যেতিয়া আপুনি কোনো বেংকৰ পৰা ঋণৰ বাবে আবেদন কৰে তেতিয়া প্ৰথম ধাপ হৈছে আপোনাৰ ক্ৰেডিট স্কোৰ পৰীক্ষা কৰা৷ ই গ্ৰাহকৰ ঋণ গ্ৰহণ আৰু পৰিশোধ কৰাৰ ক্ষমতা সম্পৰ্কে তথ্য প্ৰদান কৰে৷ হোন লোনৰ বাবে ক্ৰেডিট স্কোৰ অত্যন্ত গুৰুত্বপূৰ্ণ৷ আপোনাৰ ক্ৰেডিট স্কোৰ যিমানেই ভাল হব সুদৰ হাৰ সিমানেই কম হব৷ ইয়াৰোপৰি আপুনি আৰু বেছি পৰিমাণত ঋণো পাব পাৰে৷ বিভিন্ন বেংকে গৃহ ঋণৰ ওপৰত বিভিন্ন সুদৰ হাৰ অফাৰ কৰে৷ ঋণ লোৱাৰ পূৰ্বে সেয়ে একাধিক বেংকৰ সুদৰ হাৰ আৰু প্ৰক্ৰিয়াকৰণ ফি জানি থোৱাটো প্ৰয়োজন৷
SBI ৰ গৃহঋণৰ সুদৰ হাৰ
এছ বি আই গৃহঋণৰ সুদৰ হাৰ সাধাৰণতে ৭.৫০ শতাংশৰ পৰা ৮.৭০ শতাংশৰ মাজত থাকে৷ গৃহঋণৰ সৰ্বোচ্চ লাভৰ সুদৰ হাৰ ৭.৭৫ শতাংশৰ পৰা ৮.৯৫শতাংশ পৰ্যন্ত৷ টপ আপ ঋণৰ সুদৰ হাৰ ৮ শতাংশৰ পৰা ১০.৭৫ শতাংশ পৰ্যন্ত৷ টপ আপ গৃহ ঋণৰ সুদৰ হাৰ ৮.২৫ শতাংশৰ পৰা ৯.৪৫ শতাংশ পৰ্যন্ত৷ সম্পত্তিৰ বিপৰীতে ঋণৰ সুদৰ হাৰ ৯.২০ শতাংশৰ পৰা ১০.৭৫শতাংশ পৰ্যন্ত৷ ৰিভাৰ্ছ মৰ্টগেজ ঋণৰ সুদৰ হাৰ ১০.৫৫ শতাংশ পৰ্যন্ত৷ ইয়াৰোপৰি ইন্সটাহোম টপ আপ ঋণৰ সুদৰ হাৰ ৮.৩৫শতাংশ পৰ্যন্ত৷
৬০লাখৰ গৃহঋণত মাহিলী কিস্তি কিমান হ’ব?
যদি আপুনি এছ বি আইৰ পৰা ৮শতাংশ সুদৰ হাৰত ৩০ বছৰৰ বাবে ৬০লাখ টকাৰ গৃহঋণ লয় তেতিয়া প্ৰতিমাহে ই এম আই হ’ব ৪৪,০২৬ টকা৷ ৩০ বছৰৰ বাবে ৬০ লাখ টকাৰ ঘৰৰ বাবে মুঠ মাহিলী ই এম আই হ’ব ৯৮,৪৯,৩১৫ টকা৷ যদি আপুনি ৭.৫০ শতাংশ সুদৰ হাৰত গৃহঋণ পায় তেতিয়া মাহিলী কিস্তি হ’ব ৪১,৯৫৩ টকা৷ ইয়াৰ পাছত মুঠ মাহিলী কিস্তি হ’ব ৯১,৩৩৩ টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
