ৰাজ্যৰ চৌপাশে বানপানীৰ ৰূদ্ৰ মূৰ্তি৷ কি বৰাক উপত্যকা কি ব্ৰহ্মপুত্ৰ উপত্যকা! কি মধ্য-নামনি অথবা কি উত্তৰ দক্ষিণ অসম! উজনিৰ দুখনমান জিলাৰ বাহিৰে ৰাজ্যৰ প্ৰতিটো প্ৰান্ততেই বানে কালৰূপ ধাৰণ কৰিছে৷
বিগত সময়তকৈ চলিত বৰ্ষৰ বানে অসমত অধিক ভয়াৱহ ৰূপ ধাৰণ কৰা দেখা গৈছে৷ এতিয়ালৈকে বানে ১২২ গৰাকী লোকৰ প্ৰাণ কাঢ়ি নিছে৷ এতিয়াও প্ৰায় ২২ লক্ষাধিক লোক বানৰ কৱল ত্ৰাহি মধুসূধন দেখি আছে৷ ঘৰ-দুৱাৰ, খেতিৰ মাটি বুৰাই পেলাইছে। বানে চৰকাৰী অফিচ-কাছাৰী, থানা-চিকিৎসালয়কো বুৰাই পেলাইছে৷
লগতে পঢ়ক বিশ্বৰ সৰ্বাধিক প্ৰজননক্ষম মহিলা! ৪৩ বছৰত ৪৪ টা সন্তানৰ মাতৃ! কোন তেওঁ? কেনেকৈ সম্ভৱ?
বানৰ এই ভয়ংকৰ পৰিস্থিতিৰ মাজতে অন্য এক কৰুণ ছবিও দেখা গৈছে। তাণ্ডৱ দেখুওৱাই বানে চিকিৎসালয়, গাড়ী-মটৰো উটুৱাই লৈ গৈছে৷ এনে এক অসহায় অৱস্থাতে ৰাস্তাৰ এক ওখ ঠাইত মুকলি আকাশৰ তলত এগৰাকী কেঞ্চাৰ ৰোগীৰ চিকিৎসা চলি আছে৷ কেন্সাৰ ৰোগীক মুকলি আকাশৰ তলতে ৰাস্তাৰ ওখ ঠাইত এখন চকীত বহুৱাই কেমোথেৰাপি দি থকা হৈছে!
ইতিমধ্যে এই কৰুণ ছবিখন সামাজিক মাধ্যমত ভাইৰেল হৈ পৰিছে৷ ফ’টোখন শিলচৰৰ বুলি জানিব পৰা গৈছে৷ উল্লেখ্য চলিত বানে বৰাক উপত্যকাৰ শিলচৰ জিলাক সৰ্বাধিক ক্ষতিগ্ৰস্ত কৰিছে৷
শিলচৰৰ সমীপৰ কৰ্কট চিকিৎসালয়খনৰ লগতে সমীপৰ সকলো ঘৰ দুৱাৰ সম্পূৰ্ণৰূপে বানত ডুব গৈছে। সেয়ে উপায়ন্তৰ হৈ চিকিৎসাকৰ্মীয়ে কেঞ্চাৰ ৰোগীগৰাকীক মুকলি আকাশৰ তলতে চকীত বহুৱাই চিকিৎসা কৰিবলৈ বাধ্য হৈ পৰিছে।
লগতে পঢ়ক ঘৰুৱা উপায়েৰে ডায়েবেটিছ ৰোগীয়ে কেনেকৈ ব্লাড চুগাৰ কেনেকৈ নিয়ন্ত্ৰণ হ্ৰাস কৰিব?
সংবাদ মাধ্যমৰ খবৰ অনুসৰি বিগত কিছুদিন ধৰি ১৫০খন বিছনাযুক্ত কাছাৰ কৰ্কট চিকিৎসালয় আৰু গৱেষণা কেন্দ্ৰ বানপানীত ডুব গৈ আছে। পৰিস্থিতি এনেকুৱা হৈছে যে চিকিৎসালয় কৰ্তৃপক্ষই ৰোগী আৰু চিকিৎসালয়ৰ কৰ্মচাৰীয়েও লাইফ জেকেট পিন্ধাবলগীয়া হৈছে।
এজন চিকিৎসকে কয় যে তেওঁলোকে ৰাস্তাতে কেমোথেৰাপিকে ধৰি প্ৰয়োজনীয় চিকিৎসা পৰীক্ষা আৰু চিকিৎসা কৰি আছে। অৰ্থাৎ তেওঁলোকে পানী কম হোৱা ওখ ঠাইত ৰোগীৰ চিকিৎসা কৰিবলৈ বাধ্য হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
