এইবাৰ বিষাক্ত সুৰা নহয়, এইবাৰ উলাইছে বিষাক্ত মাখন! এই বিষাক্ত মাখন খাই চাৰিটাকৈ শিশুৱে কৰুণভাৱে মৃত্যুক আকোৱালি লৈছে৷
এই কৰুণ ঘটনাটো সংঘটি হৈছে উত্তৰ প্ৰদেশৰ কুশীনগৰ জিলাত৷ ঘটনাৰ বিৱৰণীৰ মতে জিলাখনৰ কাশায়া আৰক্ষী থানাৰ অন্তৰ্গত কুড়ৱাৰ লাঠুৰ গাঁৱত চাৰিটা শিশুৱে বিষাক্ত মাখন খাই কৰুণ মৃত্যুক আকোৱালি লৈছে৷
আৰক্ষী সূত্ৰই প্ৰকাশ কৰা অনুসৰি বুধবাৰে পুৱা মুখায়া দেৱী নামৰ মহিলাগৰাকীয়ে তেওঁলোকৰ ঘৰত এটা পলিথিনৰ ভিতৰত নটকাৰ খুচৰা পইচাৰ সৈতে পাঁচটা মাখনৰ পেকেট লাভ কৰে৷
লগতে পঢ়ক টেট উত্তীৰ্ণ শিক্ষকৰ গুৰু গৰ্জনত উত্তাল কাহিলিপাৰা : ক্ষান্ত নোহোৱাৰ অংগীকাৰ শিক্ষক সমাজৰ
মহিলাগৰাকীয়ে ইয়াৰে তিনিটা পাকেট তেওঁৰ পুত্ৰ সন্তানৰ ফালৰ নাতি-নাতিনী মাঞ্জনা (৭), ছুইটি (৫), সমৰ (৩) আৰু কন্যা সন্তানৰ নাতি আয়ুস(৫)ক খাবলৈ দিয়ে৷ শিশু চাৰিটাই মাখনখিনি খাই খেলিবলৈ ঘৰৰ পৰা ওলাই গৈ মাটিত ঢলি পৰে৷
ইয়াৰ পিছতে গঞাই চাৰিওটি শিশুকে উদ্ধাৰ কৰি কাশায়া সামূহিক স্বাস্থ্য কেন্দ্ৰলৈ লৈ যায়৷ চিকিৎসকে শিশুকেইটাৰ গুৰুতৰ অৱস্থা প্ৰত্যক্ষ কৰি জিলা চিকিৎসালয়ৈ প্ৰেৰণ কৰে৷ জিলা চিকিৎসালয়লৈ নিয়াৰ পথতে চাৰিওটি শিশুৰে কৰুণ মৃত্যু ঘটে আৰু চিকিৎসালয়ত পোৱাৰ লগে লগে চিকিৎসকে শিশু চাৰিটি মৃত বুলি ঘোষণা কৰে৷
এই ঘটনাৰ পিছতে উত্তৰ প্ৰদেশৰ মুখ্যমন্ত্ৰী যোগী আদিত্যনাথে ঘটনাটো তদন্তৰ নিৰ্দেশ দিছে৷ আৰক্ষীয়ে ঘটনাৰ তদন্ত আৰম্ভ কৰিয়ে ৰাতিটোৰ ভিতৰতে তিনিজনক লোকক ঘটনাৰ সৈতে জড়িত থকাৰ সন্দেহত আটক কৰি ৰাতি জেৰা কৰাৰ অন্তত গ্ৰেপ্তাৰ কৰিছে৷
লগতে পঢ়ক ৩১ মাৰ্চৰ ভিতৰত এই কাম নকৰিলে চৰকাৰী কৰ্মচাৰীৰ কৰ্তন হ’ব দৰমহা!
আৰক্ষীয়ে প্ৰকাশ কৰা অনুসৰি গ্ৰেপ্তাৰ কৰা লোককেইজন হৈছে ক্ৰমে প্ৰেম, বালা আৰু চাবাছ৷ আৰক্ষীয়ে স্নীফাৰ ড’গৰ সহায়ত অভিযুক্তকেইজনৰ সন্ধান লাভ কৰা বুলি প্ৰকাশ কৰিছে৷
আৰক্ষীয়ে মৃত তিনি শিশুৰ পিতৃ ৰসগোলৰ এজাহাৰৰ ভিত্তিত ভাৰতীয় দণ্ডবিধি আইনৰ ৩০২, ৩২৮, ৫০৬ আৰু ১২০ বিৰ অধীনত গোচৰ ৰুজু কৰি ঘটনাটোৰ তদন্ত অব্যাহত ৰাখিছে৷
ইফালে মুখ্যমন্ত্ৰী যোগীয়ে গোৰখপুৰৰ ক্ষেত্ৰৰ জিলা দণ্ডাধীশ আৰু জিলা চিকিৎসা বিষয়াক সংশ্লিষ্ট মাখনৰ নমুনা সংগ্ৰহ কৰি তদন্তৰ প্ৰতিবেদন অতি শীঘ্ৰেই দাখিল কৰিবলৈ নিৰ্দেশ দিছে৷
অভিযুক্ত লোককেইজনে ক’ত বিষাক্ত মাখন লাভ কৰিলে অথবা কিয় শিশুকেইটিক লক্ষ্য কৰি ভুক্তভোগী মানুহ ঘৰত সেয়া থৈ আহিছি সেয়া আৰক্ষীয়ে এতিয়াও প্ৰকাশ কৰা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
