ভয়াৱহ অৰ্থনৈতিক সংকটৰ সন্মুখীন হৈছে শ্ৰীলংকা। পৰিস্থিত এনে এটা পৰ্যায় পাইছেগৈ যে সাধাৰণ মানুহেও পেট পূৰাই খাবলৈ খাদ্য নোপোৱা হৈছে।
কাপোৰৰ কাৰখানাত কৰ্মৰত অধিকাংশ মহিলাই চাকৰি হেৰুৱাইছে। জীৱিকা তথা উপাৰ্জনৰ বাবে তেওঁলোক যৌনকৰ্মী হ’বলৈ বাধ্য হৈছে। এই দাবী কৰিছে যৌনকৰ্মীৰ অধিকাৰৰ বাবে কাম কৰা গোট ষ্টেণ্ড আপ মুভমেণ্ট লংকা (SUML)এ৷
SUMLৰ মতে, এই ভয়াৱহ পৰিস্থিতিৰ ফলত সমগ্ৰ দেশৰ বহু ঠাইত অস্থায়ী বেশ্যালয়ৰ সৃষ্টি হৈছে। শ্ৰীলংকাত মহিলাসকলে জীৱিকা উপাৰ্জনৰ বাবে যৌনকৰ্মী হ’বলৈ বাধ্য হোৱাৰ বাবে যোৱা কেইমাহমানৰ পৰা ৩০ শতাংশ বৃদ্ধি পাইছে দেহ ব্যৱসায়।
লগতে পঢ়ক কি নাৰকীয় কাণ্ড! যৌনদাসীক ভাতৰ সৈতে খুৱালে নিজৰে এবছৰীয়া সন্তানৰ মাংস
ইয়াৰে কিছুমান প্ৰতিষ্ঠান স্পা আৰু ৱেলনেছ চেণ্টাৰ হিচাপে কাম কৰে। বহুতে মতে কেৱল এইটোৱেই একমাত্ৰ উপায় যাৰ দ্বাৰা তেওঁলোকৰ পৰিয়ালক দিনটোত তিনিবাৰকৈ আহাৰ যোগান ধৰিব পাৰে।
সংবাদ সংস্থা এ এন আই-এ এগৰাকী ২১ বছৰীয়া যুৱতীৰ উদ্ধৃতিৰে প্ৰকাশ কৰিছে যে কিদৰে তেওঁ যৌন কৰ্মী হ’বলৈ বাধ্য হৈছে৷ যুৱতীগৰাকীয়ে প্ৰকাশ কৰা মতে বস্ত্ৰ উদ্যোগৰ কৰ্মচাৰীৰ পৰা যৌনকৰ্মীলৈ পৰিণত হৈছে। যুৱতীগৰাকীয়ে ৭ মাহ পূৰ্বে চাকৰি হেৰুৱাইছিল। মাহৰ পিছত মাহ ধৰি হতাশাৰ অন্তত তাই বেশ্যাবৃত্তিত সোমাই পৰিল।
ইফালে এগৰাকী ৪২ বছৰীয়া মহিলাও পেটৰ দায়ত কেনেকৈ যৌনকৰ্মী হ’বলৈ বাধ্য হোৱাৰ কাহিনী প্ৰকাশ পাইছে। সাত বছৰীয়া সন্তানৰ মাতৃ, বিবাহ বিচ্ছেদ হোৱাত কন্যাৰ পঢ়া-শুনা আৰু ভাড়াৰ ব্যয় বহন কৰিব পৰাকৈ তেওঁৰ কোনো উপাৰ্জনৰ পথ নাইকিয়া হোৱাৰ পাছতে এই পথ ল’বলৈ বাধ্য হৈছিল। তেওঁ এ এন আইক জনায় যে অৰ্থনৈতিক সংকটৰ বাবে উপাৰ্জন অতি কম হৈ আহিছে আৰু সেই ধনেৰে তেওঁৰ পৰিয়ালৰ ঘৰুৱা প্ৰয়োজনৰ পূৰণ কৰিব নোৱাৰে।
লগতে পঢ়ক ৰেডিঅ’লজীৰ মাধ্যমেৰে যন্ত্ৰণাৰহিত চিকিৎসা কেনেকৈ কৰা হয়?
SUMLৰ কাৰ্যবাহী সঞ্চালিকা আশিলা ডাণ্ডেনিয়াই এ এন আইক জনোৱা মতে, অৰ্থনৈতিক সংকটৰ বাবে চাকৰিৰ পৰা বৰ্খাস্ত হোৱাৰ পিছত বস্ত্ৰ উদ্যোগত কৰ্মৰত মহিলাসকলে ‘যৌন কৰ্ম’ৰ আশ্ৰয় লৈছে।
তেওঁ কয় যে বৰ্তমানৰ সংকটৰ বাবে আমি দেখিবলৈ পাইছো যে বহু মহিলাই বেশ্যাবৃত্তি গ্ৰহণ কৰিছে। ইয়াৰে অধিকাংশই বস্ত্ৰ উদ্যোগৰ। কোভিডৰ পিছত বস্ত্ৰ উদ্যোগ ক্ষতিগ্ৰস্ত হৈ বহু চাকৰি হেৰুৱাৰ পিছত বৰ্তমান পৰিস্থিতিয়ে তেওঁলোকক যৌনকৰ্মী হ’বলৈ বাধ্য কৰাইছে। জীৱিকাৰ বাবে এই কাম কৰি আছে।
ষ্টেণ্ড-আপ মুভমেণ্ট লংকাৰ আশিলা দণ্ডনিয়াই কয় যে পূৰ্বে এই মহিলাসকলে সৰু সৰু কাম কৰিছিল, কিন্তু তেওঁলোকৰ সংখ্যাও হ্ৰাস পাইছে। গাঁৱলৈ উভতি যাব নোৱাৰে। খৰচ আকাশলংঘী হোৱাৰ লগে লগে তেওঁলোকে অধিক উপাৰ্জনৰ বাবে যৌন কৰ্মৰ আশ্ৰয় লৈছে।
লগতে পঢ়ক নাবালিকাক ধৰ্ষণ, প্ৰাক্তন মাদ্ৰাছা শিক্ষকসহ অন্য এজনক গ্ৰেপ্তাৰ আৰক্ষীৰ
আনকি কেতিয়াবা তেওঁলোকৰ অবাঞ্চিত গৰ্ভাধৰণো কৰিছে। SUML NGOৰ আশিলা দাণ্ডেনিয়াই কয় যে অৰ্থনৈতিক সংকটৰ মাজতে দৰিদ্ৰতা আৰু আৰ্থিক কষ্টৰ আশংকাই মহিলাসকলক বস্ত্ৰ উদ্যোগৰ পৰা যৌন-কৰ্মলৈ ঠেলি দিছে। তেওঁলোকৰ হাতত কোনো বিকল্প নাই। হয় তেওঁলোকৰ পৰিয়ালৰ কোনো উপাৰ্জনৰ উৎস নাই নহয় তেওঁলোকক তেওঁলোকৰ সংগীয়ে তেওঁলোকক ত্যাগ কৰিছে।
SUMLৰ কাৰ্যবাহী সঞ্চালকগৰাকীয়ে আৰু কয় যে বহু যৌনকৰ্মীয়ে নিজৰ সংগীৰ সৈতে থাকিবলৈ আৰম্ভ কৰিছিল যদিও সংকটৰ বাবে সংগীয়ে বহু যুৱতী/মহিলাক এতিয়া পৰিত্যাগ কৰিছে। আনকি বহুতেই গৰ্ভৱতী হৈ পৰিছে। বৰ্তমান আমাৰ দুগৰাকী যুৱতী আছে যি গৰ্ভৱতী আৰু আমি তেওঁলোকৰ যত্ন লোৱাটো প্ৰয়োজন আৰু আমি চৰকাৰৰ পৰাও কোনো সহায় লাভ কৰা নাই।
শ্ৰীলংকাৰ অভূতপূৰ্ব সংকটৰ পৰিপ্ৰেক্ষিতত ২ কোটি ২০ লাখ শ্ৰীলংকাৰ লোকে ব্যাপক কষ্ট আৰু দৰিদ্ৰতাৰ সম্ভাৱনাৰ সন্মুখীন হৈছে। দেশৰ সাম্প্ৰতিক পৰিস্থিতিয়ে কঢ়িয়াই অনা কষ্টে বহু পৰিয়ালৰ জীৱন প্ৰায় স্তব্ধ কৰি পেলাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
