এগৰাকী বাছ চালকৰ এক লহমাৰ অসতৰ্কতাৰ বাবেই এক ভয়ংকৰ বাছ দুৰ্ঘটনা সংঘটিত হৈছে৷ যিটো দুৰ্ঘটনাত থিতাতে ৪ গৰাকী যাত্ৰীৰ মৃত্যু হোৱাৰ লগতে অন্য ১০ গৰাকীৰো অধিক যাত্ৰী গুৰুতৰভাৱে আহত হৈছে৷
এই ভয়ংকৰ দুর্ঘটনাটো সংঘটিত হৈছে ৰাজস্থানৰ কোটা জিলাৰ চিমলিয়া আৰক্ষী থানাৰ অন্তৰ্গত এক এলেকাত৷
ঘটনাৰ বিৱৰণীৰ মতে মঙলবাৰে পুৱা শ্লিপাৰ কোচ বাছখনে এখন ট্ৰেইলাৰত খুন্দা মৰাৰ ফলতে এই ভয়ংকৰ দুৰ্ঘটনাটো সংঘটিত হয়৷
লগতে পঢ়ক কেৰেলাত চিকিৎসা বিজ্ঞানৰ ছাত্ৰীৰ আত্মহত্যা : স্বামীক জৰিমনাসহ ১০ বছৰৰ কাৰাদণ্ড
চিমৰিয়া আৰক্ষীয়ে প্ৰকাশ কৰা মতে যাত্ৰী ভৰ্তি বাছখনে গুজৰাটৰ ৰাজকোটৰ পৰা উত্তৰ প্ৰদেশৰ কানপুৰলৈ ২৭ নং ৰাষ্ট্ৰীয় ঘাইপথেৰে যাত্ৰা কৰি থকাৰ সময়তে উক্ত স্থানত চালকে খিৰিকীৰে গুটখাৰ পিক পেলাবলৈ বাহিৰলৈ মুখ উলিয়াইছিল৷ সেই এক লহমাৰ অসতৰ্কতাৰ ফলতে দ্ৰুত গতিৰ বাছখনে নিয়ন্ত্ৰণ হেৰুওৱাই এখন ট্ৰেইলাৰত প্ৰচণ্ড জোৰে খুন্দা মাৰে৷
আৰক্ষীয়ে প্ৰকাশ কৰাৰ মতে দুৰ্ঘটনা সংঘটিত হোৱাৰ সময়ত বাছখনে ট্ৰেইলাৰখন অতিক্ৰম কৰি আছিল৷ যাৰ ফলত নিয়ন্ত্ৰণ হেৰুওৱাই বাছখন ট্ৰেইলাৰৰ তলত সোমাই পৰে৷
লগতে পঢ়ক ভাৰতলৈ আহি আছে চালকবিহীন বাহন, কেতিয়া উপলব্ধ হ’ব এই বাহন?
ঘটনাৰ খবৰ লাভ কৰিয়েই স্থানীয় আৰক্ষী ঘটনাস্থলীত উপস্থিত হৈ ততাতৈয়াকৈ উদ্ধাৰ অভিযান চলোৱাৰ লগতে আহত যাত্ৰীসকলৰ চিকিৎসালয়লৈ প্ৰেৰণ কৰে৷ ইফালে পৃথকে পৃথকে নিহত যাত্ৰীকেইগৰাকীৰ মৃতদেহটো চিকিৎসালয়লৈ প্ৰেৰণ কৰা হয়৷
দুৰ্ঘটনাটোত মধ্যপ্ৰদেশৰ এজন আৰু উত্তৰ প্ৰদেশৰ তিনিজন লোক নিহত হয়। নিহতসকলৰ ভিতৰত আছে গোৱালিয়ৰ (মোহনা)ৰ বাসিন্দা বীৰেন্দ্ৰ সিং, ঝান্সি নিবাসী নাৰায়ণ সিং আৰু ইটাৱা নিবাসী জিতেন্দ্ৰ আৰু জিতু। শ্লিপাৰ বাছখনত প্ৰায় ৫০জন যাত্ৰী আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
