ৰাছিয়াৰ ৰাষ্ট্ৰপতি ভ্লাদিমিৰ পুটিন ‘গুৰুতৰভাৱে অসুস্থ’৷ দূৰাৰোগ্য ৰোগত আক্ৰান্ত হোৱাৰ বাবেই নিজৰ কাৰ্যকালতে ৰাষ্ট্ৰপতি পুটিনে ইউক্ৰেইন আক্ৰমণ কৰা বুলি দাবী কৰিছে এগৰাকী প্ৰাক্তন ব্ৰিটিছ চোৰাংচোৱাই। ৰাষ্ট্ৰপতি পুটিন দূৰাৰোগ্য কৰ্কট ৰোগত আক্ৰান্ত বুলিও প্ৰকাশ পাইছে৷
প্ৰাক্তন ব্ৰিটিছ চোৰাংচোৱা ক্রিষ্টোফাৰ ষ্টিলে স্কাই নিউজক কয় যে, “নিশ্চিতভাৱে, আমি ৰাছিয়া আৰু অন্যান্য ঠাইৰ সূত্রৰ পৰা যি শুনিছো যে পুটিন গুৰুতৰভাৱে অসুস্থ।’’
ইফালে, ৰাছিয়াৰ নেতাগৰাকীৰ এজন ঘনিষ্ঠ লোকে সংবাদ সংস্থাক সদৰী কৰা মতে “পুটিন তেজৰ কৰ্কট ৰোগত আক্ৰান্ত হৈ গুৰুতৰভাৱে অসুস্থ হৈ আছে৷”
লগতে পঢ়ক লকডাউনৰ মাজতো উত্তৰ কোৰিয়াত ক’ৰনাৰ গণ সংক্ৰমণ
আমেৰিকাৰ এখন আলোচনী নিউ লাইন-এ লাভ কৰা এটা ৰেকৰ্ডিঙত নাম প্ৰকাশ কৰিবলৈ অনিচ্ছুক পুটিনৰ একালৰ ঘণিষ্ঠ উক্ত লোকজনে কয় যে পশ্চিমীয়া এজন কেঞ্চাৰ বিশেষজ্ঞৰ সৈতে পুটিনৰ স্বাস্থ্যৰ বিষয়ে আলোচনা কৰা শুনা গৈছে।
উল্লেখ্য যে যোৱা সপ্তাহত বিজয় দিৱস উদযাপনকে ধৰি অন্যান্য ৰাজহুৱা অনুষ্ঠানত ৰুছ ৰাষ্ট্ৰপতি পুটিনক শাৰীৰিকভাৱে যথেষ্ট দুৰ্বল যেন দেখা পোৱাৰ পিছতে ইউক্ৰেইন আক্ৰমণ আৰম্ভণিৰ সময়ৰে পৰা ৰাছিয়াৰ ৰাষ্ট্ৰপতিগৰাকীৰ স্বাস্থ্যক কেন্দ্ৰ কৰি চলা জল্পনা-কল্পনা অধিক ৰহস্যময় হৈ পৰিছে।
ছ’চিয়েল মিডিয়াত শ্বেয়াৰ কৰা ফটো আৰু ভিডিঅ’সমূহত পুটিনে দ্বিতীয় বিশ্বযুদ্ধৰ প্ৰবীণ সৈনিক আৰু জ্যেষ্ঠ বিশিষ্ট ব্যক্তিসকলৰ মাজত বহি মস্কোৰ ৰেড স্কোৱাৰৰ সামৰিক পেৰেড চাই থকাৰ সময়ত ভৰিৰ ওপৰত ডাঠ সেউজীয়া আৱৰণ এখন ঢাকি ৰাখিছিল।
লগতে পঢ়ক ভয়াতুৰ আমেৰিকাই এইবাৰ পিছ লৈছে ভাৰতৰ
স্বতন্ত্ৰ সংবাদ সংস্থাৰ বাতৰি অনুসৰি, ক’লা বোমাৰু জেকেট পিন্ধা পুটিনক কাঁহি থকা দেখা গৈছিল আৰু গোটৰ ভিতৰত তেওঁ একমাত্ৰ ব্যক্তি যিয়ে তুলনামূলকভাৱে ৯ ডিগ্ৰী চেলছিয়াছত আনতকৈ অধিক গৰম কাপোৰ পিন্ধি থকা দেখা গৈছিল৷
ৰাছিয়াৰ অলিগাৰ্কগৰাকীয়ে ৰেকৰ্ডিঙত কৈছে যে ইউক্ৰেইন আক্ৰমণৰ নিৰ্দেশ দিয়াৰ কিছু সময়ৰ পূৰ্বে পুটিনে তেওঁৰ তেজৰ কৰ্কট ৰোগৰ সৈতে জড়িত এটা পিঠিৰ অস্ত্ৰোপচাৰ সম্পন্ন কৰিছিল। তেওঁ লগতে কয় যে ৰাষ্ট্ৰপতিগৰাকী প্ৰায় ‘উন্মাদ’ হৈ পৰিছে।
শেহতীয়াকৈ পুটিন আৰু ৰাছিয়াৰ প্ৰতিৰক্ষা মন্ত্ৰী ছাৰ্গেই শ্বোইগুৰ মাজত হোৱা এক ভিডিঅ’ মিটিঙত পুটিনক টেবুলত জোৰেৰে খামুচি ধৰি থকাও দেখা গৈছে৷
লগতে পঢ়ক আধাৰৰ কাৰ্ডেৰে ভোটাৰ আইডিৰ সংযোগ; বাধ্যতামূলক হ’ব নে নহয়?
তেওঁ লগতে কয়, ‘‘আমি সকলোৱে আশা কৰো যে মিষ্টাৰ পুটিনৰ মৃত্যু হ’ব। তেওঁ ৰাছিয়াৰ অৰ্থনীতি, ইউক্ৰেইনৰ অৰ্থনীতি আৰু আন বহু দেশৰ অৰ্থনীতি একেবাৰে ধ্বংস কৰি পেলালে৷’’
ইফালে, ইউক্ৰেইনৰ এজন শীৰ্ষ সামৰিক বিষয়াইও দাবী কৰিছে যে ক্ৰেমলিনৰ নেতাগৰাকীৰ কৰ্কট ৰোগৰ লগতে আৰু অন্যান্য ৰোগত ভুগি আছে। তেওঁ স্কাই নিউজক জনোৱা মতে, পুটিনৰ মানসিক আৰু শাৰীৰিক অৱস্থা অতি বেয়া আৰু তেওঁ অতি অসুস্থ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
