অসম লাইভ২৪ঃ ছলমান খানৰ পিতৃ ছেলিম খান বলীউডৰ এগৰাকী নামী-দামী লেখক। ছেলিম খানে নিজৰ কেৰিয়াৰক লৈ যিমান চৰ্চা লাভ কৰিছে সিমানেই তেওঁ চৰ্চিত ব্যক্তিগত জীৱনক লৈয়ো। ব্যক্তিগত জীৱন পূৰ্বে মসৃণেই আছিল ছেলিম খানৰ। কিন্তু দ্বিতীয় বিবাহৰ পাছত তেওঁ চৰ্চিত ব্যক্তি হৈ পৰিল। ছলমানৰ পিতৃ ছেলিম খানে দুবাৰকৈ নিকাহ কৰাইছে। তেওঁ পোনতে বিবাহপাশত আৱদ্ধ হৈছিল ১৯৬৪ চনত। তেওঁৰ প্ৰথমা পত্নীৰ নাম সুশীলা চৰক। কিন্তু বিবাহৰ পাছতেই সুশীলা নাম সলনি কৰি হৈছিলগৈ সলমা খান। প্রথমা পত্নীৰ সৈতে সংসাৰ কৰি ৪সন্তানৰ পিতৃ হয় ছেলিম খান। ছলমান, আৰবাজ, অলবিৰা আৰু ছুহিল খান।
পিতৃৰ দ্বিতীয় বিবাহক লৈ সুখী নাছিল নেকি ছলমান?
বিশেষ ৰিপৰ্টত প্ৰকাশ পোৱামতে ছেলিম খানে ১৯৮১ চনত দ্বিতীয় বিবাহ কৰায়। বলীউডৰ জনপ্ৰিয় অভিনেত্ৰা হেলেনৰ সৈতে বিবাহপাশত আৱদ্ধ হয় ছেলিম খান। ছেলিম খানে দ্বিতীয় বিবাহ কৰোৱাৰ কথা যেতিয়া তেওঁৰ প্ৰথমা পত্নী ছলমা খানে গম পায় তেওঁ শোকত ভাঙি পৰে। তেতিয়ালৈ ছলমানহঁতো বুজিব পৰাকৈ ডাঙৰ হৈ উঠিছিল। ছলমান যিহেতু আৰবাজ হঁততকৈ ডাঙৰ সেয়ে ছলমানে পিতৃৰ দ্বিতীয় বিবাহৰ খবৰ পায় দুখ প্ৰকাশ কৰিছিল। ছলমানে কোনো কাৰণতেই পিতৃৰ এই কাৰ্যক সমৰ্থন কৰিব পৰা নাছিল। আনকি ছলমানে তেতিয়াই পিতৃৰ সৈতে মানবোল বন্ধও কৰি দিছিল। মাতৃৰ পক্ষত থিয় হৈছিল আৰবাজ ছুহিলহঁতো।
সময়ে কাক কলৈ নিয়ে কোনেও নাজানে!
সময় বাগৰিল। ছেলিম খানৰো দ্বিতীয় পত্নীৰ সৈতে সংসাৰ চলি থাকিল। ছেলিমা খানে পাছলৈ এই সম্পৰ্কক মানিও ল’বলৈ বাধ্য হৈ পৰিল। ছেলিমা খানে যেতিয়া এই সম্পৰ্কক সহজে স্বীকাৰ কৰিবলৈ ল’লে তেতিয়া ছলমানেও পিতৃৰ প্ৰতি ৰখা আক্ষেপ কমাই আনিলে। পিতৃক ক্ষমা কৰি দিলে ছলমান খানে। পাছলৈ হেলেন আৰু ছলমাই একেলগে একেখন ঘৰতেই থাকিবলৈ লয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
