মহাৰাষ্ট্ৰ চৰকাৰে ৰাজ্যখনত জন্ম নিয়ন্ত্ৰণৰ বাবে লোৱা এক আঁচনি ৰূপায়ণ কৰিবলৈ গৈ আশাকৰ্মীসকলে মুখলজ্জাৰ লগতে গঞাৰ ৰোষত পৰিছে৷
জন্ম নিয়ন্ত্ৰণৰ বাবে গ্ৰহণ কৰা উক্ত আঁচনি অনুসৰি আশাকৰ্মীসকলে ঘৰে ঘৰে গৈ এক বিশেষ চেম্পুল অৰ্থাৎ আৰ্হি প্ৰদৰ্শন কৰাৰ লগতে যৌনতাৰ বিষয়েও মুকলিকৈ বাৰ্তালাপ কৰিব লাগে৷ অৰ্থাৎ আশাকৰ্মীসকলে বিবাহিত নৱ দম্পতীয়ে যৌন সম্পৰ্ক স্থাপন কৰাৰ সময়ত কেনেধৰণৰ প্ৰতিৰোধ গ্ৰহণ কৰিলে জন্ম নিয়ন্ত্ৰণ কৰিব পাৰি সেই বিষয়ে ব্যৱহাৰিক শিক্ষা দিব লাগে৷
ইয়াৰ পূৰ্বে দম্পতীসকলক যৌন সম্পৰ্ক স্থাপনৰ সময়ত ল’বলগীয়া প্ৰতিৰোধ সম্পৰ্কে আশা কৰ্মীসকলে পুস্তিকাত থকা চিত্ৰেৰে বুজাই আহিছিল৷ কিন্তু এতিয়া মহাৰাষ্ট্ৰ চৰকাৰে চিত্ৰ শিক্ষণৰ সৈতে আৰু দুটা বিশেষ সজুলি যোগ দিছে৷
লগতে পঢ়ক ৰূপহী মহাবিদ্যালয়ত হঠাৎ কিয় এই পৰিৱেশ?
সেই দুটা হৈছে পুৰুষাংগ আকৃতিৰ সঁজুলি আৰু কণ্ডম৷ যাৰ দ্বাৰ আশা কৰ্মীসকলে গাঁৱলীয়া বিবাহিত দম্পতীসকলক যৌন সম্পৰ্ক স্থাপনৰ সময়ত জন্ম নিয়ন্ত্ৰণৰ বাবে ল’বলগীয়া ব্যৱস্থা সম্পৰ্কে ব্যৱহাৰিক শিক্ষাও দিব লাগে৷
এই ব্যৱস্থাটো ৰূপায়ণ কৰিবলৈ গৈ এতিয়া ৰাজ্যখনৰ আশাকৰ্মীসকলে নিজে লাজত পৰাৰ লগতে গঞাৰ ৰোষতো পৰিছে৷ ৰাজ্যখনৰ গ্ৰাম্য এলেকাৰ নৱ দম্পতীসকলক আশাকৰ্মীসকলে পুৰুষাংগত কেনেকৈ কণ্ডম পৰিধান কৰিব লাগে তাক দেখুওৱাবলৈ পুৰুষাংগ আকৃতিৰ এটা সঁজুলিত কণ্ডম পৰিধান কৰি দেখুওৱাই দিব লাগে৷
‘‘নৱ দম্পতীসকলৰ মাজত সজাগতাৰ সৃষ্টিৰ বাবে আশাকৰ্মীসকলক কেনেকৈ জন্ম নিয়ন্ত্ৰণ কৰিব পাৰি সেই বিষয়ে বিশেষ সঁজুলিৰ জৰিয়তে ব্যৱহাৰিক প্ৰদৰ্শনেৰে বুজাবলৈ ঘৰে ঘৰে প্ৰেৰণ কৰা হৈছে৷ তেওঁলোকে পুৰষাংগ আকৃতিৰ সঁজুলিটোত কেনেকৈ কণ্ডম পৰিধান কৰিব লাগে সেয়াও দেখুওৱাব লাগে৷’’ ৰাজ্যখনৰ স্বাস্থ্য সঞ্চালক ডাঃ অৰ্চনা পাটিলে কয়৷
লগতে পঢ়ক নিজকে কিয় ‘নাৰী’ বুলি নাভাবে বলিউদৰ অভিনেত্ৰী কংকনা সেন শৰ্মাই?
এইদৰে দম্পতীসকলক পুৰুষাংগ আকৃতিৰ সঁজুলিত কণ্ডম পৰিধান কৰা প্ৰদৰ্শন কৰিবলৈ গৈ আশাকৰ্মীসকলে কেৱল লজ্জাবোধ কৰাৰ লগতে পুৰুষসকলৰ ৰোষত পৰিছে৷ সঞ্চালকগৰাকীয়ে প্ৰকাশ কৰা মতে আশাকৰ্মীয়ে এইদৰে পত্নীসকলক তেওঁলোকৰ বিৰুদ্ধে উচটনি দিয়াৰ লগতে লজ্জাহীন কৰা বুলিও পুৰুষসকলে গুৰুতৰ অভিযোগ কৰিছে৷
ইফালে মাত্ৰ দশম শ্ৰেণীলৈকে অধ্যয়ন কৰা আশাকৰ্মীসকলেও নিজৰ যৌন শিক্ষা অভাৱৰ বাবে যৌন সম্পৰ্কৰ সময়ত ল’বলগীয়া প্ৰতিৰোধ ব্যৱস্থা, কণ্ডম আৰু পুৰুষাংগ আকৃতিৰ সঁজুলিৰ দ্বাৰা দম্পতীসকলক যৌন শিক্ষা প্ৰদান আৰু জন্ম নিয়ন্ত্ৰণৰ সজাগতা বৃদ্ধি কৰিবলৈ অপৰাগ হোৱা বুলিও প্ৰকাশ পাইছে৷
বিশেষকৈ ৰাজ্যখনৰ বিৰোধী ৰাজনৈতিক দল বিজেপিয়ে ইয়াৰ সুযোগ লৈ মহাৰাষ্ট্ৰ চৰকাৰক তীব্ৰ ভাষাৰে সমালোচনা কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
