অচিনাকি এডি অ’ছ’কো হুয়াৰকায়া আৰু কেটালিনা একেখন বাছতে ঘৰলৈ উভতনি যাত্ৰা কৰিছিল। প্ৰথমে এগৰাকী মহিলা যাত্ৰীৰ কাষত বহিবলৈ দিয়া হৈছিল কেটালিনাক। কিছু দূৰত্ব যোৱাৰ পাছত মহিলাগৰাকী বাছৰ পৰা নামি যায়।
ইয়াৰ পিছতে এডি সেইখন আসনত বহে। অলপ পাছতে এডিৰ কান্ধত মূৰ থৈ কেটালিনা শুই পৰিল। সহযাত্ৰীগৰাকীৰ টোপনিত ব্যাঘাত জন্মাব নিবিচাৰি এডিয়ে গোটেই যাত্ৰাটোত এচুলিও লৰচৰ কৰা নাছিল। এডিৰ এই ব্যৱহাৰে কেটালিনাক আমোদ দিয়া লগতে আকৃষ্টও কৰে। এইদৰেই দুয়ো দুয়োৰে প্ৰেমত পৰিল।
অৱশ্যে প্ৰথম দিনাই কোনেও নিজৰ মনৰ কথা প্ৰকাশ কৰিব নোৱাৰিলে। টিকটকৰ তাৰকা এডিয়ে সামাজিক মাধ্যমত কয় যে কান্ধত মূৰ থৈ শুই যোৱাৰ পিছতো সেইদিনা কেটালিনাক একো কোৱা নাছিল।
লগতে পঢ়ক ৰবিশ কুমাৰক সাক্ষাৎ দিব প্ৰধানমন্ত্ৰী মোদীয়ে! ঘৰৰ বাহিৰত ৰৈ আছে অক্ষয় কুমাৰ!
পাছত এদিন বাছেৰে উভতি অহাৰ সময়ত তেওঁ পুনৰ কেটালিনাক লগ পাইছিল। এডিয়ে এইবাৰ পলম নকৰিলে। কেটালিনাৰ লগত পোনপটীয়াকৈ কথা পাতিবলৈ আৰম্ভ কৰিলে। ফোন নম্বৰো বিচাৰিলে। কেটালিনাইও নম্বৰ বিনিময় কৰিলে। এইদৰে কথা-বতৰাবোৰ পাছলৈ ৰোমাঞ্চলৈ পৰিণত হ’বলৈ বেছি সময় নালাগিল৷
এডিয়ে নিজেই টিকটকত তেওঁলোকৰ প্ৰেমৰ কাহিনী বিৱৰি এইদৰে কয়। এডিয়ে এই কাহিনীটো প্ৰকাশ কৰাৰ পাছতে সামাজিক মাধ্যমত এই চিনেমেটিক এই প্ৰেম কাহিনীয়ে ধুমুহাৰ সৃষ্টি কৰিছে।
প্ৰায় ২ কোটি লোকে AD-Catalina ৰ ভিডিঅ’টো চাইছে। আনন্দত আপ্লুত হৈ এডিয়ে ক’লে যে গোটেই কথাটো তেওঁৰ বাবে সপোনৰ দৰে। ইমান ধুনীয়া এগৰাকী প্ৰেমিকাক জীৱনৰ সংগী হিচাপে বিচাৰি পোৱাৰ বাবে নিজকে সৌভাগ্যৱান বুলিয়ে ভাবে এডিয়ে। এডিয়ে দাবী কৰে যে কেটালিনা হৈছে পৃথিৱীৰ আটাইতকৈ ধুনীয়া মহিলা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ