অসম লাইভ ২৪ঃ ক’ৰোনা সংক্ৰমণে ৰাজ্যবাসীক ত্ৰাসিত কৰি থকাৰ সময়তে ভাল খবৰ এয়ে যে ৰাজ্যত বৃদ্ধি পাইছে আৰোগ্যৰ সংখ্যা। ৰাজ্যত ক’ৰোনা ৰোগীৰ আৰোগ্যৰ হাৰ ৬১.২৯ শতাংশ। আনহাতে, মৃত্যুৰ হাৰ মাত্ৰ .১৩ শতাংশ। তদুপৰি ১৩ দিনৰ পাছতহে আক্ৰান্তৰ সংখ্যা দুগুণ হৈছে। আনহাতে, ক’ভিড-১৯ৰ পৰীক্ষণত দেশৰ ভিতৰতে ৪ৰ্থ স্থানত আছে অসম। নিটি আয়োগৰ CEO অমিতাভ কান্তে টুইটযোগে অৱগত কৰিছে এই কথা। স্বাস্থ্যমন্ত্ৰী হিমন্ত বিশ্ব শৰ্মাই এক সংবাদমেলযোগে অৱগত কৰিছে এই কথা। তদুপৰি যোৱা ২৪ ঘণ্টাত ৰাজ্যৰ কেইবাখনো জিলাত আক্ৰান্তৰ সংখ্যা হ্ৰাস পোৱা বুলিও মন্ত্ৰীগৰাকীয়ে কয়। কিন্তু গুৱাহাটীৰ অৱস্থা এতিয়াও সন্তোষজনক নহয়। দেওবাৰে পুৱাৰে পৰা বিয়লিলৈ ১২৫ গৰাকী ক’ৰোনা ৰোগী চিনাক্ত হয় গুৱাহাটীতে। গুৱাহাটীৰ দোকান-পোহাৰ খোলা সন্দৰ্ভত মন্ত্ৰীগৰাকীয়ে কয়- সোমবাৰৰ পৰা ৫ দিন গেলামালৰ দোকান খুলিব পাৰিব। পুৱা ৯.৩০ বজাৰ পৰা ৪ বজালৈ দোকান খুলিব পাৰিব। চিকিৎসক-চিকিৎসাকৰ্মীক উচ্চ প্ৰশংসা কৰি মন্ত্ৰীগৰাকীয়ে আৰোগ্য নিধিৰ পুঁজিত এতিয়াও হাত লগোৱা নাই বুলি কয়। হোম কোৱাৰেণ্টীন সন্দৰ্ভত মন্ত্ৰীগৰাকীয়ে কয়, অসমত এয়া সম্ভৱ নহয়। যিহেতু, একেটা শৌচাগাৰ-স্নানাগাৰ ব্যৱহাৰ কৰে এখন ঘৰৰ লোকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
