অসম লাইভ ২৪ঃ সৰু পর্দাৰ এখন জনপ্ৰিয় মুখ বৰুণ ছুড। কেইবাটাও ৰিয়েলিটি শ্ব’ত অংশ গ্ৰহণ কৰি দর্শকৰ মন জিনা বৰুণৰ আছে অনেক ফেন। শেহতীয়াকৈ বৰুণক দেখিবলৈ পোৱা গৈছিল ‘খাতড়ৌ কি খিলাড়ী ছিজন-১১’ত। দক্ষিণ আফ্ৰিকাত ইয়াৰ ছুটিং শেষ কৰি কিছুদিন পূর্বে মুম্বাইলৈ উভতিছিল বৰুণ। নিয়ম অনুসৰি বৰুণ ১০ দিনৰ বাবে থাকিব লাগে কোৱাৰেণ্টাইনত। পিছে শনিবাৰে মুম্বাইত বাইক চলাই ঘূৰি ফুৰা অৱস্থাত দেখা গ’ল বৰুণক। ইয়াৰ পাছতে ছ’চিয়েল মিডিয়াত সৃষ্টি হ’ল বিতর্কৰ। ইউজাৰে নিগেটিভ কমেণ্ট আৰু ট্ৰ’লেৰে ভৰাই পেলালে বৰুণৰ একাউণ্ট। ইয়াৰ পাছতে প্ৰতিক্ৰিয়া ব্যক্ত কৰিছে বৰুণে। ঔষধ আনিবৰ বাবেহে ফার্মাচীলৈ গৈছিল বৰুণ। উল্লেখযোগ্য যে ইতিমধ্যে ক’ৰোনা ভেকচিনৰ দুয়োটা ড’জ লোৱা আছিল বৰুণৰ। সেইবাবেহে ঘৰৰ পৰা বাহিৰলৈ ওলোৱাৰ কথা সদৰী কৰে বৰুণে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
