জীৱন্তে উদ্ধাৰ হ’বনে উমৰাংছুৰ আৱদ্ধ শ্ৰমিক, ব্যৱহাৰ হ’ব অত্যাধুনিক পানী নিষ্কাশন পাম্প
অসমৰ লগতে সমগ্ৰ দেশতে চাঞ্চল্যৰ সৃষ্টি কৰা ডিমা হাছাওৰ উমৰাংছুত জীৱন্তে উদ্ধাৰ হ’বনে উমৰাংছুৰ আৱদ্ধ শ্ৰমিক। গভীৰ খাদত আজিও চলিব উদ্ধাৰ অভিযান।
যাৰ বাবে নাগপুৰৰ পৰা বিশেষ বিমানেৰে আহিব অত্যাধুনিক পানী নিষ্কাশন পাম্প। যি পাম্পে ঘণ্টাত ডেৰ লাখ লিটাৰকৈ ক’ল ইণ্ডিয়াৰ পাম্পে নিষ্কাশন কৰিব পানী।
আনহাতে সেই গভীৰ খাদৰ পৰা ওলাই প্ৰাম ৰক্ষা পৰা শ্ৰমিকৰ শিহৰণকাৰী বৰ্ণনা, ৯ জন নহয় ৭ টাকৈ ৰেট হ’লত এতিয়াও আৱদ্ধ হৈ আছে প্ৰায় ২০ জন শ্ৰমিক।
ঘটনা বৰ্ণনা কৰা অনুসৰি, ঘটনা সংঘটিত হোৱা ১০ মিনিটৰ ভিতৰতে সকলো ৰেট হ’লত সোমাই পৰিছিল পানী।
তাতোকৈ চাঞ্চল্যকৰ মন্তব্য যে, ৩০০ ফুট নহয়, ৯০০-১০০০ ফুট ভিতৰত আৱদ্ধ হৈ আছে শ্ৰমিক। কেৱল কয়লা খাদটোৰ গভীৰতাহে ৩০০ ফুট। খাদটোৰ ভিতৰৰ ৰেট হ’ল একোটাৰ গভীৰতা ৯০০ৰ পৰা ১০০০ ফুট।
ঘটনা সংঘটিত হোৱাৰ পাছত ৰেট হ’লৰ পৰা চিৎকাৰ শুনিবলৈ পোৱা গৈছিল শ্ৰমিকৰ। বহু গভীৰতালৈ আৱদ্ধ হৈ আছিল শ্ৰমিকসকল। এই শিহৰণকাৰী বৰ্ণনা দৰঙৰ দুই শ্ৰমিকৰ ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
