অসম লাইভ২৪ঃ জোনমণিৰ মৃত্যু তদন্ত আৰম্ভ কৰিছে চিবিআইয়ে। বুধবাৰে চিবিআইৰ দল অসমলৈ ৰাওনা হৈছে জোনমণিৰ তদন্তৰ বাবে। চিবিআইয়ে এই কেছটো গ্ৰহণ কৰাকলৈ সুখী হৈ পৰিছে জোনমণিৰ মাতৃ। মাতৃয়ে এই বিষয়ে সংবাদ মাধ্যমৰ আগত কয়, ‘জোনমনিৰ কেছটো চিবিআইয়ে লোৱা বুলি শুনিছো। শুনি ভাল লাগিছে। আমি গম পোৱা নাই, আপোনালোকৰ মুখেৰেহে শুনিছো। ভালদৰে তদন্ত কৰক। দোষী বিচাৰি উলিয়াওক। দোষীক বিচাৰি ওলিয়াই শাস্তি দিলে ভালপাম। আৰু ১০ জনী থিয় কৰাই দিলেও জোনমনিৰ দৰে নাপাম। সেই অঞ্চলত জোন হৈ জোনমনি জ্বলি আছে। মই নকও ৰাইজে ক’ব। সাহসী ছোৱালী এজনী হেৰাই গ’ল। চিবিআইয়ে দোষীক বিচাৰি উলিয়াওক মই বহুত বহুত ধন্যবাদ দিম তেওঁলোকক।’
ইপিনে খুৰাকেও কয়, ‘আমাৰ জোনমনি হেৰাই যোৱা এমাহ হ’ল। আমি বিচাৰিছিলো ১৪ তাৰিখৰ ভিতৰতেই তদন্ত আৰম্ভ হওক। আৰম্ভ হৈছে তদন্ত ভালপাইছো। জোনমনিৰ কেছটোক লৈ তেওঁলোকে মাহীআইৰ দৃষ্টিৰে চাওক। অসমৰ ৰাইজে দেখিছেই। ৰাইজেই ক’ব গাড়ী আৰু মৃতদেহ দুটা মিল আছিলনে কিবা! জোনমণিৰ কেছটোৰ প্ৰত্যেকটো পদক্ষেপেই মাহীআইৰ দৃষ্টিৰেই লৈ আহিছে। চিবিআইৰ তদন্ত আৰম্ভ হৈছে ভালপাইছো, আমি পৰিয়ালে বিচাৰিছো এই তদন্ত সঠিক হওক। মৰাৰ পৰাই প্ৰতিটো পদক্ষেপ লেহেমীয়া হৈছে। গোটেইবোৰেই ৰহস্য হৈ গৈ আছে। অসমৰ ৰাইজ জাগ্ৰত নহ’লে এই কেছটো তল পেলাই থৈ দিলেহেতেন। একাংশই এই চেষ্টাই কৰি আছে। জোনমণিৰ তদন্ত হোৱাটো জৰুৰী। চিবিআই ভাৰতৰ এনে এটা সংস্থা তেওঁলোকে নোৱাৰা কাম একো নাই। চিবিআইয়ে বিচাৰি ওলিয়াব বুলি আমি আশাবাদী।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
