শেহতীয়াকৈ অনলাইন প্লেটফৰ্মত ক্ৰাউডছ’ৰ্চিং অধিক জনপ্ৰিয় হৈ পৰিছে। বহুতে ক্ৰাউডছ’ৰ্চিং প্লেটফৰ্মত নিজকে পঞ্জীয়ন কৰিবলৈ আৰম্ভ কৰিছে। এই ‘ক্ৰাউডছ’ৰ্চিং’ প্লেটফৰ্মসমূহে কোনো ব্যক্তি অসুস্থ হৈ চিকিৎসাৰ খৰচ বহন কৰিব নোৱাৰিলে সহায় কৰে। ‘ক্ৰাউডছ’ৰ্চিং’ প্লেটফৰ্মৰ জৰিয়তে সংগ্ৰহ হোৱা ধনেৰে বহু লোকে কোনো কঠিন ৰোগৰ চিকিৎসা কৰি ৰোগমুক্তও হৈ আহিছে।
কিন্তু এনে প্লেটফৰ্মটো অসাধু মানুহে ক্ৰমাৎ ভিৰ কৰিছে। কিছু অসাধু লোকে সহায়ৰ নামত ভুৱা নথি-পত্ৰ, প্ৰেছক্ৰিপচন দেখুৱাই ধন সংগ্ৰহ কৰি ধন লুটিবলৈ আৰম্ভ কৰিছে৷
শেহতীয়াকৈ নিকোল এলকাবাছ নামৰ এগৰাকী ৪৪ বছৰীয়া মহিলাই ঠিক তেনেকুৱা কৰি আৰক্ষীৰ হাতত গ্ৰেপ্তাৰ হ’বলগীয়া হৈছে।
লগতে পঢ়ক ব্যক্তিগত হাস্পতালতে সুৰক্ষিত নহয় ৰোগী! দুদিনীয়া নৱজাতকক বখলিয়াই হত্যা কুকুৰৰ
ইংলেণ্ডৰ কেণ্টৰ বাসিন্দা নিকোলে ‘ক্ৰাউডছ’ৰ্চিং’ ৱেবছাইটত এটা ভুৱা একাউণ্ট খুলিছিল। তাত নিকোলে কয় যে তেওঁৰ ডিম্বাশয়ৰ কৰ্কট ৰোগ ধৰা পৰিছে আৰু চিকিৎসা স্পেইনত সম্পন্ন হ’ব আৰু তাৰ বাবে ধনৰ প্ৰয়োজন হৈছে।
শাৰীৰিকভাৱে অসুস্থ হোৱাৰ ভাও ধৰি মহিলাগৰাকীয়ে ‘গো ফাণ্ড মি’ নামৰ এটা ৱেবচাইটৰ পৰা সংগ্ৰহ কৰে ৪৩ লাখ টকা। তেওঁৰ চিকিৎসাৰ বাবে প্ৰায় ৬০০ লোকে তেওঁক আৰ্থিকভাৱে সহায় কৰিছিল। অৱশ্যে পিছলৈ গম পালে যে তেওঁ সেই টকা লৈ বিদেশত আমোদ প্ৰমোদত ব্যস্ত থকাৰ লগতে জুৱাহে খেলিছিল!
লগতে পঢ়ক দেশৰ আটাইতকৈ ওখ অট্টালিকাত অশ্লীল ভিডিঅ’ কৰি ভাইৰেল এহাল দম্পতী!
‘গ’ ফাণ্ড মি’ জৰিয়তে মহিলাগৰাকীৰ প্ৰৱঞ্চনা কৰাৰ অভিযোগ উত্থাপন হৈছে। মহিলাগৰাকীয়ে আদালতত জনোৱা মতে, তেওঁ ইতিমধ্যে তিনিটাকৈ অস্ত্ৰোপচাৰ কৰি কেমোথেৰাপি আৰম্ভ কৰিছে।
কিন্তু আৰক্ষীৰ তদন্তৰ অন্তত সকলো গোমৰ ফাক হৈ পৰে৷ আৰক্ষীয়ে প্ৰকাশ কৰা মতে শেহতীয়াকৈ স্পেইনৰ কোনো চিকিৎসালয়ত কৰ্কট ৰোগৰ চিকিৎসাৰ বাবে নিকোল এলকাবাছ নামৰ কোনো মহিলাক ভৰ্তি কৰা হোৱা নাই।
ইয়াৰ পিছতে প্ৰৱঞ্চনাৰ গোচৰত আদালতত দোষী সাব্যস্ত হৈছে নিকোলক। আদালতে তেওঁক ২ বছৰ ৯ মাহৰ কাৰাদণ্ডৰ শাস্তি প্ৰদান কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
