এগৰাকী জিলা দণ্ডাধীশে পুত্ৰ হেৰুওৱাৰ এগৰাকী মাতৃক দুৰ্ব্যৱহাৰ কৰা ভিডিঅ’ৱে সমগ্ৰ দেশজুৰি তুমুল চৰ্চা লাভ কৰিছে৷
উত্তৰ প্ৰদেশ মোদীনগৰ মহকুমা দণ্ডাধীশ শোভাঙ্গী শুক্লাই পুত্ৰ হেৰুওৱা দুখত ম্ৰিয়মান হৈ থকা এগৰাকী মাতৃক চূড়ান্তভাৱে দুৰ্বৱ্যহাৰ কৰা দেখা গৈছে৷
সংবাদ মাধ্যমত প্ৰকাশিত বাতৰি অনুসৰি বৃহস্পতিবাৰে এক দুৰ্ঘটনাত অনুৰাগ ভৰদ্বাজ নামৰ এজন ১০ বছৰীয়া ছাত্ৰৰ কৰুণভাৱে মৃত্যু হয়৷
লগতে পঢ়ক উৰন্ত বিমানতে সহযাত্ৰীক প্ৰহাৰ কৰিলে কিংবদন্তী বক্সাৰ মাইক টাইচনে, চাওক ভিডিঅ’
বিদ্যালয়খন কৰ্তৃপক্ষৰ অৱহেলাৰ বাবেই তেওঁলোকৰ পুত্ৰৰ মৃত্যু হোৱাৰ অভিযোগ তুলি ছাত্ৰগৰাকীৰ মাতৃ, পিতৃ আৰু পৰিয়ালৰ অন্যান্য সদস্যসকলে প্ৰতিবাদ সাব্যস্ত কৰিছিল৷
তেতিয়াই দণ্ডাধীশ শোভাঙ্গী শুক্লাই ছাত্ৰগৰাকীৰ মাতৃ নেহা ভৰদ্বাজক চূড়ান্তভাৱে দুৰ্ব্যৱহাৰ কৰে৷ এই সমগ্ৰ ঘটনাৱলী এটা ভিডিঅ’ত আৱদ্ধ হৈ আছে, যিটো এতিয়া ভাইৰেল হৈছে৷
ভিডিঅ’টোত দণ্ডাধীশ গৰাকীয়ে আঙুলি দেখুওৱাই কোৱা দেখা গৈছে—
লগতে পঢ়ক এতিয়াৰে পৰা কল ৰেকৰ্ডিং এপসমূহ বন্ধ কৰিব গুগলে!
‘‘চুপ থাকক৷ কিয় বুজি নাপায়? মই ইয়াৰ পৰা তোমাক উঠি যাবলৈ কৈছো নে নাই?’’ দণ্ডাধীশ শুক্লাই মাতৃগৰাকীক কয়৷
‘‘সি মোৰ সন্তান আছিল৷’’ মাতৃ নেহা ভৰদ্বাজে কয়৷
‘‘আৰু কিমান বাৰ মই তোমাক বুজাব লাগিব৷’’ দণ্ডাধীশয়ে পুনৰ গালি বৰষি কয়৷
‘‘মই বুজি পাইছো৷ সি এতিয়াও শুই আছে৷’’ মৃত সন্তানৰ প্ৰসংগৰে মাতৃগৰাকীয়ে কয়৷
লগতে পঢ়ক
উল্লেখ্য যে বুধবাৰে উত্তৰ প্ৰদেশৰ এখন ব্যক্তিগত বিদ্যালয়ৰ খিৰিকীত পাইপ নথকা এখন স্কুল বাছত ১০ বছৰীয়া তিনিগৰাকী ছাত্ৰৰ মৃত্যু ঘটে৷ আৰক্ষীয়ে প্ৰকাশ কৰা অনুসৰি খিৰিকীত পাইপ নথকাত ছাত্ৰকেইজনে মূৰ উলিয়াই দিছিল আৰু তেতিয়াই এটা বিদ্যুতৰ খুঁটাত খুন্দা মৰাৰ ফলত তিনিওজন ছাত্ৰৰে মৃত্যু ঘটে৷
বিদ্যালয়খনৰ অৱহেলাৰ বাবে উক্ত দুৰ্ঘটনাটো সংঘটিত হোৱাৰ অভিযোগ তুলি নিহত ছাত্ৰ অনুৰাগ ভৰদ্বাজৰ পৰিয়ালে বিদ্যালয়খনৰ বিৰুদ্ধ শাস্তিমূলক ব্যৱস্থা ল’বলৈ শুকুৰবাৰে প্ৰতিবাদ কৰিছিল আৰু তেতিয়াই দণ্ডাধীশগৰাকীয়ে এই চূড়ান্ত দুৰ্ব্যৱহাৰ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
