বলিউডৰ ইতিহাসত সবাটোকৈ ব্যয়বহুn চিনেমা হিচাপে ৰেকৰ্ডৰ দিশে গতি কৰিছে ‘ৰামায়ণ’। ছবিখনৰ শ্বুটিং আৰম্ভ হোৱাৰ আগৰে পৰাই ব্যাপক চৰ্চা লাভ কৰি আহিছে। আগন্তুক দীপাৱলীত মুক্তি পাব ৰণবীৰ কাপুৰ অভিনীত বহু প্ৰতিক্ষিত “ৰামায়ণ” ছবিখন। ২৪ জুলাইত ৰামায়ণৰ ট্ৰেইলাৰ মুক্তি পোৱাৰ কথা আছিল অনিৰ্দিষ্ট কাৰণত ছবিখনৰ ট্ৰেইলৰৰ মুক্তিৰ দিন পিছুৱাই দিয়া হয়। ছবিখনত ৰণবীৰ কাপুৰৰ লুক ইতিমধ্যে প্ৰকাশ পাইছে।
উল্লেখ্য যে ২০২৩ত ৰামায়ণৰ কাহিনীৰ আলমত নিৰ্মাণ কৰা হৈছিল “আদিপুৰুষ”নামৰ ছবিখন, য’ত দক্ষিণাত্যৰ অভিনেতা প্ৰভাসে শ্ৰী ৰাম আৰু কৃতি ছাননে সীতাৰ চৰিত্ৰত অভিনয় কৰিছিল। ছবিখনৰ আৰম্ভণি শক্তিশালী আছিল যদিও মুক্তিৰ পিছত বিতৰ্কৰ সৃষ্টি হৈছিল আৰু ফ্লপ হিচাপে সমাপ্তি ঘটিছিল। ৬০০ কোটি টকাৰো অধিক বাজেটেৰে নিৰ্মিত ছবিখনে তীব্ৰ সমালোচনাৰ সন্মুখীন হৈছিল। ছবিখন ফ্লপ হোৱাৰ মূল কাৰণ আছিল দুৰ্বল আৰু বিতৰ্কিত চিত্ৰনাট্য। খবৰ অনুসৰি প্ৰভাসে ছবিখনৰ বাবে ১০০-১৫০ কোটি টকাৰ পাৰিশ্ৰমিক লাভ কৰিছিল।
সম্প্ৰতি শ্বুটিং চলি থকা “ৰামায়ণ”ত শ্ৰীৰামৰ চৰিত্ৰত অভিনয় কৰা ৰণবীৰ কাপুৰক লৈ ব্যস্ত আছে চলচ্চিত্ৰ মহল। প্ৰায় ৪০০০ কোটি টকাৰ বৃহৎ বাজেটেৰে ছবিখন প্ৰযোজনা কৰিছে নমিত মালহোত্ৰাই। আনহাতে দক্ষিণাত্যৰ অভিনেত্ৰী ছাই পল্লৱীয়ে ছবিখনত মাতৃ সীতাৰ চৰিত্ৰত অভিনয় কৰা দেখা যাব। ৰণবীৰ কাপুৰে এই ছবিখনৰ বাবে বহুদিনৰ পৰা প্ৰস্তুতি চলাই আহিছে। ২০২৬ চনৰ দীপাৱলীত প্ৰথম খণ্ড মুক্তি পোৱাৰ বিপৰীতে অনুৰাগীসকলে ২য় খণ্ডৰ বাবে ২০২৭ চনলৈকে অপেক্ষা কৰিব লাগিব। কেৱল ছবিখনৰ বাজেটেই নহয় অভিনেতাসকলেও লাভ কৰিছে যথেষ্ট মাচুল। খবৰ অনুসৰি ৰণবীৰ কাপুৰে ৰামায়ণৰ বাবে ১৫০ কোটি টকাৰ মাচুল লাভ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
