যন্তৰ মন্তৰত চলি থকা প্ৰতিবাদৰ মাজতে কক্ৰোচ জনতা পাৰ্টিৰ প্ৰতিষ্ঠাপক অভিজীত দীপকে সন্দৰ্ভত এক বৃহৎ খবৰ আহিছে। তেওঁ টাইফয়েডত আক্ৰান্ত হৈছে। দীপকেই নিজৰ এক্স-একাউণ্টত এটা ভিডিঅ’ৰ জৰিয়তে এই তথ্য শ্বেয়াৰ কৰিছে যত তেওঁ- অসুস্থতাই প্ৰতিবাদত কোনো প্ৰভাৱ পেলাব নোৱাৰে আৰু প্ৰতিবাদ অব্যাহত থাকিব বুলিও উল্লেখ কৰে। এটা ভিডিঅ বাৰ্তাৰ জৰিয়তে অভিজিতে কয়– মই চিকিৎসাধীন হৈ আছোঁ, মই টাইফয়েডত আক্ৰান্ত হৈছো, কিন্তু এই অৱস্থাই কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীত চলি থকা আন্দোলনক লেহেমীয়া নকৰে। ছ’চিয়েল মিডিয়াত শ্বেয়াৰ কৰা এক ভিডিঅ’ বাৰ্তাত দীপকেই কয় যে যোৱা কেইদিনমানৰ পৰা তেওঁ অসুস্থ হৈ আছিল আৰু বৰ্তমান চিকিৎসা গ্ৰহণ কৰি আছে।
CJP সমৰ্থকলৈ কৃতজ্ঞতা প্ৰকাশ
অভিজিত দীপকেই দেশজোৰা আন্দোলন অব্যাহত ৰখাৰ বাবে CJP সমৰ্থকসকলক ধন্যবাদ জ্ঞাপন কৰি নিজৰ লক্ষ্যত উপনীত হ’ব বুলি আস্থা প্ৰকাশ কৰে। দীপকেই লগতে ক’য়- বিগত কেইদিনমানৰ পৰা মই অসুস্থ হৈ আছো। মোৰ মেডিকেল ৰিপৰ্টত টাইফয়েড ধৰা পৰিছে।” তেওঁ লগতে কয় যে-মোৰ চিকিৎসা চলি আছে আৰু মই দৈনিক ঔষধ গ্ৰহণ কৰি আছো। অভিজিতে লগতে কয়-“মোৰ চিকিৎসা চলি আছে। মোক প্ৰতিদিনে IV ড্ৰিপ দিয়া হৈছে, কিন্তু সমগ্ৰ দেশতে শান্তিপূৰ্ণভাৱে প্ৰতিবাদ কৰা সকলো কক্ৰোচৰ প্ৰতি মই কৃতজ্ঞতা প্ৰকাশ কৰিছো।” তেওঁ আন্দোলন সম্প্ৰসাৰণৰ বাবে সমৰ্থকসকলক অভিনন্দন জনাই কয় যে-যদিহে শান্তিপূৰ্ণ প্ৰতিবাদ এনেদৰে চলি থাকে তেন্তে কেন্দ্ৰীয় মন্ত্ৰী ধৰ্মেন্দ্ৰ প্ৰধানৰ পদত্যাগৰ বাবে তেওঁলোকৰ মূল দাবী নিশ্চয় পূৰণ হ’ব।
তেওঁ লগতে কয়, “এই আন্দোলন ইমান সফল কৰাৰ বাবে আপোনালোক সকলোকে অভিনন্দন। মই নিশ্চিত যে আমি আমাৰ শান্তিপূৰ্ণ প্ৰতিবাদ এনেদৰে অব্যাহত ৰাখিলে ধৰ্মেন্দ্ৰ প্ৰধানৰ পদত্যাগ নিশ্চিত কৰিম।” প্ৰতিযোগিতামূলক পৰীক্ষাত সংঘটিত হোৱা কথিত অনিয়মৰ প্ৰতিবাদত CJPৰ নেতৃত্বত এই আন্দোলন আৰম্ভ কৰা হৈছিল। প্ৰতিবাদকাৰীসকলে পৰীক্ষা ব্যৱস্থাত জবাবদিহিতা, নিযুক্তি আৰু প্ৰৱেশ পৰীক্ষাৰ সংস্কাৰ, কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবী জনাইছে ৷
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
