ইন্টাৰনেটৰ পৃথিৱীয়ে আমাৰ বাবে এনে কিছুমান দৃশ্যক জীৱন্ত কৰি ধৰি ৰাখে যিবোৰ দৃশ্য ইন্টাৰনেট আৰু সামাজিক মাধ্যমৰ অবিহনে আমি মানৱ জাতিয়ে কল্পনাই কৰিব নোৱাৰো৷
আমি নিজে প্ৰত্যক্ষভাৱে নেদেখা এনে বহু দৃশ্য আমি সামাজিক মাধ্যমৰ যোগেদিয়েই হাতৰ টিপতে প্ৰত্যক্ষ কৰিবলৈ সক্ষম হৈছো৷
অতি শেহতীয়াকৈ সামাজিক মাধ্যম টুইটাৰত তেনে ভিডিঅ’ ভাইৰেল হৈছে৷ যিটো ভিডিঅ’ৱে ভাইৰেল হোৱাৰ লগে লগে এটা দিনৰ ভিতৰতে প্ৰায় ১ লাখ লোকে দৰ্শন কৰিছে৷
লগতে পঢ়ক অবিশ্বাস্য! ৭১ হাজাৰ টকীয়া এক্টিভাৰ স্কুটিৰ বাবে ১৫.৪ লাখ মূল্যৰ ফেন্সি নম্বৰ ক্ৰয়!
টুইটাৰত এই ভিডিঅ’টো ভাইৰেল কৰিছে ভাৰতীয় এগৰাকী বন বিষয়া প্ৰৱীণ কাছৱানে৷ বন বিষয়া প্ৰৱীণ কাছৱানে নিজৰ টুইটাৰ হেণ্ডলত ভিভিঅ’টো শ্বেয়াৰ কৰি লিখিছে যে ‘‘যদিও বাঘটোৱে জঁপিয়াইছে৷ এইটো বাঘ উদ্ধাৰ কৰি সুন্দৰবনত এৰি দিয়া এটা পুৰণি ভিডিঅ’৷’’
That tiger sized jump though. Old video of rescue & release of tiger from Sundarbans. pic.twitter.com/u6ls2NW7H3
— Parveen Kaswan, IFS (@ParveenKaswan) April 17, 2022
ভাৰতীয় বন বিষয়াগৰাকীয়ে ভিডিঅ’টো শ্বেয়াৰ কৰাৰ পিছতে সামাজিক মাধ্যম টুইটাৰত যথেষ্ট চৰ্চা লাভ কৰিছে৷ প্ৰায় ১ লাখ লোকে দৰ্শন কৰা ভিঢিঅ’টো প্ৰায় ৫ হাজাৰ লোকে লাইক কৰা দেখা গৈছে৷ ইয়াৰ মাজতে বহু লোকে কমণ্ট কৰাও পৰিলক্ষিত হৈছে৷
মিত্ৰ যোশী নামৰ এজন লোকে কমেণ্টত কৈছে, ‘‘লাইফ পাইলৈ মনত পেলাই দিলে৷’’ আন এজনে লিখিছে, ‘‘শব্দটো…সাতোঁৰটো… ৱাউ৷’’
লগতে পঢ়ক ব্ৰিটিছৰ সোণৰ কণি পৰা হাঁহ কেজিএফৰ অকথিত কাহিনীৰ কিয়দংশ!
উল্লেখ্য যে ভিডিঅ’টোত দেখা গৈছে যে বেংগল টাইগাৰ খ্যাত বাঘটোৱে নাওৰপৰা নদীত জঁপিয়াই সাতুৰি নদীৰ পাৰত উঠিছে আৰু পিছলৈ এবাৰো নোচোৱাকৈ পাৰত উঠি চিধাই দৌৰি দৌৰি অৰণ্যৰ মাজলৈ সোমাই গৈছে৷
ফেব্ৰুৱাৰী মাহত, একেজন আইএফএছ বিষয়াই টুইটাৰত এনে ধৰণৰ আন এটা ভিডিঅ’ শ্বেয়াৰ কৰিছিল৷ উক্ত ভিডিঅ’টো এটা ক’লা ভালুক উদ্ধাৰ আৰু মুকলি কৰি দিয়াৰ দৃশ্য দেখা গৈছিল। বিষয়াগৰাকীয়ে ভিডিঅ’টোৰ শ্বেয়াৰ কৰি লিখিছিল, ‘‘এনেকুৱা স্বাধীনতা কিমান যে ভাল লাগে!! হিমালয়ৰ এটা ক’লা ভালুক এঠাইত আৱদ্ধ হৈ আছিল। আমাৰ দলটোৱে পুৱাৰ পৰা অভিযান আৰম্ভ কৰি উদ্ধাৰ কৰিছিল। মানুহৰ লগতে আৰু জন্তুটোৰো কোনো আঘাত নোহোৱাকৈ উদ্ধাৰ কাৰ্য সফল হৈছিল।’’
বিষয়াজনৰ উক্ত ভিডিঅ’টোও সামাজিক মাধ্যমত যথেষ্ট ভাইৰেল হৈছিল আৰু বহুলোকে তেওঁলোকৰ প্ৰচেষ্টাক প্ৰশংসা কৰিছিল৷ সাধাৰণতে বন্যপ্ৰাণী সম্পৰ্কীয় যিকোনো ভিডিঅ’ৱে সামাজিক মাধ্যমত ভাইৰেল হ’লে যথেষ্ট জনপ্ৰিয়তা লাভ কৰা দেখা যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
