সৰু পৰ্দাৰ অভিনেত্ৰীসকলৰ ভিতৰত হিনা খানৰ সাজ-পোছাকৰ অনুশীলন অব্যাহত আছে। ইনষ্টাগ্ৰামত তেওঁৰ অনুৰাগীৰ সংখ্যা যিকোনো বলীউডৰ নায়িকাতকৈ কম নহয়।
হিনাই কি পিন্ধিছে, কেনেকৈ চুলি কাটিছে, কি কাপোৰ পিন্ধিছে, কি গহনা পিন্ধিছে, কি জোতা পিন্ধিছে — এই সকলোবোৰ সবিশেষ তাই মাজে মাজে ইনষ্টাগ্ৰামৰ জৰিয়তে নিজৰ অনুৰাগীসকলক অৱগত কৰে। হিনা এতিয়া অনুৰাগীসকলৰ বাবে ‘ষ্টাইল আইকন’।
শেহতীয়াকৈ হিনাৰ এই সাজ-পোছাকে পুনৰ অনুৰাগীৰ চকু কপালত তুলিলে। ব্ৰিটেইনৰ এছিয়ান ফিল্ম ফেষ্টিভেল ২০২২ৰ সামৰণি অনুষ্ঠানত হিনাই পিন্ধিছিল হাতীদাঁতৰ অফ-শ্বোল্ডাৰ কৰ্চেট আৰু স্কাৰ্ট।
লগতে পঢ়ক ভাৰতৰ কাষত থিয় দিলে চিৰবৈৰী চীনে! কিন্তু কিয় ভাৰতক সমৰ্থন চীনৰ?
ভাৰতীয় পোছাক ডিজাইনাৰ তৰুণ তাহিলিয়ানীয়ে ডিজাইন কৰা ড্ৰেছত হিনাৰ চিকচিকিয়া ৰূপটো অনুৰাগীসকলে লক্ষ্য কৰিছে। সেই সাজ-পোছাক পিন্ধি লণ্ডনৰ ৰাজপথত একাধিক ফটোশ্বুট কৰিছে হিনাই। তেওঁ নিজৰ ইনষ্টাগ্ৰাম পেজত নিজৰ সাজ-পোছাকৰ এখন ফটো শ্বেয়াৰ কৰে, যিখন ফটো বৰ্তমান ইন্টাৰনেটত ভাইৰেল হৈ পৰিছে।
বুকুৰ ওপৰৰ অংশ মুকলি অফ-শ্বোল্ডাৰ কৰ্চেট, মেচিং ফুল স্লীভ জেকেট, গ্ৰীণ ষ্টোন পেণ্ডেণ্ট আৰু মেছি পনিটেইল পিন্ধি আছে হিনাই। এই সাজ-পোছাকত তেওঁক দেখি তেওঁৰ অনুৰাগীসকলো মুগ্ধ হৈ পৰে আৰু প্ৰশংসাৰে ভৰাই দিলে প্ৰিয় অভিনেত্ৰীগৰাকীক।
ব্ৰিটেইনৰ এছিয়ান চলচ্চিত্ৰ মহোৎসৱ ২০২২ত লাইনছ ছবিৰ বাবে তেওঁক চলিত বছৰৰ ট্ৰেইলব্লেজাৰ বঁটাৰে সন্মানিত কৰা হয়। এই সন্মান লাভ কৰি তেওঁ আনন্দত আত্মহাৰা হৈ পৰিছিল। সেই সুখৰ খবৰটোও তেওঁ ইনষ্টাগ্ৰামত অনুৰাগীসকলৰ সৈতে শ্বেয়াৰ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
