অসম লাইভ২৪ঃ ২০২০ চনত এনগেজমেণ্ট। তাৰ পাছতেই সন্তান। তিনিবছৰ পাছত বিবাহপাশত আৱদ্ধ হ’বলৈ আগবাঢ়িছে হাৰ্ডিক পাণ্ডিয়া। প্ৰেমৰ দিনটোতেই প্ৰেমিকা নাতাছা ষ্টেনকোভিচৰ সৈতেই বিবাহপাশত আৱদ্ধ হ’ব ভাৰতীয় ক্ৰিকেট তাৰকাগৰাকী। ভাইৰেল খবৰ অনুসৰি ১৪ ফেব্ৰুৱাৰীতেই বিবাহত আৱদ্ধ হ’ব দুয়ো। ইতিমধ্যে আৰম্ভ হৈছে দুয়োৰে বিবাহৰ প্ৰস্তুতি। ৰাজস্থানৰ উদয়পুৰত আয়োজন কৰা হৈছে দুয়োৰে বিবাহৰ অনুষ্ঠান।
উদয়পুৰৰ হোৱাইট ওৱেডিং থিমেৰে দুয়োৰে বিবাহ সম্পন্ন হ’ব। সোমবাৰেই উদয়পুৰলৈ ৰাওনা হৈছে প্ৰেমিকযুগল। সন্তানক কোলাত লৈ দুয়োৱে ৰাওনা হোৱাৰ ভিডিঅ’ ইতিমধ্যে সামাজিক মাধ্যমত ভাইৰেল হৈ পৰিছে। বিবাহৰ উদ্দেশ্যে ৰাওনা হৈছে হাৰ্ডিকৰ ককায়েক ক্ৰুণাল পাণ্ডিয়া আৰু তেওঁৰ পৰিয়ালো। ৰয়েল বিয়াখনত উপস্থিত থকাৰ বাবে বিৰাট-অনুষ্কাও ৰাওনা হৈছে উদয়পুৰ অভিমুখে।
উল্লেখ্য যে বিবাহত কোন কোন উপস্থিত থাকিব এই বিষয়টোৱেও বিশেষভাৱে চৰ্চা লাভ কৰিছে। এজনৰ পাছত আনজন ক্ৰিকেটাৰেই এতিয়া ৰাজস্থান অভিমুখে যাত্ৰা কৰাৰ ভিডিঅ’ ভাইৰেল হৈ পৰাৰ পাছতেই নেটিজেনে হাৰ্ডিকৰ বিবাহত উপস্থিত থাকিবলগা অতিথিৰ তালিকা ইতিমধ্যে তৈয়াৰ কৰিছে। সদ্যবিবাহিত আথিয়া চেট্টী আৰু কে এল ৰাহুলেও বিবাহৰ অনুষ্ঠানত উপস্থিত থাকিবৰ বাবেই উদয়পুৰত উপস্থিত হৈছেগৈ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
