৷ পূৰ্ণ হয় ভক্তৰ মনোবাঞ্ছা৷ পৰিশ্ৰমৰ সুফল পায় মৰ্তলোকৰ অধিবাসীগণে৷ অতিবৃষ্টি বা অনাবৃষ্টি নহয়, যিমান প্ৰয়োজন সিমানেই বৰ্ষণ হয়৷
কি বাহনেৰে উভতিব দেৱী?
আগন্তুক ২ অক্টোবৰত বৃহস্পতিবাৰ পৰিছে বিজয়া দশমী৷ মা দুৰ্গাই পুত্ৰ-কন্যাসহ কৈলাশলৈ উভতিব দোলা অৰ্থাৎ পাল্কিত৷ ফল ‘দোলায়াং মকৰং ভৱেৎ’ অৰ্থাৎ মহামাৰী, ভূমিকম্প, খৰাং, যুদ্ধ আৰু অতিমৃত্যুৰ লক্ষণ৷ দোলা বা পাল্কিত সূচিয় হয় ভয়ংকৰ মহামাৰী৷ যাৰ ফলত প্ৰাণহানী অনিবাৰ্য৷
দুৰ্গাৰ অন্য বাহনসমূহৰ তাৎপৰ্য
দুৰ্গা যদি ঘোঁৰাত আহে বা বিদায় লয় তেতিয়া ‘ছত্ৰ ভংগ স্তৰঙ্গমে’ অৰ্থাৎ সামাজিক, ৰাজনৈতিক আৰু সামৰিক অস্থিৰতা বৃদ্ধি পায়৷ ইয়াৰ ফলত ৰজাই ৰজাই বা ৰাষ্ট্ৰই ৰাষ্ট্ৰই যুদ্ধ সূচিত হয়৷ সামাজিক আৰু ৰাজনৈতিকস্তৰত ধ্বংস আৰু অস্থিৰতাই বিৰাজ কৰে৷ এক কথাত ছত্ৰভঙ্গম৷ দেৱীৰ অহা বা যোৱা যদি নৌকাত হয় তেতিয়া ‘শস্য বুদ্ধিস্তথাজলম’ অৰ্থাৎ প্ৰবল বন্যা বা খৰাঙে দেখা দিব পাৰে৷ নৌকাত মনোকামনা পূৰ্ণ হোৱা সূচিত হয়৷ ধৰিত্ৰী হৈ উঠে শস্য শ্যামলা৷ কিন্তু ইয়াৰ সৈতে বৰ্ষণ বা প্লাবনৰো আশংকা দেখা যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ


















