সকলো বিবাহিত দম্পতীয়ে সন্তান জন্ম দিয়াৰ দুৰ্বাৰ হাবিয়াস থাকে৷ কিন্তু দুৰ্ভাগ্যজনকভাৱে কিছুমান দম্পতীয়ে নিজ ঔৰস আৰু গৰ্ভৰ সন্তানৰ পিতৃ-মাতৃ হোৱাৰ বঞ্চিত হ’বলগীয়া হয়৷
বিশেষকৈ কিছুসংখ্যক নাৰী আৰু কিছুমানে পুৰুষৰ প্ৰজনন ক্ষমতা নথকাৰ বাবেই মাতৃ-পিতৃ হোৱাৰ পৰা বঞ্চিত হৈ পৰে৷ ইয়াৰে কিছুসংখ্যকে জন্মগতভাৱে আৰু কিছুৱে অন্যান্য কাৰকৰ বাবে এনে সমস্যাৰ সন্মুখীন হয়৷
সাধাৰণতে বয়সত বিয়া হোৱা, অনিয়মীয়া খাদ্যাভ্যাস আৰু মানসিক চাপ আদিয়ে অৰ্থাৎ আধুনিক জীৱন চৰ্যাই প্ৰায়ে সন্তান জন্মৰ বাটত বাধাৰ সৃষ্টি কৰে। পুৰুষ-মহিলা উভয়ৰে সন্তানহীনতাৰ আঁৰত বৰ্তমানৰ জীৱনশৈলীকে বিশেষজ্ঞসকলে দাবী কৰে।
লগতে পঢ়ক দুগৰাকী পত্নী, ৬ টাকৈ সন্তানৰ পিতৃৰ কামনাৰ বলি নিজ কন্যা
এটা সময়ত নানান অন্ধবিশ্বাসৰ বাবে বন্ধ্যাত্বৰ বাবে কেৱল নাৰীকহে দায়ী কৰা হৈছিল। কিন্তু আধুনিক গৱেষণা আৰু বিজ্ঞানে দেখুৱাইছে যে কেৱল মহিলাই নহয়, পুৰুষৰো এই সমস্যা আছে।
বিভিন্ন গৱেষণাৰ মতে ডায়েবেটিছ আৰু মেদবহুলতা বন্ধ্যাত্বৰ মূল কাৰকসমূহৰ ভিতৰত অন্যতম।
বিশেষজ্ঞসকলে কয় যে মহিলাৰ মেদবহুলতা আৰু ডায়েবেটিছৰ ফলত অনিয়মিত মাহেকীয়া আৰু অকাল ৰজোনিবৃত্তি হ’ব পাৰে। তদুপৰি ডায়েবেটিছ হ’লে গৰ্ভপাত, অকালতে প্ৰসৱ আৰু বন্ধ্যাত্বৰ সম্ভাৱনা বৃদ্ধি পায়।
লগতে পঢ়ক আহি আছে ভাল খবৰ! পুনৰ আৰম্ভ ৰন্ধন গেছৰ ৰাজসাহায্য!
বহু মহিলাই এতিয়া মেদবহুলতাৰ বাবে পলিচিষ্টিক অভেৰিয়ান চিনড্ৰমত ভুগিছে। এই ৰোগত আক্ৰান্ত হ’লে শৰীৰত হৰম’নৰ ভাৰসাম্যতা বিঘ্নিত হয়। ইয়াৰ ফলত বন্ধ্যাত্বৰ সম্ভাৱনা বৃদ্ধি পায়।
পুৰুষৰ ক্ষেত্ৰতো ডায়েবেটিছ আৰু মেদবহুলতাই যৌনতাত বিশেষ প্ৰভাৱ পেলায়। এই দুই সমস্যাই ইৰেক্টিল ডিছঅৰ্ডাৰৰ দৰে ৰোগ সৃষ্টি কৰে। শৰীৰত শৰ্কৰাৰ মাত্ৰা বৃদ্ধি হ’লে বা ওজন বৃদ্ধি হ’লে পুৰুষৰ যৌন ইচ্ছাও কমি যায়।
ডায়েবেটিছ ৰোগীৰ শুক্ৰাণুৰ গুণাগুণ হ্ৰাস পোৱাৰ ফলত বন্ধ্যাত্বৰ সমস্যাৰ সৃষ্টি হয়। ইয়াৰ বাহিৰেও যদি মেদবহুলতা বেছি হয়, তেন্তে পুৰুষৰ শৰীৰত টেষ্টষ্টেৰন হৰম’নৰ ভাৰসাম্যতা বিঘ্নিত হয়, ইয়াৰ প্ৰভাৱ তেওঁলোকৰ যৌন জীৱনতো পৰে।
লগতে পঢ়ক লাখ লাখ আধাৰ নম্বৰ বাতিল! আপোনাৰটো নিৰাপদ নে? কেনেকৈ জানিব?
গতিকে যদি এহাল দম্পতীয়ে সন্তান জন্ম দিয়াৰ পৰিকল্পনা কৰিবলৈ আৰম্ভ কৰে তেন্তে মহিলা আৰু পুৰুষ দুয়োজনেই তেওঁলোকৰ ওজনৰ বিষয়ে সচেতন হ’ব লাগে। অত্যধিক কম বা বেছি ওজন, দুয়োটা উৰ্বৰতাৰ বাবে ডাঙৰ সমস্যা।
উচ্চতা অনুসৰি ওজন নিয়ন্ত্ৰণত ৰখাটো অতি প্ৰয়োজনীয়। প্ৰয়োজন হ’লে পুষ্টি বিশেষজ্ঞৰ পৰামৰ্শ, খাদ্যাভ্যাস আৰু ব্যায়াম মানি চলিব লাগে। ইয়াৰ উপৰিও তেজত শৰ্কৰাৰ মাত্ৰাও নিয়ন্ত্ৰণত ৰাখিব লাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
