ৰক্ষকেই ভক্ষক, কাক কৰিব বিশ্বাস? বৃদ্ধ চিকিৎসকৰ লালসাৰ চিকাৰ ১ৰ পৰা ৭০ বছৰীয়া ৰোগী, নিপীড়িত ২৯৯গৰাকী! কেনেকৈ চলাই গৈছিল কু-কৰ্ম, সবিশেষ

এগৰাকী ৰোগীৰ কথা ৰয়টাৰ্ছৰ প্ৰতিবেদনত উল্লেখ কৰা হৈছে৷ ২০০৭ চনত মেথিছ ভিনেটৰ বয়স যেতিয়া ১০ বছৰ, তেতিয়াই এবাৰ তেওঁৰ প্ৰচণ্ড পেটৰ বিষ গৈছিল৷ তেতিয়াই পিতৃয়ে তেওঁক কুইম্পেৰেল হাস্পতাললৈ লৈ যায়৷ নিশা ভৰ্তি কৰোৱা হয় হাস্পতালত৷ সেই সময়ত তাতেই আছিল জোৱেল৷ তাতেই জোৱেলে কৰি পেলাই কুকৰ্ম৷ আদালতৰ নথি অনুসৰি স্কুয়াৰ্নেকে তেওঁৰ ডায়েৰিত দিনৰ পাছত দিন ধৰি কেনেকৈ একোগৰাকী শিশুক যৌন নিৰ্যাতন কৰিছিল সেই কথাও লিপিবদ্ধ কৰিছে৷ প্ৰতিবাৰেই ৰোগীৰ যৌনাংগ অনুপযুক্তভাৱে স্পৰ্শ কৰিছিল চিকিৎসক জোৱেলে৷ এই কথা নিজেই জনাইছে জোৱেলে৷

ৰোলেণ্ড ভিনেটে জনাইছে যে হাস্পতালৰ পৰা ওভতাৰ পাছত মেথিছ আৰু পূৰ্বৰ দৰে নাছিল৷ পৰবৰ্তী জীৱনত মাদকাসক্তিত ডুবিছিল ভিনেট৷ আৰক্ষীৰ ওচৰত দিয়া তথ্যত তেওঁ নিৰ্যাতনৰ সকলো তথ্যই স্পষ্টভাৱে জনাইছিল৷ সংবাদসংস্থা এ এফ পিয়ে জনাইছে যে ২৪ ফেব্ৰুৱাৰীত এক আদালতত জোৱেলৰ বিচাৰ আৰম্ভ হৈছে৷ জোৱেলৰ বিৰুদ্ধে সাক্ষীসকলৰ সাক্ষ্য গ্ৰহণ কৰা হ’ব বন্ধ দুৱাৰৰ ভিতৰত৷ যিসকলে সাক্ষ্য দিব তাৰ বেছিভাগেই শিশু বয়সত জোৱেলৰ নিপীড়নৰ চিকাৰ হৈছে৷ যদি জোৱেল দোষী সাব্যস্ত হয় তেন্তে কাৰাদণ্ডৰ ম্যাদ সৰ্বোচ্চ ২০ বছৰ হ’ব পাৰে৷