ইন্ধনৰ সংকট বাঢ়িছে দেশত৷ চৰকাৰেও সেয়ে বিকল্প শক্তি ব্যৱহাৰত জোৰ দিছে৷ বাহনৰ বজাৰত এতিয়া জনপ্ৰিয় ইলেকট্ৰিক ভেহিকেল বা ইভি৷ যদি কোনো মহিলাই ইভি ক্ৰয় কৰে তেন্তে ৰাজ্য চৰকাৰৰ তৰফৰ পৰা ১ লাখ টকা পৰ্যন্ত আৰ্থিক সহায়তা দিয়া হ’ব৷
এই ঘোষণা কৰিছে বিহাৰ চৰকাৰে৷ ৰাজ্যত গ্ৰীণ এনাৰ্জিৰ ব্যৱহাৰ বঢ়াবলৈ আৰু একেলগে নাৰী ক্ষমতায়নৰ প্ৰচাৰ কৰিবলৈ এই উদ্যোগ লোৱা হৈছে৷ ৰাজ্য চৰকাৰৰ লক্ষ্য ২০৩০ চনৰ মাজত নতুন বাহনৰ ৰেজিষ্ট্ৰেচন ৩০ শতাংশ যেন ইলেকট্ৰিক বাহনেই হয়৷
এই লক্ষ্যৰেই চলিত বছৰ ইভি পলিছি গ্ৰহণ কৰিছে বিহাৰ চৰকাৰে৷ য’ত মহিলাসকলক ইলেকট্ৰিক বাহন কিনিলে ১ লাখ টকাৰ ৰেহাই দিয়া হ’ব৷ যদি ইলেকট্ৰিক স্কুটি বা বাইক কিনিলে মহিলাসকলে চৰকাৰৰ তৰফৰ পৰা ১২ হাজাৰ টকা সহায় পাব৷ জেনেৰেল শ্ৰেণীৰ হ’লে ১০ হাজাৰ টকা আৰু জাতি বা জনজাতীয় হলে ১২ হাজাৰ টকাৰ আৰ্থিক সহায়তা দিয়া হ’ব৷
যদি কোনোৱে তিনিচকীয়া ইলেকট্ৰিক বাহন কিনে তেন্তে জেনাৰেল কেটেগৰীৰ উপভোক্তাই পাব ৫০ হাজাৰ টকা পৰ্যন্ত আৰ্থিক সহায়তা৷ জাতি জনজাতীয় উপভোক্তাই ৬০ হাজাৰ টকা পৰ্যন্ত ৰেহাই পাব৷
ডাইৰেক্ট বেনিফিট ট্ৰেন্সফাৰ বা ডিবিটিৰ মাধ্যমেৰে এই টকা দিয়া হ’ব৷ কমাৰ্ছিয়েল বাহনৰ ৰেজিষ্ট্ৰেছনৰ পাছতেই এই আৰ্থিক সহায়তা লাভ কৰিব৷ তেনেকৈ নন কমাৰ্ছিয়েল ইভি যদি মহিলাসকলে কিনে তেন্তে এই আৰ্থিক সহায়তা পাব৷ দুচকীয়া বাহন কিনিলে মহিলা আৰু পুৰুষ উভয় উপভোক্তাই আৰ্থিক সাহায্য পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
