কাৰ্বি আংলং জিলাৰ ভিতৰুৱা অঞ্চলৰ এখন জনজাতীয় কাৰ্বি গাঁও। গাঁওখনৰ নাম হৈছে ৰেণছিং ৰংপি গাঁও। এই গাঁওখনৰে এজন উচ্চ শিক্ষা গ্ৰহণ কৰি থকা অৰ্থাৎ স্নাতক মহলাৰ চতুৰ্থ ছেমত পঢ়ি থকা ছাত্ৰ তথা শিক্ষিত নিবনুৱা যুৱক অঞ্চলটোত চৰ্চা লাভ কৰিছে। এই উচ্চ শিক্ষিত নিবনুৱা জনজাতীয় যুৱকজনৰ নাম হৈছে আংতং হাঞ্চে।
এই আংতং হাঞ্চে এতিয়া বহু যুৱকৰ বাবে আদৰ্শ বৈ পৰিছে৷ নিজৰ শিক্ষা জীৱন অব্যাহত ৰখাৰ সমান্তৰালভাৱে জীৱনত চাকৰি লাভ কৰিবলৈ সক্ষম নহ’লেও হতাশ নহৈ নিজৰ পঢ়া খৰচ উলিওৱাৰ লগতে ঘৰখনক আৰ্থিক সকাহ দিয়াৰ উদ্দেশ্যৰে লৈছে এক বিশেষ পদক্ষেপ৷
লগতে পঢ়ক ভৰি নাই, ভৰিৰ সলনি জন্তু শিঙৰ দৰে আকৃতি লৈ জন্ম শিশুৰ, হতভম্ব চিকিৎসকসহ মাতৃ
চুলি কটা নাপিতৰ দোকান খুলি আনৰ বাবে আজি সমাজত আদৰ্শ হৈ পৰিছে জনজাতীয় কাৰ্বি যুৱক আংতং হাঞ্চে। শিক্ষিত নিবনুৱা যুৱক আংতং হাঞ্চেৰ নতুনকৈ খোলা চুলি কটা দোকানখন আজি পুৱা ১১ বজাত শুভ উদ্বোধন কৰে হাওৰাঘাট উন্নয়ন খণ্ডৰ প্ৰাক্তন খণ্ড উন্নয়ন বিষয়া তথা আমৰি উন্নয়ন খণ্ডৰ এ ডি অ’ বিশ্বজিৎ ৰংপিয়ে।
উদ্বোধনী ভাষণত ৰংপিয়ে কয় যে সাধাৰণতে আমি সকলোৱে জানো যে বেংগলী আৰু বিহাৰী লোকসকলেহে চুলি কটা নাপিতৰ কাম কৰে। কিন্তু স্থানীয় লোকসকলে এই কামটো নকৰে। তেওঁলোকে ভাৱে যে চাকৰিহে এটা টকা উপাৰ্জনৰ পথ। সেইবাবে আমি দেখুওৱাব বিচাৰিছো যে চুলি কটা নাপিতৰ কাম কৰিও আমি টকা উপাৰ্জনৰ পথ বাচি ল’ব পাৰোঁ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
