‘তুমি ধুনীয়া তুমি হট, বাকীখিনি ক’ব নোৱাৰো…’ ৰাজস্থান ৰয়েলছৰ ক্ৰিকেটাৰে কৰা মেছেজক লৈ বিস্ফোৰণ এইগৰাকী অভিনেত্ৰীৰ, কোন অভিনেত্ৰীয়ে কোন ক্ৰিকেটাৰৰ বিৰুদ্ধে আনিছে এই অভিযোগ?

শেষ হ’ল ২০২৬ৰ আইপিএল৷ চেম্পিয়নৰ খিতাপ দ্বিতীয়বাৰৰ বাবে RCBৰ হাতলৈ৷ ফাইনেলৰ কাষ চাপিও ফাইনেল খেলিব নোৱাৰিলে ঘৰুৱা দল ৰাজস্থান ৰয়েলছে৷ কিন্তু সেই দলৰ প্লেয়াৰ বৈভৱ সূৰ্যবংশীয়ে দেশবাসীৰ মন কাঢ়িলে৷ শেহতীয়াকৈ কিন্তু ৰাজস্থান ৰয়েলছৰ আন ক্ৰিকেটাৰৰ কাহিনীহে চৰ্চালৈ আহিছে৷ ৰাজস্থান ৰয়েলছৰ প্লেয়াৰক লৈ বিস্ফোৰক অভিযোগ তাৰক মেহতা কা ওলটা চছমা খ্যাত অভিনেত্ৰী নেহাল ভাদোলিয়াৰ৷ নেহাললৈ ৰাজস্থান ৰয়েলছৰ এজন প্লেয়ালে উত্তেজক মেছেজ কৰাৰ অভিযোগ আনিছে৷ কোন সেই ক্ৰিকেটাৰ?

তাৰক মেহতাত অভিনয় কৰিলেও নেহাল মূলত সাহসী দৃশ্যত অভিনয়ৰ বাবেই পৰিচিত৷ প্ৰাপ্তবয়স্কসকলৰ বাবে নিৰ্মিত ৱেব চিৰিজত তেওঁ অভিনয় কৰে৷ ছচিয়েল মিডিয়াত নিয়মিত খোলামেলা ছবি আপলোডো কৰে৷ সম্প্ৰতি এক পডকাষ্টত তেওঁ সোধা হৈছিল, ‘আজিলৈকে আপুনি কোনো ক্ৰিকেটাৰৰ মেছেজ পাইছে নেকি?’

উত্তৰত নেহালে কয়, ‘নাম কওঁ জানো? নকওঁ তেওঁ ৰাজস্থান ৰয়েলছৰ প্লেয়াৰ৷ তেওঁৰ ডিভোৰ্ছো হৈছে৷’ কেনেকুৱা মেছেজ কৰে সেই ক্ৰিকেটাৰে সেই প্ৰশ্নও নেহালক কৰা হৈছিল৷ তেতিয়া তেওঁ কয়, ‘ক্ৰমাগত হট, সুন্দৰ, ধুনীয়া আদি লিখি মেছেজ কৰে৷ ইয়াৰ সৈতে অৱশ্যে অন্যধৰণৰ মেছেজো কৰে৷ সেয়া নকওঁ৷’

এতিয়াও সেই ক্ৰিকেটাৰৰ মেছেজ পাই নেকি বুলি সোধাত তেওঁ জনাই যে তেওঁ সেই ক্ৰিকেটাৰক ব্লক কৰি দিছে৷ ব্লক খুলি যদি নেহালে মেছেজ কৰে তেন্তে তেওঁ পুনৰ মেছেজ কৰিবলৈ আৰম্ভ কৰিব বুলিও দাবী কৰে নেহালে৷ লাস্যময়ী অভিনেত্ৰীগৰাকীয়ে কয় যে ছচিয়েল মিডিয়াক ষ্টৰীতো তেওঁৰ ৰূপৰ প্ৰশংসা কৰিছে সেই ক্ৰিকেটাৰে৷ এই ইণ্টাৰভিউ’ ভাইৰেল হোৱাৰ পাছতেই সকলোৰে মনত এটাই প্ৰশ্ন কোন এই ক্ৰিকেটাৰ?

বহুতৰে অনুমান যে সেই ক্ৰিকেটাৰ যুজবেন্দ্ৰ চাহালেই হ’ব পাৰে৷ কাৰণ এই দলত তেওঁৰহে বিবাহ বিচ্ছেদ হৈছে৷ ২০২৪ চন পৰ্যন্ত ৰাজস্থান ৰয়েলছৰ হৈ খেলিছিল৷ নেহালে কেতিয়া মেছেজ কৰিছিল সেই সময় যিহেতু ইণ্টাৰভিউত জনোৱা নাই৷ ইয়াৰোপৰি পূৰ্বে অন্য লাস্যময়ী অভিনেত্ৰীয়েও চাহালৰ নামত তেনে অভিযোগ অনাৰ ৰেকৰ্ডো আছে৷ সেয়ে তেওঁক সন্দেহ কৰিছে একাংশ নেটিজেনে৷ অৱশ্যে একাংশই আকৌ কৈছে যে তুষাৰ দেশপাণ্ডে বা চিমৰণ হেটমায়াৰো হ’ব পাৰে৷

উল্লেখ কৰা প্ৰয়োজন যে ইনষ্টাগ্ৰামত প্ৰায় ৭লাখ ফলৱাৰ আছে নেহালৰ৷ খোলামেলা পোছাকত ফটো, ভিডিঅ’ দিয়াৰ বাবেই তেওঁ বেছ জনপ্ৰিয়৷ ২০২০ চনৰ তাৰক মেহতা কা ওলটা চছমাত ববিতাৰ বন্ধুৰ চৰিত্ৰত তেওঁ অভিনয় কৰিছিল৷ বিভিন্ন প্ৰাপ্তবয়স্কৰ বাবে নিৰ্মিত চিনেমাতো তেওঁ অভিনয় কৰিছে৷ গন্ধি বাত, মাস্তৰাম বা ব্লাড মানিৰ দৰে চিনেমাতো তেওঁ অভিনয় কৰিছে৷ বহুতেই নেহালৰ দাবীক লৈ প্ৰশ্ন তুলিছে৷ নেটিজেনৰ একাংশৰ দাবী, জনপ্ৰিয়তা পোৱাৰ বাবে ক্ৰিকেটাৰৰ নাম লৈ নিজৰ প্ৰচাৰ চলাইছে বুলিও বহুতে দাবী কৰিছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ