২০২৪ বাজেটৰ ৯ টা বিষয়ক অগ্ৰাধিকাৰ , বৰ্তমানলৈ কি কি ক’লে বিত্তমন্ত্ৰীয়ে
অভিলেখ গঢ়ি সপ্তম বাৰৰ বাবে দাখিল কৰে বাজেট। বিত্তমন্ত্ৰী নিৰ্মলা সীতাৰমণে কয় যে এইবাৰৰ বাজেটত চৰকাৰৰ ৯টা বিষয়ত অগ্ৰাধিকাৰ আছে, য’ত আছে-
১.কৃষিত উৎপাদনশীলতা
২.নিয়োগ আৰু সামৰ্থ্য বিকাশ
৩.সামগ্ৰিক মানৱ সম্পদ উন্নয়ন আৰু সামাজিক ন্যায়
৪.উৎপাদন আৰু সেৱা
৫.নগৰ উন্নয়ন
৬.শক্তি নিৰাপত্তা
৭. আন্তঃগাঁথনি
৮. উদ্ভাৱন, গৱেষণা আৰু উন্নয়ন
৯.পৰৱৰ্তী প্ৰজন্মৰ উদ্ভাৱন
কৃষক আৰু কৃষি খণ্ডৰ বাবে বাজেটত ১.৫২ লাখ কোটি টকাৰ ব্যৱস্থা কৰা হৈছে। এই পুঁজিৰ জৰিয়তে কৃষি আৰু আনুষংগিক খণ্ডৰ বাবে আঁচনি প্ৰস্তুত কৰা হ’ব।
চৰকাৰৰ ৯টা অগ্ৰাধিকাৰৰ ভিতৰত এটা হ’ল কৰ্মসংস্থাপন আৰু দক্ষতা বিকাশ। ইয়াৰ অধীনত প্ৰথমবাৰৰ বাবে চাকৰি বিচৰাসকলে বিপুল সহায় লাভ কৰিবলৈ গৈ আছে। প্ৰথমবাৰৰ বাবে আনুষ্ঠানিক খণ্ডত চাকৰি আৰম্ভ কৰাসকলক এমাহৰ দৰমহা দিয়া হ’ব। এই দৰমহা প্ৰত্যক্ষ সুবিধা হস্তান্তৰৰ জৰিয়তে তিনিটা কিস্তিত মুকলি কৰা হ’ব। ইয়াৰ সৰ্বোচ্চ পৰিমাণ হ’ব ১৫ হাজাৰ টকা। ইপিএফঅ’ত পঞ্জীয়ন কৰা লোকসকলে এই সহায় লাভ কৰিব। যোগ্যতাৰ সীমা প্ৰতিমাহে ১ লাখ টকা হ’ব। ইয়াৰ দ্বাৰা ২.১০ কোটি যুৱক-যুৱতী উপকৃত হ’ব।
শিক্ষা ঋণ সন্দৰ্ভত বিত্তমন্ত্ৰী নিৰ্মলা সীতাৰমণে কয়, ‘ঘৰুৱা শিক্ষানুষ্ঠানত উচ্চ শিক্ষাৰ বাবে ১০ লাখ টকা পৰ্যন্ত ঋণৰ বাবে চৰকাৰে আৰ্থিক সাহায্য প্ৰদান কৰিব।’
বিত্তমন্ত্ৰীয়ে কয়, ‘আমি প্ৰধানমন্ত্ৰী গৰিব কল্যাণ যোজনা ৫ বছৰৰ বাবে বৃদ্ধি কৰিলোঁ। ইয়াৰ দ্বাৰা ৮০ কোটিৰো অধিক দৰিদ্ৰ লোক উপকৃত হৈছে। নিয়োগ, দক্ষতা প্ৰশিক্ষণৰ বাবে পাঁচখন আঁচনিৰ পেকেজ ঘোষণা পি এমৰ। ইয়াৰ দ্বাৰা পাঁচ বছৰত ৪ কোটি ১০ লাখ যুৱক-যুৱতী উপকৃত হ’ব। এই আঁচনিসমূহৰ বাবে ব্যয় হ’ব দুই লাখ কোটি টকা। অন্তৱৰ্তীকালীন বাজেটত আমি এটা উন্নত ভাৰতক ৰোডমেপ দিয়াৰ প্ৰতিশ্ৰুতি দিছিলোঁ।
বিত্তমন্ত্ৰী নিৰ্মলা সীতাৰমণে কয়, ‘২ লাখ কোটি টকাৰ কেন্দ্ৰীয় ব্যয়ৰে ৫ বছৰৰ ভিতৰত ৪.১ কোটি যুৱক-যুৱতীক কৰ্মসংস্থাপন, দক্ষতা আৰু অন্যান্য সুযোগৰ সুবিধা প্ৰদানৰ বাবে ৫খন আঁচনি আৰু পদক্ষেপৰ প্ৰধানমন্ত্ৰীৰ পেকেজ ঘোষণা কৰি সুখী হৈছো। এইবাৰ আমি শিক্ষা, কৰ্মসংস্থাপন আৰু দক্ষতাৰ বাবে ১.৪৮ লাখ কোটি টকাৰ ব্যৱস্থা কৰিছো।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ