অসম লাইভ২৪ঃ প্ৰত্যেক পিতৃ-মাতৃয়েই তেওঁলোকৰ সন্তানক সুন্দৰভাৱে গঢ়ি তুলিব বিচাৰে৷ জীৱনাদৰ্শন শিকোৱাৰ চেষ্টাও প্ৰত্যেক পিতৃ-মাতৃয়েই কৰে৷ কোনো কোনো সন্তান বেছ বাধ্য হয় যদি কিছুমান সন্তান আকৌ খুবেই অবাধ্য৷ কিছুমান শিশু বৰ জেদীও হয়৷ ইমানেই জেদী হয় যে কোনো কথাই মানি চলিব নোখোজে৷ পিতৃ-মাতৃয়ে বাধ্য হৈ প্ৰতিটো জেদ মানি ল’বলৈ বাধ্য হয়৷ কিন্তু সন্তান একোটা এনেকৈ জেদী হোৱাটো পিতৃ মাতৃৰ ভুলৰেই পৰিণাম নেকি? বিশেষজ্ঞই কি কয়? বিশেষজ্ঞই এই ক্ষেত্ৰত পেৰেণ্টিং মিছটেককেই অগ্ৰাধিকাৰ দিব খোজে৷ অৰ্থাৎ অভিভাৱকৰ ভুলৰ বাবেই একো একোটা শিশুৰ মাজত কিছু বদভ্যাস গঢ়ি উঠে৷ আপুনিও অজ্ঞাতেই এনে কিছু ভুল কৰি আছে নেকি? ভাল অভিভাৱক হ’বলৈ আজিৰে পৰাই আপুনিও ত্যাগ কৰক এইকেইটা বদভ্যাস৷
১) সন্তানৰ সকলো দাবী মানি লোৱা
এজন শিশুৰ ভিতৰত ভাল বেয়া সকলো বিচাৰৰ ক্ষমতা নাথাকে৷ কিন্তু এজন প্ৰাপ্তবয়স্ক হিচাপে আপোনাৰ এইকথা বিচাৰ কৰাৰ ক্ষমতা আছে৷ সেয়ে শিশু এটাই কৰা সকলোবোৰ দাবীয়েই আপুনি মানি নল’ব৷ শিশুটিয়ে যে ভুল বিষয় এটাত জেদ ৰাখিছে সেই কথা শিশুটিক বুজাই দিয়াটো আপোনাৰ দায়িত্ব৷ শিশুটিক এই বিষয়বস্তু বুজাই দিওঁতে খঙৰ সলনি মৰমেৰে বুজাবলৈ যত্ন কৰিব৷ আপুনি যদি সকলো আবদাৰ সকলো সময়তে মানি লয় তেন্তে শিশুটিৰ আব্দাৰ এটা সময়ত অধিক বাঢ়ি গৈ আপোনাৰ কোনো কথাই মানি ল’ব নোখোজা হ’ব৷ শিশুক সৰুৰে পৰাই নিজৰ সীমাবদ্ধতা বুজাওক৷
২)সকলোৰে সন্মুখত সমালোচনা নকৰিব
প্ৰত্যেক শিশুৰ মাজত আত্মসন্মানৰ জ্ঞান থাকে৷ বহু পিতৃ-মাতৃয়ে অৱশ্যে শিশুৰ আত্মসন্মানৰ কথাবোৰক আওকাণ কৰি চলে৷ বহু পিতৃ-মাতৃয়ে সন্তানক সকলোৰে সন্মুখত সমালোচনা কৰিবলৈ আৰম্ভ কৰে৷ অন্যৰ সন্তানৰ সৈতে তুলনা কৰে৷ এইদৰে সমালোচনা কৰিলে শিশু মনৰ আত্মসন্মানত আঘাত লগাৰ ফলত শিশুটি জেদী হৈ উঠে৷ আপোনাৰ ভুলতেই সন্তানৰ মনত বিৰূপ প্ৰভাৱ পৰিবলৈ আৰম্ভ কৰে৷ ফলত সন্তানটো জেদী হৈ উঠে৷ আপোনাৰ প্ৰতি মনে মনে ক্ষোভ কঢ়িয়াবলৈ ধৰে৷ যদি আপোনাৰো সেই অভ্যাস আছে তেন্তে আজিয়েই সেই অভ্যাস ত্যাগ কৰক৷ সচেতন হওক৷ সন্তানক সকলোৰে সন্মুখত সমালোচনা কৰাৰ অভ্যাস ত্যাগ কৰক৷
৩)প্ৰশংসা বা উৎসাহ খুবেই জৰুৰী
আপোনাৰ সন্তানে কেতিয়াবা কেতিয়াবা প্ৰশংসা শুনিব বিচাৰে৷ প্ৰশংসাই শিশুৰ মনোবল বঢ়ায়৷ সেয়ে শিশুৰ প্ৰশংসা কৰিবলৈ ভুলতো নাপাহৰিব৷ প্রশংসা কৰিলে শিশুৰ উৎসাহ বাঢ়িব৷ শিশুৱে কোনো ভাল কাম কৰিলে প্রশংসা কৰক৷
৪)এইকেইটা কাম শিশুক শিকাবই
বিশেষজ্ঞই জনোৱা অনুসৰি অধিকাংশ শিশুয়েই সৌজন্যতা প্ৰকাশ কৰিব নাজানে৷ এই অভ্যাস বহু ডাঙৰলৈ শিশুক যদি শিকোৱা নহয় পাছলৈ সমস্যাৰ সৃষ্টি হয়৷ পৰবৰ্তী সময়ত ভিন্ন সমস্যাৰ সন্মুখীন হ’ব পাৰে৷ আজিৰে পৰাই শিশুক সৌজন্যতা প্ৰকাশ কৰিবলৈ শিকাওক৷ কোনোৱে কিবা উপহাৰ দিলে বিপৰীতে ধন্যবাদ দিবলৈ শিকাওক৷ কাৰোবাক হঠাতে আঘাত দিলে ছৰী ক’বলৈ অথৱা ভুল স্বীকাৰ কৰিবলৈ শিকাওক৷
৫)কথাৰে কাম নহ’লে…
আপোনাৰ শিশুক প্ৰকৃত মানুহ হিচাপে গঢ়ি তুলিবলৈ বাৰে বাৰে কাম কৰিবলৈ নিৰ্দেশ দি নাথাকিব৷ আপুনি দিয়া নিৰ্দেশ সি কেনেকৈ পালন কৰিছে সেই বিষয়টোতো নজৰ ৰাখিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
