অসম লাইভ২৪ঃ এটি মাথো Hi..Hello ৰে আৰম্ভ হৈছিল আমাৰ বন্ধুত্ব..আৰু লাহে লাহে আমাৰ বন্ধুত্ব এটি প্রেমৰ কাহিনীলৈ ৰূপান্তৰ হল। দিনবোৰ পাৰ হৈ যোৱাৰ লগে লগে তুমি মোৰ জীৱনৰ বাবে এক উৎসাহ হৈ পৰিলা। আত্মবিশ্বাস শেষ হৈ যোৱা ছোৱালীজনীক আকৌ এবাৰ বিশ্বাস কৰিব শিকালা..নিজকে ভাল পাবলৈ শিকালা.. জীৱনৰ যুদ্ধবোৰৰ সৈতে যুজিবলৈ সাহস দিলা.. মোৰ সপোনবোৰক কেৱল মোৰ কৰি নাৰাখি তুমি নিজৰ কৰি সকলো সময়তে সহায় কৰি আহিছা.. আচলতে সচাঁ অন্তৰে কাৰোবাক ভাল পালে সকলো সময়তে ভাল পাওঁ বুলি কৈ থকাটো জৰুৰী নহয়। ইজনে সিজনক বুজি পোৱাটোহে আচল কথা।
জীৱনৰ বাটত একেলগে থকাৰ প্ৰতিশ্ৰুতি দিছিল দুয়ো দুয়োকে। কিন্তু নিষ্ঠুৰ নিয়তিয়ে ঠানবান কৰিছিল দুয়োৰে সেই সপোন। কাঢ়ি নিছিল নিহাৰৰ জীৱন। কিন্তু মৃত্যুতে জানো সকলো শেষ. পাৰ্থিব শৰীৰ নোহোৱা হলেও জানো মনৰ ভালপোৱা শেষ হৈ যোৱাটো সম্ভৱ। নিশ্চয়কৈ নহয় চাগে। সেয়ে নিহাৰৰ এখন ফটো বুকুত সাৱটি লৈ নিজৰ ভালপোৱাক জীয়াই ৰখাৰ প্ৰয়াস কৰিছে পম্পীয়ে। দৃশ্যটো বৰ অসহনীয়। হয়তো এনেদৰে এবুকু স্মৃতি লৈ জীয়াই থকাটোও নিশ্চয়কৈ কঠিন। কিন্তু এটা কথা। এই সকলো প্ৰেমত সম্ভৱ। প্ৰেম এনে এক শক্তি, যি সকলো সম্ভৱ কৰি তোলে। দুখৰ মাজতো হাঁহিবলৈ শিকায় প্ৰেমে। বিফলতাৰ পাছতো সফল হবলৈ অনুপ্ৰেৰণা যোগায় প্ৰেমে। কাষত নাথাকিও হয়তো জীয়াই থকাৰ সাহস দিয়ে এই প্ৰেমেই। সেই প্ৰেমেৰেই হয়তো আজি সাহসী পম্পী। কিয়নো সাহস অবিহনে এই প্ৰেম অসম্ভৱ।
সামাজিক মাধ্যমত বিগত ২৪ ঘণ্টাত খুবেই চৰ্চিত হৈ পৰিছে এই বিশেষ প’ষ্টটো।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
